Bena Loma 4 - KILOMBENO KIHYA KIA NFUMWETU YESU KIDISITU

¹ Ahenyihaha akiatukyebe kwakula kinyi? ha mwanda wa shyetu-kulu Abalahama mwikele mbidi ye akibamwenemo nkinyi?

² Su Abalahama badi mubingishwe ku bikitshino, biabia e na he kwitumbisha; ta nku meso kw’Efile-Mukulu, ooo.

³ Bifundwe namu abiakula na minyi? eshi, Abalahama bakuminyine Efile-Mukulu, ako namu abamutemwinyine kululama.

⁴ Biabia awa akakitshi bikitshino, abwa bwedi ta bu mutemwinwa’shi, mbuntu, ayoyo, nyi kibakitshine.

⁵ Biabia kwi’wa ta kitshi bikitshino, ank’akumina mwi abingishā bashī be n’Efiīe-Mukulu, lukumino lwe alutemunwa kululama.

⁶ Anka mubalungudile Dafidi mwabi w’awa muntu batemwinwe n’Efile-Mukulu kululama kushī na bikitshino:

⁷ Eshi, be na mwabi, abo be na kulekyelwa ha mwanda wa kushula kwa bishila kwabo, na milwisho yabo yibwikilwe.

⁸ Awa, e na mwabi shī atemunwa n’Efile-Mukulu bu mulwishi.

⁹ Biabia uno mwabi fianka wa kwi basale su? wi na kwi bashī basale’nyi? Abiatwakula’shi, lukumino lubatemunyine Abalahama kululama.

¹⁰ A binyibiabia kubamutemunyine ha kinyi? A mpa badi musale su? su mpabadi shīmusale? ooo, ta mpa badi musale; anka habadi shīmusale.

¹¹ N’e batambwile kitundwilo kia kusala, kibadi kia kwiukisha kululama kwa lukumino lubadi n’alo kala, habadi ta musale; mwadi akwikela bu nshyabokulu a boso abakumina, sunga’bo bashī basale; eshi, kululama kwibatemwinwe n’abo namu.

¹² Ekale shyabo-kulu a basale, kwi’bo ta be na kusala ank’abo bana bene, anka kwi abalondo mu ngwa ya lukumino lwa shyetu-kulu Abalahama lubadi n’alo habadi shīmusale.

¹³ Ta mbalayile Abalahama na twikulo twe buhianyi bwa nsenga yoso mwanda wa mukanda-wa-milangilo, ooo, anka ha mwanda wa kululama kwa lukumino.

¹⁴ Su ’ba ba mukandawa-milangilo mbampianyi, biabia lukumino ndwa bisumanga, na mudayilo winyi ubakutshikwa.

¹⁵ Mukanda-wa-milangilo aufisha nsungu; binyibiabia su mukanda-wa-milangilo ta wi kwanka, biabia kushula kwa mukanda-wa-milangilo ta kwi kwanka.

¹⁶ Henyihaha nyi ha lukumino’shi, wikale wa buntu mwa kutshina’shi, mulayilo wikale wa binyibinyi ku twikulo toso, ta ñanka twa mu mukanda-wa-milangilo, ooo, anka kwi toso twi na lukumino lwa Abalahama, awa shyetu-kulu a atwe boso.

¹⁷ (Anka mwakibafundjilwe’shi, nankwikasha todi shyabo-kulu a mīlo yi bungi) ku mpala kwa’wa akukumina, nyi Efile-Mukulu na Mwinyi, asangulā bafwe tabatala, atemuna bintubishī hanka bu bi hanka.

¹⁸ Awa bakuminyine mu lukuluhilo alo lubadi lushī mwa kukuluhīla, mwadi akwikela shye-kulu a mīlo yingi, anka mwakibakudilwe’shi, Nyi a mukekela kekulu kobe.

¹⁹ Anka hakwikela kushī na lotolo mu lukumino, bahwandjikishe mbidi ye na mwinyi’shi, ta ngifwe, habadi bihwa lukama, n’efu dia Sala dibadi difwe;

²⁰ ta badi na mealasheno ku mulayilo w’Efile-Mukulu mu lushīlukumino, ooo, anka bakankamikile mu lukumino kutumbisha Elile-Mukulu ntumbo;

²¹ binyibiabia nyi ha mwanda wa kwiūkisha bibuwa’shi, kibandayile, E na mwinyi e na katshintshi mwa kukitshina kianka.

²² Henyihaha nyi ha mwanda ubamutemwinyine’shi nkululama.

²³ Binyibiabia ta kibafundjilwe mwanda w’e na mwinyi’shi, kimutemwinwe, ooo,

²⁴ biosobi ngw’etu’twe boso hamune, bakukatemwinwa wanka, su atukumin’awa basangwile Yesu Nfumwetu mu bafwe.

²⁵ Winyi bahanyinwe ha kusola kwetu kwa myanda, dimo’nyi basangwilwe (ku lufu) ha mwanda wa kubingishwa kwetu.