Yoana 17 - Nouveau Testament en Kilega

Yesu Ekusegela Beigisibua Bage ku Kalaga.

¹ Gatendile Yesu bubuno, agalamine kuigulu, atendile bune, Tatane, nkungu zika; ganuna Muana wobe, buno Muana akuganune;

² anga buwamukasile buangato gantata ga bansania, buno bansania bawamukasile abakase kalamo katanakuzinda.

³ N u kakano u kalamo katanakuzinda, buno bakumenye buno uwe u Kalaga tugu wa bulili, nu Yesu Klisto uwasingile.

⁴ Nakuganuine ga kisi, nu nazindilizie wozo mulimo uwankasile buno nigukite.

⁵ Nu kano kaluma, Tatane, nganunie gamozi nobe ku lutanuno luna­bezaga mulo nobe nti kisi takiba.

⁶ Namenesizie izina liobe ku bantu bawankasile mu kisi: babezaga bobe, nu wankasilebo, nu bakokomezizie idagi liobe.

⁷ Kano kaluma beizi buno, bunsania buwankasile buatukile kuguli:

⁸ kubuno malagi mawankasile nabakasilemo; nu bameitabizizie, nu bamenyine nunse buno, natukile kuobe, nu bakatizizie buno, uwe uwansingile.

⁹ Nku­basegela: nsikusegela ba ga kisi, tondo kusegela bawankasile; kubuno beli bobe:

¹⁰ nu binsania biane bili biobe, nu biobe bili biane: nunne niganunue mubio.

¹¹ Nunne nsili ga kisi lingo, tondo babano beli ga kisi, nunne nkuvua kuguli. Tatane Wasililila, langa babano bawankasile kuizina liobe, buno babe umozi anga butuli nuisue.

¹² Ganabezaga nabo, nalangile babano bawanka­sile muizina liobe: nu nabakungile, nu takuli umozi wazimina, tugu wozo muana wa buzimizi, buno masanzo mazindilile.

¹³ Tondo kano kaluma nkuvua kuguli; nu nkutenda bubuno ga kisi, buno mbogimbogi zane zizindilile mubeli.

¹⁴ Nabakasile idagi liobe; nu kisi kiabasombile, kubuno bo tabeli ba kisi, anga nne nsili wa kisi.

¹⁵ Nsikukusega buno, ubatikie ga kisi, tondo nku­sega buno, ubalange na wozo mubi.

¹⁶ Tabeli ba kisi, anga nne nsili wa kisi.

¹⁷ Basuagie ku bubo bulili: idagi liobe lili bulili.

¹⁸ Anga buwansingile mu kisi, ububo bunabasinga mu kisi lingo.

¹⁹ Nu ku kabamba kabo neisuagizie, buno nubo basuagibue mu bulili.

²⁰ Aba tababano umpanga ubenkusegela, tondo babo bakankatizagia ku kabamba keidagi liabo;

²¹ buno bansania babe umozi; anga uwe, Tatane, buli mundi, nunne muguli, nubo babe mutuli: bubo ba kisi bakatizie buno, uwe uwansingile.

²² Nu luganuno luwankasile nabakasalo; buno babe umozi, anga butuli umozi.

²³ Nne mubeli, nu uwe mundi, buno bazindilile mu umozi, buno ba ga kisi bamenye buno, uwe uwansingile, nu uwe wabatundile anga buwantundile.

²⁴ Tatane, nkutunda babano bawankasile babe nanne, buno balole luganuno luane, luwankasile: kubuno uwe wantundile nti kisi takikitua.

²⁵ Tatane wisanana, ba ga kisi tabekuizi, tondo nne nikuizi; nubo bamenyine buno, uwe uwansingile;

²⁶ nu nkubakengelezia izina liobe, nu nkaba­menesialio lingo, buno lutundo luwantundile lube mubeli, nunne mubeli.