I Timoteo 6 - Nouveau Testament en Kilega

Bakota nu Bakambi Babo.

¹ Bakobe bansania banze bakota babo nunse, buno izina lia Kalaga nu meigisia meitu tamelilikue.

² Nu babo beli na bakota babo bakatizia, tabababenge, kubuno beli mibuto zabo; tondo babakitile busoga, kubuno babano beli na mutali wa mulimo wabo beli bakatizia nu batundua, Igisia bitondo bibino nu anabio.

Nsake nu Kuelama Bikulo.

³ Ndi muntu igisia mango meigisia, nu ntakuitabizia malagi masoga ma Mukota weitu Yesu Klisto, nu ta meigisia ma kuanza Kalaga;

⁴ akuikotia, tondo nti ntezi kena, tondo ekutunda kubuzia mbuzio za miango, ku bitondo bibino ukukutuka lugi, nu nsake, nu bilingano, nu kukengela bubi,

⁵ nu miango za bukongolo nu bateizi bulili, bekukengela buno kuanza Kalaga kuli mutali.

⁶ To­ndo kuanza Kalaga na mbogimbogi guli mutali munene:

⁷ kubuno tatuavule na kena mu kisi, nu tatunavuama kutuka na kena;

⁸ tondo ndi tuli neidia nu nsulu nti tuaba na mbogimbogi ku bibino.

⁹ Tondo babo bekutunda kuguma bekuaga mu malindiko nu mu matega nu mu ntundo za bukongolo zikuita, nu zikuenzia bantu mu buzimizi nu lukuo.

¹⁰ Kubuno kulinga kua bubi bunsania kuli kuelama bikulo: nu bamozi ku kubielama, basigile bukatizio, nu babede na tubebe tuingi.

Timoteo Idange Busoga ku Bitondo Bibino.

¹¹ Tondo uwe, muntu wa Kalaga, tina bitondo bibino; uyange kuisanana, kuanza Kalaga, bukatizio, lutundo, nkiki, nu kola.

¹² Luana bita bibio bisoga bia bukatizio, kokomezia kalamo katana­kuzinda, kawamaninue muko, nu buwalongekile bulongeki busoga ku balongeki beingi.

¹³ Nkukukakizia ku Kalaga, ukulamagia binsa­nia, nu ku Klisto Yesu, walongekile bulongeki buage busoga ku Pontio Pilato;

¹⁴ buno ulange kukakizia kukuno, geteli itondoki, nu geteli kabalibango, aba nu kumoneka kua Mukota weitu Yesu Klisto:

¹⁵ uko kukalolesibua mu nkungu zage, we wenyene uli na lutanuno nu buangato bunsania ewenyene tugu, Muangati wa bangati, Mukota wa bakota;

¹⁶ we wenyene uli na kalamo katanakuzinda, ukuikalaga mu kiengi kitanakunda muntu; takuli muntu wamumonineko, aba ukumumonako, luanzo nu magala meli namo tamanakuzinda. Amena.

Paolo Ekukengelezia Bagumi.

¹⁷ Kakizia babo beli bagumi mu nkiko zezo, tabekotie, aba tabale­manine bugumi butakuizizia, tondo balemanine Kalaga ukutukasaga binsania buno tukite nabio na mbogimbogi;

¹⁸ bakite busoga, babe bagumi ku makitilo masoga, babe kayikayika kukasana bikulo biabo, bagomanie na bango;

¹⁹ kuibikila kikagi kia kalingilo kasoga ku nkungu zikavua, buno bakokomezie kalamo katanakuzinda.

²⁰ Timoteo, langa bitondo bibio biwigisizibue, ibembukie na meigisia matasuaga, nu miango za bumenyinino butasuaga;

²¹ ba­mozi, ku kutenda beli namo, bekuida bukatizio. Mponga zibe kuguli.