Tito 2 - Le Nouveau Testament in Kele (Lokele) 1958

Liekesi elikekesomoko ende Etanda

¹ Nde aɛ angɛnɛ, Tito, nda liekesi, ongaka lau ko njasɔ ebisoondo liekesi lilau;

² mbo biange bitolome bayaleke la boyaeli wa wɛlï la liengani lia biuwa, la bɔkɔkɔmu nda lilendelu la losamɔ la bofiili.

³ Ekesaka biange bitomali mbo bayalek’imɔ la boyaeli ewengani l’ebatokuwela Mungu, angotomwatomwa, angowaka bänä;

⁴ kangä ebatoekesa njasɔ bilau mbo bakɔsɔlɛkɛ besanga la baseka la wɛlï mbo basameke balome bau la bana bau,

⁵ ndoluwa njasɔ la wɛlï ndoyalaka la limama, ndokelaka bakuwa ba ndakɔ, ndoyala la booto, la ndolitesa balome bau, mbo lina la lioi lia Mungu litatomo bɔkɛcha.

⁶ Tosenge tooku ko ongoma, fumbesaka iyo mbo bayaleke la boyaeli wa wɛlï;

⁷ nda njasɔ bitotina, aɛ angɛnɛ yalaka etichelo ya bekeeli ilau, la nda liekesi la momongo la boyaeli, l’angwɛnɛ isɛkɛsi,

⁸ kangä la liekesi eliti liotombolomo eoka liengani la olau, mbo wiyani laɛ okeke sɔni eoka atioshe lioi libe lioonga loasɔ loasu.

⁹ Ekesaka bɛkɔwa ndolitesa bangɛnɛ bau mbo baomalesek’iyo nda njasɔ bitotina, angofenyana lau tofenya,

¹⁰ angoiya bokwangä; kangä ndɔɛnɛsɛ bangɛnɛ bau lotimbana lolendelomo la wɛli mbo baɔlɛsɛkɛ liekesi lia Mungu Bouwesi wasu ko lokuku lolau nda njasɔ bitotina.

¹¹ Eoka booto wa Mungu bosɔɛnɛlɛ ndoeshela bato batotina liuwesi,

¹² la bosoekekes’iso ndotika lisakä liofekaka njasɔ ebiti ya Mungu, la yɛmɛ ya wenda-bo, kangä ndoyalaka la boyaeli ewengani la lilendelu lia njasɔ ya Mungu nda mbile-ye ya kwani,

¹³ ani tokoumbakela la iɛli sha lokemo shasu siko lɔɛnɛlɔ loa tala ya Mungu ofi la Bouwesi wasu ako Masiya Yesu,

¹⁴ oyafak’Inde angɛnɛ eoka yasu mbo aendolek’iso nda njasɔ ibe bitotina la mbo ataneseleke tukela ya bato boomana lande bako ebatofumbaka ndokelaka bekeeli bilau.

¹⁵ Taka boeki wa bakakanelo-ba, la linangoli la liimi la isosha sitotina la boto angɔmɔi ataoly’aɛ.