II Bakolinto 2 - Nouveau Testament en Kilega

¹ Tondo nnenyene nakengede buno nsiavue kumuli lingo mu kabebe.

² Kubuno ndi namuitia na kabebe, umpanga nazi wambogiembogie tugu we unitizie na kabebe?

³ Nunne namusa­nzide kitondo kikino, ndi navua, nsitue na kabebe na babo bakulunga­na kumbogiambogia; nkumulemanina inyue bansania, buno mbogi­mbogi zane u zeinyu inyue bansania.

⁴ Kubuno mu tubebe tuingi nu busu bua mutima namusanzide muidilo; ta buno muitibue na kabebe, tondo buno muvuame kumenya lutundo luane lundi nalo nunse kumuli.

Paolo Ekutunda Bakolinto Basige Muagi wa mu Beli ku Kitondo kia Buagi Buage.

⁵ Tondo ndi muntu itia ungo na kabebe, nti ntanitia na kabebe, ninavua kumukutia inyue bansania.

⁶ Nsungio zasungizibue muntu wozo na bango zakuka;

⁷ aba ta bubuno kano kaluma anga buabezaga, tondo neibi neibi kumusigilila nu kumubobelezia buno anavua kukua na kabebe.

⁸ Ku bubuno nkumusengezia buno mutundazi.

⁹ Kubuno nasanzile bubuno, buno nimenyinine ndi inyue muanza mu bitondo binsania.

¹⁰ Tondo ndi muasigilila muntu ku kitondo kinsania nunne nti namusigilila: kubuno ndi nasigilide muntu ku kitondo kinsania, nti namusigilide ku kabamba keinyu ku Klisto;

¹¹ Satana anavua kutukinda; kubuno isue tatuide kumenya menge mage.

Paolo Eli na Kabebe mu Mulimo Wage: nu Eli na Mbogimbogi Nunse.

¹² Umpanga ganabasile ku Telua ku kitondo kia musagu musoga wa Klisto, nu neiguluidue luibi mu Mukota,

¹³ nsiabogilebogile, kubuno nsiamonine ku Tito mubuto wane: tondo nabalagile nu natukile, nu nendile ku Makedonia.

¹⁴ Tondo Kalaga aganunue, ukutusondelezagia bindi binsania ku kukinda mu Klisto, nu tukugaga nsunu zakumumenya ku kiziki na kiziki kituli mukio.

¹⁵ Kubuno isue tuse nsunu za Klisto ku Kalaga, ku babo bekonibagua nu ku babo bekuziminaga;

¹⁶ ku ba­mozi tuli nsunu za lukuo zikulusagia lukuo; nu ku bango tuli nsunu za kalamo zikulusagia kalamo, Nu nazi wakulungana ku bitondo bibino?

¹⁷ Kubuno isue tatuli anga beingi bekubigia idagi lia Kalaga; tondo anga bantu batakutenda na buengelezi, anga bantu ba Kalaga, ku Kalaga, u butukutenda mu Klisto.