Matayo 3 - Le Nouveau Testament in Kele (Lokele) 1958

Yoane Bolufi

¹ Nda bacho bana Yoane Bolufi loya oyanangolaka nda liɔmbɛlɛ lia Yudea, inde mbo—

² Kalanganaka, eoka Bɔkɔta wa Mungu bosoya tina.

³ Ende Inde oyaongomoko la Bɔtɔndɔli ako Yesaya, mbo— Limiki litoamama nda liɔmbɛlɛ mbo— Komyaka mboka ya Ngɛnɛ, Longamesaka biëli yande.

⁴ Yoane-yo awataka esinda ya fuu ya ngamela, la bɔkɔli wa lokofo loa nyama nda lɔtɛta la alakäkä bakelele la wee wa lokonda.

⁵ Bato ba Yelusaleme wike la batotina ba Yudea la eba kenge bitotina ya Yaladene,

⁶ balufiomökö lande nda liyande lia Yaledene ani batoaokola njasɔ ibe yau.

⁷ Nde ɛnɛk’inde wike wa BaFalusi la BaSandoke batoyaka end’inde ndoyalufiomo, inde loonga lau mbo— Ino lioti lia njɔ; ¿Ndai asokambes’ino mbo bokweke otili bosekwa nda efango eyekayeke?

⁸ Eokao biyaelo yanu bienganeke la likalangani lianu.

⁹ Wenyelëke oyaongana mbo— Abalayama ende ngau wasu, eoka itoonga lanu mbo Mungu asokɔkɔlɔ ko la batalɛ-ba kongo ndoemesela Abalayama bana.

¹⁰ Kwani shondo sisotomo oko nda biili ya tosandu la isandu la isandu esiitoota tuma tolau, shao kotindomo, shao koumbolomo nda bösä.

¹¹ Imi nd’asolufia ino nda balia eoka ya likalangani, kongoko oyatoya liili liami asoeta’mi la bofoka. Itiengane ango ndotola tokwaka twande; Inde elufiaka ino la Bolimo Botanu la bösä.

¹² Lüngu loande lole nda bosamba wande mbo afɛfɛkɛ bofonga; atɔɔmbɔ ɛfɛfyɛlɔ tanelele, atosɔnjaka befonga nda ekukyelo yande, kongo ko atofechaka mboso nda bösä wa loiloi ebotilatiamëkë.

¹³ Limɔ Yesu losekwa nda Ngalilai, ndokakɛ ende Yoane nda Yaledene okalufiomo lande.

¹⁴ Nde Yoane lokota ndokufesa Yesu, inde mbo— Imi nd’ale la boeno wolufiomo laɛ, nde osoya ende’mi?

¹⁵ Yesu lomutoel’inde mbo— Lɛmbɛlɛkɛ Imi kwani, eoka lole lasu mbo tokɔcheke bitotina ya liengani ongoma. Lamao Yoane lolɛmbɛlɛ Yesu.

¹⁶ Limɔ Yesu lolufiomo; aeswäkä Inde nda balia, lisasaya buse loliolomo la Inde lɔɛnɛ Bolimo wa Mungu botoaa se kwa ekükü, bosotalema ende Inde, la limiki lookana nda use mbo— Oyo ende Wana bosamomu wami oyatoomalesa’mi finɛ.