Bena Loma 2 - KILOMBENO KIHYA KIA NFUMWETU YESU KIDISITU

¹ Binyibiabia twe na mwa kwibalaāanya, obe muntu, su we nanyi su nanyi, atshibila (mukwenu) mwanda mu’kia kiotshibila mukwenu wehīsha obe na mwinyi; mwanda obe otshibi okitā’nka kianka.

² Anka ’twe atwiuku biya’shi, ha kimu ki’Efile-Mukulu nkilombane na mu biabinyibinyi mu’ba (bantu) abakitā yino myanda.

³ N’obe kampanda, atshibila baba abakitā myanda yaj’a, n’obe namu okitāyanka, otentekyesha’shi, nankahanda ku kimu ki’Efile-Mukulu su?

⁴ Su ofutala nāmu buheta bwa bumuntu bwe, na kuhuāanya kwe, na kutula kw’eshimba die, na kushī kwiuka’shi, bumuntu bw’Efile-Mukulubwi mwanda wa kukukunkusha ku lwilango lw’eshimba su?

⁵ Anka ha mwanda w’eshimba diobe di bukoho, n’adishī adilanga, webikil’obe na mwinyi nsungu mu di’efuku dia nsungu, na dia lufumbuko lwa kimu kilulame ki’Efile-Mukulu,

⁶ E akaha muntu ese, muntu na kie, muntu na kie anka mulombene bikitshino biabo.

⁷ Kwi baba be na kwishtnka mu mufwaka mu bikitshino bibuwa abakimbi ntumbo na kinemo, na kukutwa lufu, abakahebwa mawa wa ikala-ika;

⁸ Anka kwi baba abelā mpaka, n’abakoloma ku biabinyibinyi, anita abakokyela yishiyilulame abakamono nsungu na bukyelo.

⁹ Na kufwambuka, na kwibaba kwi muntu ese akitā bibubi, kubadila na mwina Yuda, na kwi mwina Ngidiki namu.

¹⁰ Anka akaha ntumbo na kinemo na kufukatna, kwi muntu ese akitā bibuwa, kubadila na mwina Yuda, kulonda na niwina Ngidiki.

¹¹ Mwanda Elile-Mukulu ta nemeka bantu’shi, au ngiu, au ngiu, ooo.

¹² Abo boso abalwishishe hababadi bashī na mukanda wa-milangilo, abakalwila namti kushī mukanda-wamilangilo; n’abo boso abalwishishe ku mukanda-wamilangilo, abakatshibilwa myanda anka ku mikanda-yamilangilo.

¹³ Mwanda’bo ababusha bisumanga ku mukanda-wa-milangilo, ta mbalulama kw’Efile-Mukulu, ooo; anka’bo abalama mukanda-wa-milangilo abakabingishibwa.

¹⁴ Biabekyele mīlo yishī na mukanda-wa-milangilo abakitā ku mashimb’abo bi mu mukanda-wa-milangilo, abia bakutshilwe mukanda-wa-milangilo, be na mukanda w’abo wa milangilo mu mashimba’bo bana bene.

¹⁵ Mwanda wa bikitshino biabo abilesha mufubo wa mukanda-wa-milangilo bilundwe mu mashimba’bo, eshimba diabo ditoka dia binangu munda adiakula bu kamonyi, binangu biabo abibahīsha su abibabingisha abo bana bene,

¹⁶ mwifuku di’Efile-Mukulu diakatshibila myanda yifibwe ya bantu kwi Kidisitu anka mulombene mukāndu-wibuwa wande.

¹⁷ Talanga, obe atemunwa bu mwina Yuda, otē eshimba ku mukanda-wa-milangilo, welungwile mw’Efile-Mukulu,

¹⁸ weuku namu kyebel’eshimba die, na kukumina ku bia bikamba kulumbuluka, we mulambukishwe mu mukanda-wa-milangilo.

¹⁹ Okumin’obe na mwinyi’shi; Ami uno nyi kilomboshi kiabampofu, na bwitata dia be ’mufito.

²⁰ Akulanga balotakane, mulambukishi a bana bakinga, a kwikala na kihikwa kia kiyukilo, na kia biabinyibinyi bia mu mukanda-wa-milangilo.

²¹ A binyibiabia ob’alambukisha mukwenu, twelambukisha namu obe na mwinyi? Obe olungula muntu’shi; toibanga, obe namu oiba su?

²² Wakula na muntu’shi; twekalanga na lusandji; obe namu weltale na lusandji su? Obe mushikwe mankishi, obe namu oibā bia mu Kitumbwilo ki’Efile-Mukulu su?

²³ Obe wetumbika ’mukanda-wa-milangilo, biabia ohelesh’Efile-Mukulu ha kushula mukanda-wa-milangilo su?

²⁴ Mwanda eshina di’Efile-Mukulu dibakaibwa bimoo munkatshi mwa mīlo ha mwanda wenu, anka mwakibafundjilwe.

²⁵ Mwanda, kisale namu akisungūla binyibinyi su olama mukanda-wa-milangilo, anka s’oshula mukanda-wa-milangilo, biabia kisale kiobe kibālula ta kia bu bisumanga.

²⁶ Binyibiabia su awa shīmusale ’mulame kululama kwa mu mukanda-wa-milangilo, bushī-musale bwe abukakutwa kutemunwa bu kisale’nyi?

²⁷ Henyihaha su ābwa bushī-musale bwa kutandwa n’abo mbukumbashe mukanda-wa-milangilo, biabia abukutwa kukuhīsha obe ena mukanda wa kisale hanka, oshula mukanda-wa-milangilo su?

²⁸ Muntu ta mwina Yuda ku mwanda wa mbidi ye, na kisale kia ku mbidī namu nyi anka hamune namu (kwakwa ta nkisale, ooo).

²⁹ Anka mwina Yuda na mwinyi nyi anka a munda; na kisale namu nyi kwishimba mu muwa, kushī ku mukanda anka ao, ooo; ntumbo ye yishī ya ku bantu, ooo, ngia kw’Efile-Mukulu.