2 Petelo 2 - Nouveau Testament en Kilega

Petelo Ekubakengelezia Buno Kuli Balengania ba Buza.

¹ Tondo kuabezaga balengania ba buza ku babo bantu, anga bubo nuinyue kukaba basozi ba buza, bakamuigisia meigisia ma buza, makuzimizia, nu bakatuna Mukota wabakuluide, bakeidusizia kubiga kitangala besi.

² Nu beingi bakayanga misako za butazi buabo; ku kabamba kabo bulili bukelilikua.

³ Nu mu ntundo mbi bakeimonena mutali kumuli ku kutenda kua buengelezi; nu lusu­ngio luabo talunakuizizia, aba kubiga kuabo kukusasia kumonekako.

⁴ Kubuno ndi Kalaga ntasigilide migenzi zagile, tondo abeisile mu kiundundu, ababikile mu kikando kia kapilo, balangue aba nu gaba­kasungibua;

⁵ nu ntasigilide kisi kia wakalazi, tondo onezie Noa, musambazi wa buisanana nu bango bantu mutuba kamo, nu kuabe­zaga muzumbi nu mazi magagene ku kisi kinsania kia batanzaga:

⁶ nu asungizie mino za Sodomo nu Gomola, azigalukizie luito, azi­bikile kalolesio ku bantu batakuanzaga Kalaga;

⁷ nu onezie Loto wabezaga weisanana, abezaga nunse na kabebe ku misako zitasuaga za bantu babi

⁸ (kubuno muntu wono wisanana eikalaga nabo kuko ku kumona nu kungua, asungizie kuisanana kuage wenyene busi na busi ku nkita zabo zitakulungana na mulembe):

⁹ Mukota eizi konia basuagibua ku malindiko, nu kubika bateisanana ku lubabazio aba nu ku busi bua lusungio;

¹⁰ tondo aba babo bekuyanga bumba bua buagi mu ntundo za nsese, nu kubenga buangato. Batakukua boba, bekukita bubekutunda, tabekugilimina bekulinga bangati:

¹¹ aba nu migenzi beli na magala mabibu nunse, tabakubabingaga ku Mukota.

¹² Tondo babano beli anga beteli na menge, beli anga nyama mu lukita lua kukatua na kuitua, nu kulingana ku bitondo bibatekumenyinina, kukubiga kuabo bakabigibua nunse,

¹³ baka­sungibua ku misako zabo zitakulungana; bekutunda kukatua na maku mu musi, tubalibango nu mikolu, nu kuyangaga lutundo lua bisagulo bia kielamo, nu kukitaga bisagulo neinyu;

¹⁴ bekulengula meiso na butazi, bantu batakumenkela kuaga; nu kulubikania bantu beteli na magala; beli na mitima za kutonia; basuilidue;

¹⁵ basigile nzila zabezaga zisa, nu bazimine, nu bayangile lukita lua Balama muana wa Bola, atundaga mutali wa makitilo mabi;

¹⁶ tondo azugidue ku buagi buage; mpunda zitatendaga zise zamu­tendela kuiyuki lia muntu, zananizie busile bua mulengania.

¹⁷ Babo beli anga tunuabalongo tuakama, nu lutundutundu lukue­kua na lumpumpu; babikua milanga ku muizi.

¹⁸ Kubuno nti bekutenda bitondo binene ku nguza, ku lutundo lua bumba bua buagi, nu lua butazi, nu kubuluta babo bekutina babo bekulama mu buengelezi;

¹⁹ bekutenda buno bakandulua, nu bobenyene beli bakobe ba kubiga; kubuno ndi muntu akindua na muntu, nti ese mukobe wa wozo muntu.

²⁰ Kubuno babo basilile kutina nsese za kisi nu kumenya Mukota, Monia Yesu Klisto, nu ndi bakindua lingo, lukita luabo luzinda nti luatinga lulo lutangi.

²¹ Tondo bunabeide neibineibi songo tabamenyine nzila zeisanana, nu ku­menya kuko kukakizia kuasililila kubakakizizibue nu kukusiga.

²² Tondo buababelede anga musumo wa bulili, Mboa zikusubia lingo ku bisazi bizasalaga, nu ngulube zogibua kusubia lingo ku bisogo.