Mateo 9 - KILOMBENO KIHYA KIA NFUMWETU YESU KIDISITU

¹ (Yesu) batwelele mu bwato, bābukile, bafikile mu kibalo ki’e na mwinyi.

² Biabia, tala! abafikile kwadi muntu badi na busungu bwa kususa, badi mulale ha lusala; Yesu hakumona lukuluhilo lwabo, bākwile kwi sha busungu bwa kususa, eshi: Mwan’ande, Sangash’eshimba diobe, milwisho yobe yibakulekyelwa.

³ Biabia bangi ba bafundji-ba-mikanda bākwile munda mwabo’shi. Uno (muntu) kwete ku kaa Efile Mukulu.

⁴ Anka Yesu hakwiuka binangu biabo, bākwile’shi: A! kianutentekyesha myanda yibi mu mashimba enu, nkinyi?

⁵ Kibakidi kubofula nkinyi, kwakula’shi: Milwisho yobe yibakulekyelwa, su kwamba ’shi: Buka otambukye?

⁶ Anka, bianudia kwiuka’shi: Mwan’a muntu E na matalwa ha nsenga kulekyela milwisho, (biabia bakwile kwi slia busungu bwa kususa’shi): Ebwe, eboshe lusala lwobe, nda mu nshibo yobe.

⁷ Biabia, bēbwele, bayile ku nshibo kwe.

⁸ Bibumbu bia bantu habeumwene, abakanyine, tabatumbisha Efile Mukulu, ubahene matalwa biabia kwi bantu.

⁹ Yesu, habakatukile kwanka, bamwene muntu atemunwa bu Mateo, badi mushale ku nshibo ya kilambwilo bamulungwile’shi: Ndonde, n’e bēbwele, tamulondo.

¹⁰ Kumongo, habadi Yesu mushale mu nshibo kwete kudia, talai! kubalikite be bungi basangishi-ba-milambu na basodi ba myanda, babashalele na Yesu, na bana be ba bukishi.

¹¹ Habamwene Bafadiseo (uno mwanda) abalungwile bana-be-ba-bukishi’shi: Mulambukishi enu kiadila na basangishi-ba-milambu na basodi ba myanda nkinyi?

¹² Anka hauhushishe Yesu bālulwile’shi: Abo be musangyelo ta be na lukalo lwa ñanga, anka’bo be na busungu.

¹³ Anka nuendei, nwambulei kishingulwilo kia uno. Nankyebe lusa, tankyebe kitahilo, mwanda nki mufikye kwitanyina balulame ba mashimba, ooo, anka, balwishi belangye mwishimba.

¹⁴ Henyihaha bana-ba-bukishi ba Yoano babafikile kwadi’shi, atwe na Bafadiseo atushila biakudia misusa na misusa, anka bana-ba-bukishi bobe tabashilā, a nkinyi?

¹⁵ Yesu bebālulwile’shi, A bana ba mu nshibo ya mubambi mukashi abeuku kudila ha ki ntubambi e n’abo su? Anka mafuku akafiki hakakwatwa mubambi inulume kwabadi, biabia abakashīdi biakudia.

¹⁶ Takwi muntu akalamika kilaka kia mbwisha yihia ha kilamba kikulu, mwanda kiakia akishiki kianka akikalamunuka, n’ehunda adibotoka.

¹⁷ Takwi muntu namu akēle malofu ahia mu milangi ya misekya ya kalā, mwanda misekya ayikatubuka, na malofu akasumbuka hashi, na milangi ya misekya ayikalwilwa; anka abēlā malofu ahia mu milangi ya misekya yihia, na bioso bibidi abibombeleshwa.

¹⁸ Henyihaha bibākula yino myanda kwabadi talai, mutontshi bafikile, bamulangwidile’shi: Mwan’ande mukashi bāfu binobino, banda kufika, omutentekye eyasa diobe, biabia akekala na muwa.

¹⁹ Yesu bēbwele, tamulondo, na bana be-ba-bukishi.

²⁰ Talanga, Mwana mukashi badi na busungu bwa kushila lwendenda, bihwa ekumi, na bihwa bibidi, bafikile kumongo kwe, bakumine mutelo wa kifwalwa kie.

²¹ Mwanda bakwile munda mwe’shi: Su nankamukumu sunga ku mutelo wa kifwalwa kie, nankekala musangyela.

²² Anka Yesu bealulwile, habamumwene bakwile’shi; Mwan’ande nyish’eshimba diobe, lukuluhilo lwobe lubakuhasha, na winyi mwana mukashi bekele musangyela ku yawa nguba.

²³ Hafikile Yesu mu nshibo ya mutontshi (a mu kitumbwilo) na habamwene bañomba na bibumbu bia bantu abel’eunga,

²⁴ E bebalungwile’shi: Ehengei, mwanda nsongwakashi tamufwe ooo, ntulo tadi mulale. Tabamuseha na kumukyengula.

²⁵ Anka kibumbu hakibatushishwa, e batwela mwanka, bamwatshile ku mboko, na winyi nsongwakashi babukile.

²⁶ Na nkumo yao yibahalakene mu yaya nsenga yoso.

²⁷ Hakukatuka Yesu kwanka, bampofu balume babidi abamulondele, tabamwele musase’shi: Etufwile lusa, obe Mwan’a Dafidi.

²⁸ Hakutwela mu nshibo, bampofu abafikile kwadi; Yesu bakwile kwabadi’shi: Anukumina’shi, neuku kwinukitshina kino su? Babamwalulwile’shi: E Mwanana.

²⁹ Biabia bebakumine meso abo’shi: Bu lukuluhilo lw’enu bikale binukitshinwe.

³⁰ Biabia meso abo ababulukile, na Yesu bebalungwile bikata’shi: Talai! tanwiukishanga muntu sunga ngumune.

³¹ Anka’bo habakatukile, babahalakeshe nkumo ye mu yaya nsenga yoso.

³² Habadi tabatuku, talai! abamufwishishe kamama kukwatshibwe na kikudi kibi.

³³ Habadi kikudi kibi kibabingibwa, kamama bākwile, na bibumbu bia bantu bibakanyine’shi: Biabia tambimwekwe kwibedi sunga mu Isalele, ooo.

³⁴ Anka Bafadiseo abakwile’shi: Abingā bikudi bibi na matalwa a mukishi wa luhando.

³⁵ Yesu batambukile mu bibalo na mu misumba yoso, kwete kulambukisha mu bitumbwilo biabo, na kulungula mukāndu-wibuwa wa bufumu, na kuhwisha bantu na busungu boso na kunemenwa koso kwa mbidi ya bantu.

³⁶ Anka habamwene bibumbu bia bantu, bebasambile, mwanda badi bahungile, badi abahalakenwe bu mikoko yishī na katshunga.

³⁷ Henyihaha balungwile bana-be-ba bukishi’shi: Bidimwanga bi bungi binyibinyi, anka baumbudi mbahela.

³⁸ Binyibiabia, nutekye kwi nfumu a bidimwanga’shi, atakule bafubi ba kuumbula’bio bie.