2 कुरिन्थियो 11 - परमेस्वर को सच्चो वचन ख जाननू

पोलुस अर झूठो प्रेरित

¹ अदि तुम मोरी थोड़ी सी मुर्खता बात हुन झेल भी लाने ते का ही भलो होए; हाव, मोरी झेल भी ले हैं।

² काहेकि मी तुमारा बारे म ईस्वरीय जोस लगो रह हैं, एकोलाने कि मी न एक ही अदमी से तुमारो बात करी हैं कि तुम ख सुध्द कुंवारी का जसो मसी ख दे दूँ।

³ पर मी डरु हैं कि साँप न अपनी चलाकी से हवा ख बहकायो, वसो ही तुमारा मन हुन वा सीधाई अर सुध्दता हुन से जो मसी ख संग होनू चाहिए, असो नी कि भ्रस्ट नी कियो जाहे।

⁴ अदि कुई तुमारा नजीक आय ख अऊर दुसरा यीसु को खबर करे ते, जेको खबर हम न नी करियो; या अऊर आत्मा तुम ख मिले, जो पहले नी मिलो हतो; अर कुई सुसमाचार सुनाए जे से तुम न पहले नी मनो हतो, ते तुम ओ ख सहन लेव हैं।

⁵ मी ते समझू हैं कि मी कुई बात म बड़ो से बड़ो प्रेरित हुन से कम नी हैं।

⁶ अदि मी इ बखत म अनाड़ी हूँ, तेबी ग्यान म नी। हम न ऐ ख हर बात म सब तरीका से तुमारो लाने परगट करियो हैं।

⁷ का ऐ म मी न कुई पाप कियो कि मी नी तुम ख परमेस्वर को सुसमाचार फुकट म सुनायो हैं; अर अपनो तुम ख नीचु करियो कि तुम ऊँचो हो जा?

⁸ जब तुम लोग हुन कि सेवा करन ला लाने मीन दूसरा कलीसिया हुन से भी अपनी जिन्दगी का लाने दान समझा ख मान कि उन ख लूट लियो।

⁹ अऊर जब मी न तुमारो संग हतो अर मोखा कमी हुई, तो मी न कुई पर वजन नी डालो, काहेकि भई हुन न मकिदुनिया से आ ख मोरी कमी ख पुरो करियो; अर मी न हर बात म अपनो तुम ख तुम पर वजन बनना से रूको रय्हो अर रोकू रहगो।

¹⁰ अदि मसी की सच्चाई मोरो म हैं ते अखया प्रदेस म ख कोई मो ख यी घमण्ड से नी रोकेगो।

¹¹ कोके लाने? का एकोलाने कि मी तुम से प्रेम नी करू हैं? परमेस्वर यू जान हैं कि म तुम लोग हुन से कित्तो प्रेम करू हैं।

¹² अऊर मी जो करत आय रैयो हूँ, उही कर रैयो हूँ, कि जो लोग मऊका ढूढ हैं उन ख मी मऊका मिल नी दे हैं, काहेकि जी बात म वी घमण्ड करिये हैं, ओमा वी हमारो ही जसो ठहरे।

¹³ काहेकि असो लोग झूठो चेला, अऊर धोखा से काम करन वाला, अऊर मसी को प्रेरित हुन का रूप धारन करन वाला हैं।

¹⁴ यू कोई अचम्भा होन कि बात नी हैं काहेकि सैतान स्वंय भी ज्योतिर्मय स्वर्गदूत को रूप धारन करिये हैं।

¹⁵ एकोलाने अदि ओखा दास हुन को धार्मिकता जसो रूप धरो हैं, ते कोई बड़ी बात नी हैं, अर उनको हमेसा तक उनको काम हुन को अनुसार होए।

प्रेरित का रूप म पोलुस को दुख भोग

¹⁶ मी फिर कहू हैं, कोई मो ख बेकुप नी समझे; नी ते बेकुप ही समझ ख मोरी सहन ले, काहेकि थोड़ा सा मी भी घमण्ड कर सक हैं।

