2 Yoana 1 - Nouveau Testament en Kilega

Bulili nu Lutundo Tabikugaluka Muidagi lia Kalaga.

¹ Mukulu, nkusanzila Kilia musombolua wa Kalaga nu bana bage, banatunda mu bulili; nu ta nnenyene tugu, tondo nu bansania beizi bulili;

² ku kabamba ka bulili buli mutuli, nubo buabe neisue ku nkiko zitanakuzinda;

³ mponga, nu kiombo, nu bubobelelo bibe kutuli, bikutukaga ku Kalaga Tateisue nu ku Yesu Klisto, Muana wa Tateisue, mu bulili nu mu lutundo.

⁴ Nabogilebogile kubuno namonine ku bana bobe bamozi bendaga mu bulili, anga bubo butuakakizizibue na Tateisue.

⁵ Nu kano kaluma, Kilia, nkukusengezia tanga buno nkukusanzila kungo kuka­kizia, tondo kuko kutangi, buno tutundanazi.

⁶ Nu luluno U lu­tundo, buno tuanzazi makakizio mage, bubo ukukakizia, anga bumualingile kungua, anzaziko.

⁷ Kubuno bengelezi beingi bese mu kisi, batakukatizia Yesu Klisto buno abutilue mu mubili. Wozo u muengelezi nu musombi wa Klisto.

⁸ Idangazi, kubuno muna­zimizia bimuakitide tondo mukasue lukalilo lueinyu lugimagima.

⁹ Unsania ukuigisia buteligo, nu ntakuikala mu meigisia ma Klisto, nti wozo nteli na Kalaga; nuwe ukuikalaga mu meigisia mane, wono nti eli nelsi, nu Muana wage.

¹⁰ N u ndi muntu avua kumuli, nuwe ntavua na meigisia mane, tamumusekele:

¹¹ kubuno nawamusa­mbizia nti agomia nage mu misako zage mibi.

¹² Kubuno nili na bingi biakumusanzila, tondo nsikutunda kubi­sanza ku nsamba nu buino: tondo nkulangila kuvua kueinyu, buno nitende neinyu, buno mbogimbogi zeinyu zitilile.

¹³ Bana ba mubuto wobe wozo musombolua wa Kalaga, bakusambizia.