Biblia Todo Logo
Bìoball air-loidhne

- Sanasan -

Balomo 7 - Nouveau Testament en Kilega


Milembe za Kalaga Zikutulolesia Misako Zeitu Mibi.

1 Mibuto zane, ndi tamuizi (kubuno nkutenda na babo beizi mulembe), kubuno mulembe ukuangata muntu ku nkungu zeli na kalamo?

2 Kubuno mukikulu ndi eli neiba akandua na mulembe ku wozo iba ndi eli na kalamo; tondo ndi wozo iba akua, nti akandulua ku mulembe weiba wage.

3 Umpanga, nkungu zili iba wage na kalamo, ndi asongua nongo wamulume, nti eita meiga: tondo ndi iba wage akua, nti akandulua ku mulembe, nu nti nteita meiga, anasongua nongo wamulume.

4 Bubo nuinyue, mibuto zane, mualekanukile na mulembe ku mubili wa Klisto, buno mube bikulo bia gungo, u wozo wayukizibue ku bakuzi, buno tukolamine Kalaga biguma.

5 Kubuno gatuayangaga bumba bua buagi, nu ntundo zabo mbi, zabezaga ku kabamba ka mulembe, zakitile mulimo mu biganza bietu aba tuakolamine biguma bia lukuo.

6 Tondo kano kaluma tuakanduidue ku mulembe, tualekanukile na wozo watukandile; buno tukite mu lukita luto lua muuza, ta mu lukita luasanzilue wakalazi.

7 Umpanga tutende buni? Ndi mulembe uli buagi? Kilo, aba nunse. Tondo nsinamenyine misako za buagi, songo mulembe ta­guliko; kubuno nsinamenyine kutonia songo mulembe tawatendile bune, Ntutonie:

8 tondo buagi buamonine kiziki ku kuko kukakizia buakitile mundi lukita na lukita lua kutonia: kubuno kuteli mulembe buagi tabuabezaga na magala.

9 Nunne nabezaga na kalamo mu kulinga kuteli mulembe; tondo gabasile kukakizia, buagi buabede na kalamo nunne nakule;

10 nu kuko kukakizia kuandusizizie kalamo; ukuko kualusizie lukuo;

11 kubuno buagi buamonine kiziki ku kuko kukakizia buanengelede, nu kububo buanitile.

12 Kasi, mulembe uli wasilila, nu kuko kukakizia kuli kuasililila, nu kuisanana, nu kusoga.

13 Buni lingo, bubo buabezaga busoga, buambelede buse lukuo? Kilo, aba nunse. Tondo buagi buno bumoneke buli buagi, buakitile lukuo mundi ku bubo busoga; buno ku kuko kukakizia buagi bube bubi nunse.

14 Kubuno tuizi buno mulembe uli wa muuza: tondo nne nili na mubili wa lukuo, nangatilue na buagi.

15 Kubuno nsizi bunkukita; kubuno bunkutunda tubunkukita; tondo bubo bunkusomba, ububo bu­nkukitaga.

16 Tondo ndi nkukita bubo buntakutunda, nti nitabizia mulembe buno uli musoga.

17 Nu kano kaluma ta nnenyene ukubukita, tondo bubo buagi buikile mundi.

18 Kubuno nizi buno mundi nnenyene, buno mu bumba buane bua buagi tamuikile buampa busoga; kubuno kutunda nkutunda, tondo nsikuvuama kukita busoga.

19 Kubuno bubo busoga bunkutundaga tubunku­kitaga: tondo bubo bubi buntakutundaga, ububo bunkukitaga.

20 Umpanga, ndi bubo buntakutunda, ububo bunkukita, nti ta nnenyene ukubukita, tondo buagi bukuikalaga mundi.

21 Umpa­nga, nkumona ku mulembe wono, buno nkutunda kukita busoga, tondo bubi nti buseli.

22 Kubuno nabogaboga ku mulembe wa Kalaga ku muntu undi nage:

23 tondo nkumona ku ungo mulembe mu biganza biane, ukuitana na wozo mulembe wa bumenyinino buane, nu ukunkinda nu kuba mukobe wa mulembe wa buagi uli mu biganza biane.

24 Nne mukuzi! nazi ukandekanukia na mubili wono wa lukuo?

25 Nkusimaga Kalaga mu Yesu Klisto Mukota weitu. Ububo nne ku bumenyinino buane, nkukitilaga mulembe wa Kalaga; tondo mu bumba buane bua buagi, nkukiti­laga mulembe wa buagi.

Nouveau Testament en Kilega © Bible Society of the Democratic Republic of Congo, 1957.

Bible Society of the Democratic Republic of Congo
Lean sinn:



Sanasan