Bena Bahebelu 10 - KILOMBENO KIHYA KIA NFUMWETU YESU KIDISITU

¹ Mwanda mukanda-wa-bishila biaudi na mwesheshe wa bintu bilumbulukye bia kufika, ushī kinyi kihwandjikisho kia bintu bi na bene, ooo, takwiuku n’abia bitahilo, bibalambwile ku kihwa ku kihwa bukyelebukyele, kukumbashedilā ’ba abefubula hehi,

² twambengye tabibadi akulekyebwa kulambulwa? mwanda benyi balangwidi hakutoshibwa mususa umune, tababadia kwikala n’eshimba dia munda na milwisho.

³ Anka mu’bia bitahwa mwi kunangushena’nyi kwa milwisho ku kihwa ku kihwa.

⁴ Mwanda nkukutwe’shi, mase a kimpanga kia ñombe n’a mbushi aeuku kukasha milwisho.

⁵ Binyibiabia habafikile hanohansenga bakwile’shi: Bitahilo na milambu twebikyebā, anka mbidi nyi yiondumbuludile:

⁶ Mu bitahwa bishima bishikwe tobodi na kusehela, ooo.

⁷ Henyihaha nyi hanāmbil’ami’shi: Talai, ami nafiki, (mu mufungofungo wa mukanda ubamfundjilwe) kukita amukyebel’eshimba diobe, obe Efile Mukulu.

⁸ Kunundu kubakwile’shi: Bitahilo na milambu, na bitahwa bishima bishikwe ha mwanda wa milwisho twebikyebā, sunga nkusehela; abalambwilwā mulombene mukanda-wabishila;

⁹ twambengye bakwile’shi: Talai, nafiki kukita amukyebel’eshimba diobe, obe Efile Mukulu. Bakasha kia kwibedi mwadia kukankamisha kia kabidi.

¹⁰ Nyi ku dinyi eshimba tubahatwilwe-selelee ha kulambula kwa mbidi ya Yesu Kidisitu mususa umunenka mpa;

¹¹ na boso batshiite-bakwidi abemana kwifuku kwifuku, abafuba na kulambula binyi bitahilo hamunenka bishyabiuku kushimisha milwisho;

¹² anka uno, habalambwile kitahilo kimune kia kukasha milwisho ya ikala-ika bashalele ku mboko yibalunie y’Efile Mukulu.

¹³ Biabia e kwete kwesha efuku dia kufishwa beshikwena n’e bu kitulo kia ngwa ye.

¹⁴ Mwanda ku mulambu umune bakumbashidile ikala-ika abo balamunwe-be-selelee.

¹⁵ Kikudi-E-Selelee namu e nkamonyi kwatudi; hakidi kwakula’shi:

¹⁶ Kino nyi nkilombeno kiankalombana n’abo ahakakidi aa mafuku, nyi bibākwile Yehowa, nankatulu bishila biande mu mashimb’abo, na mu binangu biabo nankebifundu; (batentekyele shi):

¹⁷ Miiwisho na kushula kwabo kwa bishila tankebitentekyesha dimonyi, ooo.

¹⁸ Anka hakulekyelwa kwa yinyi yino, tahakekala dimonyi mulambu ha mwanda wa milwisho.

¹⁹ Binyibiabia anwe bakwetu biatudi bakankamane kutwela mpaa na mwā mukilekile muhatulwe mwi kishila mpa mase a Yesu,

²⁰ h’eshinda dihya dia muwa dia betulamunwine ha lwinyi lushiko, kuhatula’shi, mbidi y’e;

²¹ na ha kwikala na tshiite-mwakwidi-mukata hanundu ha nshibo y’Efile Mukulu,

²² tyifubule hehi n’eshimba dia binyibinyi, mu lushingulwilo lukumbane lwa lukuluhilo, na mashimb’etu ngamaminwe soo ku di’eshimba-dia-munda dibubi, na mbidi yetu (namu) ngitumpibwe na mema e selelee.

²³ Tulamatei anka hoo ku kwisokola kwa lukumino lwetu lushī na kusuasua: mwanda, e betulayile nga kishima.

²⁴ Twitentekeshenei ku muntu ku muntu kwibembena ku kifulo na bikitshino bilumbulukye.

²⁵ Tatulekanga kwikoñena hamune, bu mwiyi le kihikwa kia bamo, anka twinyishenei, na kukishakisha mwanka hatumono dinyi efuku adifubula hehi.

²⁶ Mwanda su atusola mwanda mu kutomboka hatatuhwile kutambula kiukilo kia biabinyibinyi, (biabia) takuki kushale’nyi kimo kitahilo kia ha milwisho, ooo,

²⁷ anka lutengyelo lwa moo lwa kimushulu yalwialulā, na lwa bukyelo bu bwa kālo, abukatatshisha ba kutuhishena.

²⁸ E basabulwile mukanda-wa-bishila wa Mosesa bafwile shī mufwilwe lusa ku bishima bia tumonyi tubidi su ntusatu.

²⁹ Anwe anutentekyesha na minyi kukilakila kwa malwa akalombana kwi muntu bāshine Mwan’Efile Mukulu mushi mwa ngwa ye, bahwandjikishanga namu mase a kilombeno abamulamunwine-selelee bu a bisumanga, na ku kaa Kikudi kia bu-muntu.

³⁰ Mwanda atwiuku yawa bakwile’shi: Kōbola nkwande, nyi mwakwile Yehowa; dimonyi, shi, Yehowa akatshibila bantu be myanda.

³¹ Nyi kintu ki moo kuhonena mu maasa a Efile Mukulu a muwa.

³² Anka nangushenai mafuku a kwibedi mwinyi mwanubamunyikilwe, nubanyiñamene mu ngoshi yikata ya bishiotshi;

³³ kihindji, mwanda nubadi bu bia kubandjilwa ku misābulo na bia malwa, kimo kihindji’nyi hanubālulukile bakwibungila n’aba abamweshibwa biabia.

³⁴ Mwanda nubadi n’ami kanya mu nkano yande, na kufinwa kwabintu bienu, nubadina mashimba soo, hakwiuka munda mwenu’shi, (amwa) mwiilu nwi na buheta bukile buwa bushī mpwilo.

³⁵ Binyibiabia tanutshitshimukanga kukankamana kwenu kwi na bwedi bwi moo;

³⁶ mwanda nwi na lukalo lwa kuyiñamana’shi hanukahu kukita mubakyebel’eshimba di’Efile Mukulu, anukatambula winyi mulayilo.

³⁷ Mwanda kwi anka kihindji kihela, na winyi akufika akafiki, takēndjila, ooo.

³⁸ Biabia mululame ande akekala na muwa ha lukuluhilo; na su akalamunuka, (biabia) eshimba diande tadikamusehela ooo,

³⁹ Ank’atwe tatwi (kubaba) belamune mpaa na mu kuiwila, ooo, anka twi (ku baba) ba kukumina mpaa na ku kuhashibwa kw’eshimba.