1 थिस्सलुनीकियो 3 - परमेस्वर को सच्चो वचन ख जाननू

¹ एकोलाने जब हम से अऊर नी रयो गयो, ते हम न यू सोचियो कि एथेन्स सहर म अकेला रैय जाए;

² अर हम न तीमुथियुस ख, जो मसी को अच्छो समाचार परचार म हमरो भई अर परमेस्वर को सेवक आय, एकोलाने भेजो कि उ तुम ख मजबुत करे, अर तुमरो भरोसा को बारे म तुम ख समझाय,

³ जसो कि कोई विस्वासी असो सताव को वजे से डगमगा नी जाय। काहेकि तुम खुद जाना हैं कि हमरो लाने असा दुख हुन को आनो जरूर ही हैं।

⁴ काहेकि पहिले ही, जब हम तुमरो इते हता ते तुम से बोलते जात रह कि हम का दुख उठानो पड़ेगो, अर असो ही भयो हैं, जसो कि तुम जाना भी हैं

⁵ एकोलाने जब मोसे अऊर नी रयो गयो, ते तुमरो भरोसा को हाल जानन को लाने मीना तिमुथियुस ख भेज्यो, कि कई असो नी होय कि परीक्छा लेन वालो सैतान न तुमरी परीक्छा लियो होय, अर हमरी मेहनत बेकार हो गई होए।

⁶ पर अबा तीमुथियुस न, जो तुमरो जोने से हमरो जोने लउट ख आयो हैं, तुमरो विस्वास अर भली बात को सुसमाचार लायो हैं उ हमका बतावा हैं कि तुम हमेसा हमका प्रेम से याद करा हैं अऊर तुम हमका फिर से देखन को लाने उत्ता ही उतावला हैं जित्ता की हम तुम ख देखन को लाने।

⁷ एकोलाने अरे भैय्या अऊर बहिन हुन, हम न अपनो पुरो दुख अर सताव म तुमरो विस्वास से बेजा खुस भया हैं।

⁸ काहेकि अब अदि तुम प्रभु म मजबुत रहे ते हम इंसान जिन्दा हैं।

⁹ अर जसी खुसी हमका तुमरो कारन अपनो परमेस्वर को जोने हैं, ओको बदला तुमारो बारे म हम कसो तरीका से परमेस्वर को धन्यवाद करे?

¹⁰ हम रात दिन बेजा ही विनती करते रहवा हैं कि तुमरो मुण्‍डो देखे अर तुमरो भरोसा की कमी पूरी करे।

¹¹ अब हमारो परमेस्वर बाप तुम ही अर हमारो प्रभु यीसु तुमरो इते आनो म हमरी अगुवाई करे;

¹² अर प्रभु असो करे कि जसो हम तुम से प्रेम रखा हैं, वसो ही तुमरो प्रेम भी एक दुसरा म अर सब इंसान हुन को संग बढ़े अर बढ़तो जाय,

¹³ ताकि उ तुमरो मन का असो मजबुत करे कि जब हमारो प्रभु यीसु अपना सब सुध्द अदमी हुन को संग आहे, ते वी हमरो परमेस्वर अर बाप को सामने सुध्दता म बेकसूर ठहरे। आमीन