Bena Loma 16 - KILOMBENO KIHYA KIA NFUMWETU YESU KIDISITU

¹ Nenuifuhwila Febe, mukwetu mwana mukashi, e mufubi a kihwilo ki mu Kenkelea eshi:

² mwanudia kutambula mu Nfumwetu, mwa kulombena balamunwe-bakishila nwikal’anumukwashia mu mifubo yoso, su nkinyi su nkinyi kyenukyebela kumukwashia; mwanda e na mwinyi e muledi a be bungi, n’āmi winyi namu.

³ Naimuna Pidisila na Akwila winyi kumune, bakwetu bafuhi mu Kidisitu Yesu.

⁴ Aba babatudile mashingo abo ha muwa wande, nebatumbula, anka ta n’ami buhenka bwande, ooo, anka na bihwilo bloso bia Mīlo kumune abitumbula.

⁵ Mpamune namu, naimuna kihwilo ki mu nshibo yabo. Naimuna na mukuminyibwe ande Epaineto, nyi kikuba kia kwibedi kia mu Akaya kwi Kidisitu.

⁶ Naimuna Madia etufubila mifubo bimoo.

⁷ Naimuna Andalonikusa na Yunia ba kifuko kiande, bakwetu bakufungibwa n’ami hamune; abo ba ntumbo munkatshi mwa batumibwa, babambadidīle mu Kidisitu.

⁸ Naimuna Ampediasa mukuminyibwe ande mu Nfumwetu.

⁹ Naimuna Ulabane mukwetu mufubi mu Kidisltu, na Setakisa mukuminyibwe ande.

¹⁰ Naimuna Apelese mukuminwe mu Kidisitu. Nalmuna n’aba be mu luhoho lwa Adisobulusa.

¹¹ Naimuna Helodiona a kifuko kiande. Naimuna n’aba be mu luhoho lwa Nalashisa, be mu Nfumwetu.

¹² Naimuna Taifena, na Taifosa kumune, abafubu mifubo mu Nfumwetu. Naimu na Peshise winyi mukuminyibwe, bafubile mifubo bimoo mu Nfumwetu.

¹³ Naimuna Lufusa musangudibwe mu Nfumwetu, na nyin’e mwinyi n’ande tabo.

¹⁴ Naimuna Asenkitusa, na Filekona, na Hemase, na Patobase, na Hemese, na bakwetu boso banudi n’abo.

¹⁵ Naimuna’nyi Filolokusa, na Yulea, na Neleusa, na nkashyan’e kumune; na Olempasa, na balamunwe-bakishila boso banudi n’abo.

¹⁶ Nwikale anwīmushena anwe bana bene na kwififyena kulamunwe kwikishila. Bihwilo bia Kidisitu bibenwimunai.

¹⁷ Bino nenusendel’anwe bakwetu, nangushenai abakitshisha bia kwilamuña, n’abia bia kwinukokosha, bishī bilombane mu lulambukisho lwanubambwile, nwibafutalei.

¹⁸ Mwand’abo be biabia ta mbafubile Nfumwetu Yesu Kidisitu, ooo, anka ya mafu abo; na kwi mīsambo yabo ya kushīñanya yibuwa bwimoo, na ya ntumbo, yabadimbi mashimba a balotakane.

¹⁹ Mwanda kikokyeshi kienu kibafumankasha bantu boso. N’ami binyibiabia nenusehela ha mwanda w’enu, anka nenukyebela’shi, nwikale basha kalolo ku kia kibuwa, na bu batshikame ku kia ki bubi.

²⁰ Bino Efile-Mukulu a kufukama akatshokola Satana mushi mwa ngwa yenu ahayisha kihindji kihela. Buntu bwa Nfumwetu Yesu Kidisitu bwikale nenu.

²¹ Temote mukwetu mufubi benwimuna; Lusensa na Ndjasone, na Soshipate ba kifuko kiande, abo abenwimuna namu.

²² N’ami Tetyusa bafundjile uno mukanda, nenwimuna mu Nfumwetu.

²³ Ngaiusa mbabā’nde n’ā kihwilo kioso kumune benwimuna. Elatusa, mendaku a kibundji benwimuna, na Kwatusa mukwetu kumune.

²⁴ Buntu bwa Nfumwetu Yesu Kidisitu bwikale n’enu anwe boso. Amena.

²⁵ Bino, kwadi e a katshintshi kwinukankamika anka mulombene mukānduwibuwa wande, na ha kulungula kwa Yesu Kidisitu mwikele kufumbulwa kwā’kia kifībwe kibadi kifībwe kalā kasha bahanohansenga hadi mubangile.

²⁶ Anka bino kibafumbulwa ku Bifundwe bia batemuki, anka mulombene mulangilo w’Efile-Mukulu a ikala-ika, kibeukibwa ku Mīlo yoso, ha mwanda wa kikokyesho kia lukumino;

²⁷ kw’Ifile-Mukulu umunenka nyi anka sha binangu, ekale ntumbo kwi Yesu Kidisitu kwa ikala-ika. Amena.