I Yoano 1 - KILOMBENO KIHYA KIA NFUMWETU YESU KIDISITU

¹ Kiakia kibadi ku mbangilo, kiatubahushishe, kiatubamwene na meso etu, kiatubabandiile, twekikuma na maasa, ha Mwanda wa muwa;

² (mwanda muwa ubamwekyelwe, n’atwe tweumona, na kwakula bu kamonyi, na kwinulungula (awa) muwa wa ikala-ika, ubadi na Yaiya ubetufumbudilwe;)

³ kiakia kiatubamwene na kiatubahushishe atwinulungula’shi, anwe namu numone kilombeno n’etu: binyibinyi kilombeno kietu ki na Yaiya, na Mwan’e Yesu Kidisitu:

⁴ na yino myanda yiatufundu’shi, kusehela kwetu kukumbane.

⁵ Na uno nyi mwanda watubahushishe kwadi, na kwinulungula’shi, Efile-Mukulu nyītata, na mwadie tamwi mufito, sunga mpahela.

⁶ Su atwakula’shi, twi n’e kilombeno, a kunyi atutambuka ’mufito, (biabia) atudimbi, tatukitshi biabinyibinyi:

⁷ anka su atutambuka mwitata, mwadi mwikele mwitata, twi na kilombeno muntu na mukwabo, na mase a Yesu Mwan’e aetutosha ku milwisho yoso.

⁸ Su atwakula’shi, tatwi na milwisho, atwidimbi, ’twe ba na bene, na biabinyibinyi tabi munda mwetu.

⁹ Su atukumina milwisho yetu, e na kishima na kululama kwitulekyela milwisho yetu, na kwitutosha ku yishīyilulame yoso.

¹⁰ Su atwakula’shi, tatwi balwishe, (biabia) atumwalulabu sha madimi, na Mwanda we tawi munda mwetu, ooo.