Balomo 13 - Nouveau Testament en Kilega

Banze Moki ma Bakota Babo.

¹ Muntu na muntu anze buangato bunene: kubuno takuli buangato butatukile ku Kalaga: nu bubo buliko buakakizizi­bue na Kalaga.

² Ububo nu nawe ukubenga uli na buangato, nti ekusunua na kukakizia kua Kalaga; nu babo bekubenga bakasungibua.

³ Kubuno bangati tabakusungia bantu ku kabamba ka makitilo masoga, tondo ku kabamba ka makitilo mabi. Umpanga ndi ntukue uli na buangato boba? kita busoga, nu nti waganunue nage:

⁴ kubuno we eli mukiti wa Kalaga kuguli ku kabamba ka busoga. Tondo ndi wakita bubi, nti wakua boba; kubuno ntekueka bupanga buliabulia; kubuno eli mukiti wa Kalaga, ekusuba wozo ukukitua bubi.

⁵ Ku bubuno buatunganana kuanza, ta ku kabamba ka bongua tugu, tondo ku kabamba ka kalenganio.

⁶ Kububo mukuligaga idigo; kubuno beli bakiti ba mulimo wa Kalaga, kukitaga mulimo wa lukita luluno kankanka.

⁷ Bakasazi bansania biabo; muntu widigo, idigo; muntu wa mutali, mutali; watu­nganana kukukua boba mukuazi boba; watunganana kuanzua muanzazi.

⁸ Tamube na nsombi ku muntu, tugu kutundana: kubuno wozo watunda munyage azindilizia mulembe.

⁹ Kubuno, Ntuite meiga, Ntuite, Ntutonie, Nu ndi kuli ungo mulembe, nti unatendua muidagi lilino buno, utunde munyobe anga buwitunda uwenyene.

¹⁰ Lutundo talukukitila munyage bubi: umpanga lutundo luli kusililila kua mulembe.

¹¹ Nu ndi, tuamenya nkungu, buno kano kaluma zili nkungu za kuyuka ku tulo: kubuno lonio lueitu luse buigi kutinga nkungu zituakatizizie.

¹² Busi buigi na kusila, musi use buigi: umpanga tusigazi makitilo ma kapilo, nu tuzuale ngabo za kiengi.

¹³ Tuta­bange na menge, anga mu musi; ta ku buliagundu nu kukua na maku, ta ku butazi nu kabenga, ta ku nsake nu lugi.

¹⁴ Tondo muzuale Mukota Yesu Klisto, nu tamukengele kuiyanina kua bumba bua buagi, munavua kuba na ntundo zabo.