Bena Efisesa 3 - KILOMBENO KIHYA KIA NFUMWETU YESU KIDISITU

¹ Nyi mpa uno mwanda ami Paulu musungi wa Yesu Kidisitu kwi’nwe Badjentaila.

² Su nubahushishe mwanda wa bulumbudi bwa bu-muntu bw’Efile Mukulu bubampelwe ha mwanda wenu.

³ Bu mwabamfumbwidile, anukisha kinyi kifībwe; (kianafundjile kwibedi mu twanda twi binyibiabia.

⁴ Hakubala mu twanka, nushingule kiukilo kiande mu kifībwe kia Kidisitu),

⁵ kishī badi kiukībwe kwi bana ba bantu mu bingi bihindji bia kala, bu mwakibafumbwilwa binobino kwi batumibwa be balamunwe-bakishila, na batemuki, ku Kikudi (E-Selelee) ’shi:

⁶ Badjentaila bekale bahyanyi hamune, na ba ku yinyi mbidi yimune, na ku batambudi ba mulayilo we mu Kidisitu ku mukāndu-wibuwa.

⁷ Nyi mwanālulwa tandji bu mufubi mulombene buntu bwa bumuntu bw’Efile Mukulu, bwanahelwe ku kutuhwita kwa mufubo wa bukome bwe.

⁸ Kwandji’mi mukilekile buhela a mu balamunwebakishila boso, nyi kubahebwa buno bu-muntu’shi, alungule munkatshi mwa Badjentaila bulieta bwa Kidisitu bushyabumono mwa kulondolwela.

⁹ Na kumwekyesha ku bantu boso mwikele lwabano lwa kifībwe, kinyi kibadi kifībwe ku (kibangilo kia) hanohansenga mw’Efile Mukulu, bahangile bintu bioso mu Yesu Kidisitu.

¹⁰ Ha mwanda wa kwamba’shi, bakata bakilekile na basha matalwa be’mwa mwiilu beukye binangu bi bihaso na bihaso bi’Efile Mukulu ku kikoñeno ki’Efile.

¹¹ Mubadi muyile kufuna kwa ikala-ika kwabafunyine mu Kidisitu Yesu Nfumwetu.

¹² Mwadi e twibauyingye mashimba na kitwelelo kishī katshima munda ku lukuluhilo lw’e.

¹³ Biabia nyi biankyebe’shi, tanukokanga ku malwa ande a ha mwanda wenu, ao nyi ntumbo yenu.

¹⁴ Nyi mpa uno mwanda wankunaminā manwi ande kwi Nshye a Nfumwetu Yesu Kidisitu,

¹⁵ kwadi kubaudikilwe bifuko, bioso bi mwiilu, na be ha nsenga,

¹⁶ ami’shi, enuhe, muyile buheta bwa ntumbo ye, kwikala banyishibwe na ntshitshiba mu muntu e munda kwi Kikudi (E-Selelee) e;

¹⁷ ami’shi, Kidisitu abombele mu mashimb’enu ha lukuluhilo’shi, anwe hakwikala bashimatshishwe bu mishi, na kukankamikwa hashi mu kifulo,

¹⁸ anukeuku mwa kushingulwila na foahatulwe-bakishila boso, mwikele mbukata, na mbula, na bula bwa mushi, na bula bwa mwiilu;

¹⁹ na kwiuka kinyi kifulo kia Kidisitu akikidi kiukilo mwanudia kuushibwa na kukumbana koso kw’Efile Mukulu.

²⁰ Binyibiabia kwadi e euku kukita bikilekile bioso bi bungibungi he biatuteka sunga nkutentekyesha, muyile bukome (bwe) abufubumwi’twe;

²¹ kwadi e (kwikale) ntumbo mu kikoñeno ki’Efile ha Kidisitu Yesu, mu bihindji bioso, mpaa na ikalaika. Amena.