¹⁷ यू बे धड़क घमण्ड म जो कई म कहू हैं, उ प्रभु की आदेस का अनुसार नी पर मानो बेकुप झन ही से कहू हैं।

¹⁸ काहेकि बेजा से इंसान सरीर को अनुसार घमण्ड करिये हैं, ते मी भी घमण्ड करू।

¹⁹ तुम ते समझदार हो ख खुसी से बेकुप हुन की सह लेव हैं।

²⁰ काहेकि जब तुम ख कोई दास बना लेव हैं, या खा जाव हैं, या फसा लेव हैं, या अपनो तुम ख बड़ो बतानू हैं, या तुमारो मुडा पर थप्पड़ मार हैं, ते तुम सह लेव हैं।

²¹ मी लज्जा को संग स्वीकार करू हैं कि तुम लोग हुन को संग यी तरीका को व्यवहार करन ख मोखा साहस नी भयो। तुम ऐख मोरी नादानी समझ, पर जिन बात हुन का बारा म वी लोग डींग मारन को साहस करिये हैं, म भी उन बात हुन ख बारा म उ ईच कर सका हूँ।

²² का वी इब्रानी आय? मी भी आय। का वी ही इस्राएली आय? मी भी हैं। का वी ही अब्राहम को खानदान आय? मी भी हूँ।

²³ का वी ही मसी को सेवक आय मी पागल का जसो कहू हैं मी उनसे बढ़ ख हूँ! जादा महेनत करन म; बार-बार जेल जानो म; सोटा खान म; बार-बार मरन को हालत म।

²⁴ यहूदी हुन न मोखा पाँच बार उन्तालीस सोटा खायो।

²⁵ तीन बार मी न लकड़ी से मार खाई; एक बार मो पर पत्थर हुन से मार खायो गयो; तीन बार असो भयो कि, जे नाव मी चढ़यो गयो हतो, उ टूट गयो; अऊर एक बार पूरा चोबीस घनटे खुलो समुंदर म इत्ते उत्‍ते बहत रयो एक रात-दिन मी न समुध्द म काटो।

²⁶ मी बार-बार रस्ता हुन म; मोखा नद्दी हुन को जोखिम हुन; डाकू हुन को जोखिम हुन म; अपनो जाति वालो से जोखिम हुन म; दुसरी जात हुन से जोखिम हुन म; सहर हुन को जोखिम हुन म; जंगल को जोखिम हुन जोखिम म समुंदर को जोखिम हुन म; झूठो भई हुन का बीच जोखिम म रयो।

²⁷ मी न बेजा मेहनत करियो अर बेजा सी रात हुन जागते हुऐ गुजारी हैं। मोखा अकसर जोवन ख नी मिल हैं। भूखो अर प्यासो, ठण्ड अर कपड़ा हुन को अभवा यू सब म सहे ते रयो;

²⁸ अऊर दुसरा बात हुन ख छोड़ ख जेको उदाहरन मी नी करू, सब कलीसिया हुन की चिन्ता हर दिन मोखा दबाव हैं।

²⁹ जब कोई की कमजोरी हैं ते का मी ओकी कमजोरी से प्रभावित नी हूँ? जब कोई को ठोकर म पतन होय हैं, ते का मी ऐको तीखा अनुभव नी कर?

³⁰ यदि कुई भी बात पर घमण्ड करनो हैं, ते मी अपना कमजोरी हुन पर घमण्ड करू।

³¹ प्रभु यीसु मसी को बाप अऊर परमेस्वर जो सदा धन्य हैं। उ जान हैं कि मी झूठो नी कह रयो हैं।

³² जब म दमिस्क सहर म हतो, ते राजा अरितास सेना नायक न मो ख पकड़न ख लाने सहर पर रख वालो रखो हतो,

³³ अऊर मी चारदीवाल का खिड़की से होयख बाउनडरी म बैठ ख नीचू उतारो दियो गयो अर यी तरीका ओखा हात से बच निकलो।