Bena Bahebelu 2 - KILOMBENO KIHYA KIA NFUMWETU YESU KIDISITU

¹ Binyibiabia tubadia kunyingila bikata kutee mashimba ku yinyi myanda yatubahushishe, tala twakayīsha kihindji yakakila.

² Mwanda su mwanda ubakwilwe kwi bamwikeilu ngukankamikwe, na kusola koso na kushīkukokyela koso kubatambwile bwedi bululamine mwanka;

³ Atwe, atukahanda na minyi su atushyadisha kihandjilo kikata ki bino, kibabadidile kwakulwa kwi Nfumwetu, kibetukankamikilwe kwi’ba abamuhushishe?

⁴ Efile Mukulu namu akuīā n’abo bu kamonyi; ku bitundwilo, na ku biakukanya, na ku bikitshino bi bukoho bi bihaso na bihaso, na ku miabilo ya Kikudi-E-Selelee, mulombene eshimba die.

⁵ Mwanda yaya nsenga yanakafikye yatwisambila, tamwiyihe bamwikeilu kwiyitonta, ooo.

⁶ Anka umune mu kihindji kikampanda, bākwile bu kamonyi’shi: A muntu nga kinyi odi mutee n’eshimba? sunga Mwan’a Muntu otembelā?

⁷ Bomwishishe bihela kwi bamwikeilu; bomubikeshe na ntumbona kinemo, na kumutula ha nundu ha bintu bibohangile na maas’obe.

⁸ Bokokyeshe bintu bioso mushi mwa ngwa ye. Ha mwanda wa kukokyesha bintu bioso kwadi, tamulekye kintu kishī kikokyeshwe kwadi, sunga nkimune. Anka binobino tatwabandjile kumona bintu bioso bimukokyele, ooo,

⁹ ank’atumono Yesu, badi mwishibwe bihela he bamwikeilu ha mwanda wa kulwambuka kwa lufu, babikeshwe na ntumbo na kinemo’shi; e, ku bu-muntu bw’Efile Mukulu atompele bantu boso lufu.

¹⁰ Mwanda ngumulombene ha mwanda bintu bioso bi hadi, na bintu bioso (namu) nyi mbianka biakwadie, mukufwisha bana bebungi kwi ntumbo, mu kwikasha kimankinda-mukile-bakwabo a kihandjilo kiabo mulombene ku mifwambuko.

¹¹ Mwanda e alamunāselelee, n’aba balamunwe-selelee, abo boso be ku umune; ha uno mwanda nyi ha shī na būfu kwibetanyina bu bakwetu’shi,

¹² Nankalungula eshina diobe kwi bande bakwetu, munkatshi mwa kikoñeno-ki-’Efile nankakuyimbila ya milangilo.

¹³ Dimonyi, ’shi: Ami nankamukuluhila; hangi namu’shi: Talai, ’mi uno na bana babampele Efile Mukulu.

¹⁴ Haha henyi biabia bana biabebungila ku mwita na mase, e na mwinyi namu mwibungile n’abo hamune’shi, ha mwanda wa lufu biadia kulwisha yawa sha matalwa a lufu, e winyi nyi nkafilefile;

¹⁵ na kuhososha’ba batabadi hehi kumunwa mbuhika mu kihindji kioso kia muwa wabo, mwanda wa kutshina kwa lufu.

¹⁶ Mwanda mbinyibinyi tamwate ya bamwikeliu, ooo, anka bātshile ya ku lubio lwa Abalahama.

¹⁷ Binyibiabia mu bintu bioso wadi n’ao ngwa kuhwandjikishwa bu bakwabo, mwadia kwikēla tshiite-mwakwidi mukata a lusa n’ā kishima mu myanda ya kw’Efile Mukulu, kulombasha kihwano ha mwanda wa milwisho ya bantu.

¹⁸ Ha mwanda w’e na mwinyi bafwambukile mu kutompibwa, euku mwa kusambilā’ba batompibwā.