Bena Loma 3 - KILOMBENO KIHYA KIA NFUMWETU YESU KIDISITU

¹ A biabia mwina Yuda kiakila mwanka nkinyi? Sunga kisale namu akikamusungila kinyi?

² Bi bungi bwi moo bia ku mpese yoso; bia kwibedi; fianka’bo kubebabikile biakulwe bi’Efile-Mukulu.

³ A bibadi bangi bashī badi na lukumino, lukumino lwa babadi ta be n’abo, alwiuku kukita biabinyibinyi bi’Efile-Mukulu bu bia bisumanga su?

⁴ A leka! leka! ta mbiabia, Ee, Efile-Mukulu ekale na binyibinyi, anka muntu ese sha madimi; anka mwakibafundjilwe’shi; biodia nkebingisha mu myanda yobe, na kukomesha hofiki mu kimu.

⁵ Su yishīyilulame yetu ayitumbisha kululama kw’Efile-Mukulu atukākula na minyi? Efile-Mukulu ta mululame bialesha nsungu su? nākula bu muntu.

⁶ A leka! leka! ta mbiabia, su badi bino, Efile-Mukulu biabia akatshibi myanda ya hanohansenga bi kunyi?

⁷ Mwanda wa biabinyibinyi bi’Efile Mukulu su bibakamba kumutumbisha ntumbo anka ha madimi ande; ahenyihaha mwanda kinyi natshibilwa bu mulwishi?

⁸ Anka su mbilombane biatudimbilwa na mbilombane bu bamo bakwile’shi, tukile bibubi, biabia bibuwa abikamwekye mwanka? Bakukita biabia, kuhila kwabo nkulombane bianka.

⁹ A na minyi? Atwe’ba twibakile su? ayoyo, sunga mpakoto. Mwanda’twe tubahwile kubatonyesha kala’shi, bena Yuda na bena Ngidiki boso’shi, mbalwishi;

¹⁰ Anka mwakibatundjilwe’shi, takwi mululame sunga ngumune.

¹¹ Takwimuntue na binangu; Akukimba Efile-Mukulu te kwanka.

¹² Bosoboso abalamunukile, abafikile hamune bu ba bisumanga. Ta ha kia kitshi bibuwa su ngumune, ooo.

¹³ Midibu yabo ’mashama abule, na ku ndjimi yabo abesamba’nka bia kwidimbena; bulembe bwa manyoka bwi mushi mwa milomo yabo:

¹⁴ Makanwa abo ngaule miloa na būlo:

¹⁵ Mikolo yabo yi lubilo anka ha kukasumbula mase:

¹⁶ Mu mashimba’bo mwi kifita na kwinyongola:

¹⁷ Eshinda dia muloo ta beuku dianka ooo:

¹⁸ Ta kwi kutshina kw’Efile-Mukulu ku meso kwabo.

¹⁹ Atwiuku’shi, bioso abiakulā mukandawa-milangilo, awakulā kwi’ba be mushi mwa mukanda-wamilangilo eshi, makanwa oso akamumu, n’aba hanohansenga bosoboso abakahīla kwifīle-Mukulu.

²⁰ Binyibiabia ku mifubo ya mukanda-wa-milangilo ta kwi muntu akabingishwa ku meso kwe ooo; anka ha mwanda wa mukanda-wa-milangilo nyi ha kiyukilo kia kulwisha.

²¹ Anka binobino kululama kw’Efile-Mukulu kubafumbuka bisuman-milangilo, kubatemunwa bu kamonyi ka mu mukanda-wa-ga mukanda-wa-milangilo na kwi batemuki:

²² Anka kululama kw’Efile-Mukulu kwi ku lukumino lwa Yesu Kidisitu ku boso, na ha boso abakumina; mwanda ta kwi ha belamunwina au hee au hee, ooo.

²³ Mwanda wa bantu boso abalwishishe, abalobela ku ntumbo y’Efile-Mukulu;

²⁴ ha kubingishibwa kushī nsambu, ku buntu bwe bwa mu kikudilo kia mu Kidisitu Yesu.

²⁵ Winyi batudibwe kwifile-Mukulu bu mulambu wa kubwikila bubi (ba bantu,) wa mu tukumino mu mase e, mwaleshesha kululama kwe ha mwanda wa kulekyelwa kwa milwisho yibakitshinwe kala, mu kuhuñanya kw’Efīle-Mukulu;

²⁶ biabia mwanda wa kulungula mu kino kihindji kululama kwe’shi, biadia kwikala na kwibingisha, na bu mubingishi a muntu e na kukumina kwa mu Yesu.

²⁷ A biabia’nyi kwitumbika kwi kunyi? ta kwi kwanka, A mpa kishila kinyi? a nkia ha bikitshino su? ooo, ñanka ku kia lukumino.

²⁸ Binyibiabia tubākula’shi, muntu babingishwa ku lukumino, lushī bikitshino bia mukanda-wa-milangilo.

²⁹ Efile nga baYuda anka’bo nyi? ta nga a mīlo namu su? Ee, nga a mīlo namu boso kumune.

³⁰ Ahenyihaha aku nyi Efile Mukulu ngumune akabingisha basale ha lukumino, n’aba shībasale ha lukumino.

³¹ Biabia tusabule mukanda-wa-milangilo ha lukumino su? A leka! leka! ta mbiabia, nyi hatudia kunyishishā mukanda-wa-milangilo.