1यूहन्ना 3 - परमेस्वर को सच्चो वचन ख जाननू

परमेस्वर को सन्तान

¹ देख, बाप हम से कसो प्रेम कियो हैं कि हम परमेस्वर कि वारिस कहलावा हैं; अर हम हैं भी। ऐको लाने दुनिया हम ख नी जानह हैं, काहेकि ओ न ओ ख भी नी जानो।

² अरे प्यारो दोस्त, अब हम परमेस्वर को वारिस आय, अर अभी लक यी प्ररगट नी भयो कि हम ख कुछ होए हैं! इत्तो जानह हैं कि जब यीसु मसी प्ररगट होए ते हम ओखा जसो होए, काहे कि ओ ख वसो ही देखे जसा उ हैं।

³ अर जे कोई ओ मसी पर आसा रखह हैं, उ अपनो तुम ख वसो ही सुध्द करिये हैं जसो उ सुध्द हैं।

⁴ जे कोई पाप करिया हैं, उ नेम को खिलाप करिया हैं; अर पाप ते नेम को खिलाप हैं।

⁵ तुम जानह हैं कि यीसु मसी एकोलाने प्ररगट भयो हैं कि पाप हुन ख हर ले जाहे; अर ओको स्वभाव म ही पाप नी हैं।

⁶ जे कोई मसी बना रवह हैं, उ पाप नी करिये: जे कोई पाप करिया हैं, ओ न नी ते ओ म देखह हैं अर नी ओ ख जानह हैं।

⁷ अरे पोरिया हुन, कुई का भरमा म नी आनो। जे धरम को काम करिये हैं, उही मसी को जसो धर्मी आय।

⁸ जे कोई पाप करिये हैं उही सैतान कि तरफ से आय, काहेकि सैतान सुरू ही से पाप करते आयो हैं। परमेस्वर को पोरिया एकोलाने प्ररगट भयो हैं कि सैतान को काम हुन ख नास करन आयो।

⁹ जे कोई परमेस्वर से भयो हैं उ पाप नी करिये हैं; काहे कि ओको बीज ओ म बनो रवह हैं, अर उ पाप कर ही नी सका काहे कि परमेस्वर से भयो हैं।

¹⁰ ऐ म ही परमेस्वर को वारिस अर सैतान को वारिस पहिचानो जावा हैं; जे कोई धरम को काम नी करिये हैं उ परमेस्वर से नी, अऊर नी उ जे अपनो भई से प्रेम नी रख हैं।

एक दूसरा से प्यार रखो

¹¹ काहे कि जो समाचार तुम न सुरू से सुन्यो, उ यू हैं कि हम एक दूसरा से प्रेम रख;

¹² अर कैन को जसो नी बनो जो उ बुराई से हतो, अर जे न अपनो भई ख मार दियो। यी कारन कि ओखा काम बुरा हता, अर ओखा भई ख काम धर्म का हता।

¹³ अरे भई हुन, अदि दुनिया तुम से बुराई करिये हैं ते सुरू नी करनु।

¹⁴ हम जान हैं कि हम मऊत से पार हो ख जिन्दगी म पहुँचा हैं; काहेकि हम भई हुन से प्रेम रखह हैं। जे प्रेम नी रख हैं उ मऊत कि स्थति म रवह हैं।

¹⁵ जे कोई अपनो भई से बुराई रख हैं, उ हत्यारो आय; अर तुम जानह हैं कि कई हत्यारा म ही हमेसा की जिन्दगी नी रवह हैं।

¹⁶ हम न प्रेम यी से जानो कि मसी हमारो लाने अपनो जिन्दगी दे दियो अऊर हम ख भी भई हुन को लाने जिन्दगी देनू चाय्हे।

¹⁷ पर जे न कुई का नजीक दुनिया कि धन संपत्ति हो ख अर उ अपनो भई ख कंगाल ख देखकर ओ पर दया खानो नी चाहव हैं, ते ओ म परमेस्वर को प्यार म कसो बनो रह सका हैं?

¹⁸ अरे पोरिया हुन, हम वचन अर जीभ ही से नी, पर काम अर सच को दुवारा भी प्यार करा हैं।

परमेस्वर को सामने हिम्मत

¹⁹ ऐ म से हम जानहे कि हम सच का हैं; अर जे न बात म हमारो मन हम ख दोस देगो, परमेस्वर को बारे म हम ओखा सामने अपनो अपनो मन ख हिम्मत दे सका हैं;

²⁰ अरे दोस्त हुन, अदि हमारो मन हम दोस नी दे, ते हम ख परमेस्वर को सामने बड़ो होए हैं;

²¹ अरे प्यारो दोस्त, अदि हमारो मन हम ख दोस नी दे, ते हम ख परमेस्वर को सामने हिम्मत होवा हैं।

²² ओ कि आदेस यू हैं कि हम ओखा पोरिया यीसु मसी को नाम पर विस्वास करा, अर जसो ओ न हम ख आदेस दी हैं ओखा हिसाब से आपस म प्यार रखा हैं।

²³ ओको आदेस यू हैं हम ओखा पोरिया यीसु मसी को नाम पर विस्वास करा, अर जसो ओ न हम ख आदेस दियो आय ओको ही हिसाब से आपस म प्रेम रखजे।

²⁴ जे परमेस्वर आदेस हुन ख मानह हैं, उ ओ म अर उ उन म बनो रवह हैं: अर यी से, याने उ आत्मा से जे ओ न हम ख दियो हैं, हम जानह हैं कि परमेस्वर हम म बनो रवह हैं।