Baebelo 2 - Nouveau Testament en Kilega

Musanzi wa Mukanda Ekubagalukia.

¹ Ku bubuno tuitile nunse bitondo bitungule kubio, tunavua kutingua nabio.

² Kubuno ndi idagi liatendilue na migenzi liabezaga lia bulili, nu buagi na buagi nu lunano na lunano biabede na lusungio luisanana:

³ buni butuneyonia, ndi tatualanga lonio lunene anga luluno? lulo lualingile kutendua na Mukota, nu tualu­kengelezizibue na babo balunguleko;

⁴ Kalaga alongekile nabo, ku tukengelesio nu maganogano, nu ku migeleko za nkita ningi, nu ku migelo za Muuza Wasililila, anga buatundaga wenyene.

Kuisigulizia kua Yesu Kuamukasile Lutanuno Luage.

⁵ Kubuno ntabikile kisi kikio kitukutenda kikavua ku buangato bua migenzi.

⁶ Tondo muntu umozi ku kiziki kimozi, asambede, atendile bune, Nazi muntu gukukengela? Nu nazi muana wa muntu gukulanga?

⁷ wamusigulizizie ku migenzi; Wamuzualikizie nkumbu za bukota, nu lutanuno, nu luanzo, Wamubikile muangati wa milimo ziwakitile.

⁸ Wamubikile muangati wa binsania. Kubuno mu kuangata binsania, nu takuli kampa katangatile. Tondo kano kaluma tatumona kuangata binsania.

⁹ Tondo tuamona ku Yesu, wasigulizizibue ku migenzi ku kabamba ka kubabazibua ku lukuo azualikizibue nkumbu za bukota, nu lutanuno, nu luanzo; buno ku mponga za Kalaga asondile lukuo lua muntu na muntu.

¹⁰ Kubuno buamutunganene we buno, Kueli kuli binsania, nu ku kabamba kage binsania bili, mu kulusia bana beingi ku lutanuno, asililizizie musondelezia munene wa lonio luabo ku kubabazibua.

¹¹ Kubuno we ekusuagia, nu babo basuagibue bansania batuka ku umozi: ku kabamba kakano nteli na nsoni kubamana buno, mibuto.

¹² Atenda bune, Nasambale izina liobe ku mibuto zane, Mu ekelezia nkakuimbila nu nkakuganuna.

¹³ Nu lingo, nkamulemanina. Nu lingo, Unguilila, nili gano na bana bankasile Kalaga.

¹⁴ Kubuno bana bagomania mu mikila nu mu mubili, bubo nuwe agomezie nabio; buno ku lukuo akegie wozo wabezaga na buangato bua lukuo, u Liabo, Satana;

¹⁵ nu konia babo babezaga na boba ku lukuo babezaga mu bukobe.

¹⁶ Kubuno buligo ntakasizie migenzi, tondo akasizie kikanga kia Abalahama.

¹⁷ Kubuno buamutunganene kususania mibuto zage mu bitondo binsania, buno abe sankoga munene nu uli na kiombo nu mukatizia ku bitondo bia Kalaga, buno abe kisansa kia kutikia misako za buagi bua bantu.

¹⁸ Mu kuba ababedue galindikagua, ekuvuama kukasia babo bekulindikua.