Baebelo 8 - Nouveau Testament en Kilega

Basankoga ba baLewi Babezaga Kisusania kia Yesu uli Sankoga U tanakuzinda.

¹ Umpanga ku bibino bitukutenda, kitondo kili kinene u kikino buno, Tuli na sankoga munene, wikeide ku kuboko kua seidume kua Bukota bunene bua muigulu,

² mukiti mu busio buasuagibua nunse, nu wa mu numba za nsulu za bulili, zabikile Mukota, tondo ta muntu.

³ Kubuno na sankoga na sankoga munene wabikua buno akasane nkaso nu kubika bisansa: kubuno buatunganana nuwe aka­sane kage.

⁴ Kubuno songo abezaga ku kisi, ntanabede sankoga, ku­buno kuli basankoga bekukasanaga nkaso zikukakizibua ku mulembe;

⁵ bekukita mu lukita lua kisusania kia bitondo bia muigulu, anga bualagilue Mose na Kalaga gabezaga ese buigi na kukita zezo numba za nsulu; kubuno, atendile bune, Unguilila, kita binsania ku lukita lulo luwalolesezibue ku muiduko.

⁶ Tondo kano kaluma ese na mulimo musoga nunse, nu eli mukulumania weidagano isoga nunse, lialagilue ku malagano masoga nunse.

⁷ Kubuno, songo lilio lia kulinga liasuagile, takunabede lingo.

⁸ Kubuno ntabo­gilebogile na buakitile bantu bage, atendile bune, Unguililazi, bindi bikuvua, ubukutenda Mukota, Gankalaga idagano ito ku kikanga kia Isalele nu ku kikanga kia Yuda;

⁹ Tanga idagano linalagile basoeinyue, Ku busi bubo bunabatikizie ku kisi kia Ezipeto; Kubuno tabakitile anga bunabalagile, Nunne nsiabangile, ubuatendile Mukota.

¹⁰ Kubuno lilino u idagano linkalagana na kikanga kia Isalele Kutinga kua bindi bibio, ubukutenda Mukota; Nabike milembe zane mu makengelo mabo, Nu nazisanze mu mitima zabo; Nunne nabe Kalaga wabo, Nubo babe bantu bane;

¹¹ Nubo tabakeigisania buabo buabo, Nu nawe nawe ku mubuto wage ekutenda bune, Menya Mukota; Kubuno bansania bakamenyinina, kutukila ku muana muto aba nu ku mukulu munene.

¹² Kubuno nkabasigilila mibi zabo, Nu misako zabo za buagi nsikazikengela lingo.

¹³ Nu ku kuko kutenda, idagano ito, liabigizie lilio itangi. Tondo kikio kise kiakunguka nu kubiga nti kisavua kukua.