Balomo 14 - Nouveau Testament en Kilega

Tulindiazi Mitima za Bango Bantu Beli Basosu mu Mulimo wa Kalaga.

¹ Tondo we watamba mu bukatizio musekelazi, tondo tamusu­ngie makengelo mage.

² Muntu umozi ndi eli na bukatizio ekulia binsania; ungo watamba ekulia biguma tugu.

³ We ukuliaga ntabenge wozo utakuliaga, nuwe utakuliaga ntanyege wozo ukuliaga; kubuno Kalaga amuitabizizie.

⁴ Uwe unazi ukusungia mukitl wa ungo muntu? Kubuno alinda aba atamba ku mukota wage wenyene. Nu nti alindibue; kubuno Mukota anamulindia.

⁵ Muntu umozi akuanza busi bumozi kuba busoga kutinga bungo busi: ungo ekuanza mosi mansania kuba bumozi. Na muntu na muntu alinde mu bumenyinino buage wenyene.

⁶ We ukualiza busi ekuanza ku kabamba ka Mukota; nu ukulia, ekulia ku Mukota, kubuno ekuganuna Kalaga; nu utekulia, ntakulia ku Mukota, nuwe ekuganuna Kalaga.

⁷ Kubuno takuli muntu ukulamaga wenyene, nu takuli muntu ukukua wenyene.

⁸ Kubuno ndi tualama, nti tuli ba Mukota; aba ndi tuakua, nti tuli ba Mukota. Umpanga, ndi tualama, aba ndi tuakua, isue nti tuli ba Mukota.

⁹ Ku bubuno Klisto akule, nu alamine lingo, ku kabamba kako abe Mukota wa bakuzi nu balami.

¹⁰ Tondo buni bukusungia mubuto wobe? aba buni bukubenga mubuto wobe? Kubuno isue bansania tukemana ku kisumbi kia lusungio lua Klisto.

¹¹ Kubuno buasa­nzilue bune, Anga bunkulama, ubuatendile Mukota, mazu mansania makakomua kuane, Nu ndami insania zikaganuna Kalaga.

¹² Ububo na muntu na muntu kutuli akasambala misako zage wenyene ku Kalaga.

Tatulolesanie Misako Mibi.

¹³ Umpanga tatusunganie lingo; tondo mukakizie luluno lusungio, buno muntu ntabike kena ka kukukia munyage aba ku­mugusia.

¹⁴ Nizi, buno nkumenyininua nunse mu Mukota Yesu, buno takuli kimozi kili na nsese ku lukita luakio: tondo ku wozo ukukimonako buno kili na nsese, ku wozo kikio nti kili na nsese.

¹⁵ Ndi mubuto wobe ekuiyania kuidia liobe, ntunamutunda. Ku kabamba keidia ntubigie muntu wozo, kubuno Klisto amukuilide.

¹⁶ Umpanga busoga bueinyu tabube bubi:

¹⁷ kubuno bukota bua Kalaga ta buli ku kulia, aba ku kunua, tondo ku kuisanana nu ku bubobelelo nu ku mbogimbogi mu Muuza Wasililila.

¹⁸ Kubuno we ukukitila Klisto mu bubuno atananizia Kalaga, nu ekuita­bizibue na bantu.

¹⁹ Ndi bubo tuyange bubobelelo nu buatananina kulindania.

²⁰ Ntuite mulimo wa Kalaga kuidia. Binsania bili bisoga; tondo bili bibi ku wozo ukulia ku kuinia mutima.

²¹ Buli busoga kutalia nyama, nu kutanua maku, aba kutakita buneinia mubuto wobe mutima.

²² Bubo bukatizio buli nabo, ube nabo uwenyene ku Kalaga. Mbogimbogi ku muntu wozo utakuisingia ku bubo buakuitabizia.

²³ Tondo we uli na mitima ibili ndi adia nti asungibua, kubuno ntalia ku bukatizio; nu neikitilo litatuka ku bukatizio nti lili musako wa buagi.