Matayo 1 - Le Nouveau Testament in Kele (Lokele) 1958

¹ Lokasa loa lotango loa fɛtɔ ya bangau ba Yesu Masiya, wana wa Dawidi, wana wa Abalayama.

² Abalayama loota Yisaka; Yisaka loota Yakobo; Yakobo loota Yuda la bitungani yande;

³ Yuda loota Pelese la Shela ko la Tamala; Pelese loota Eselone; Eselone loota Lama;

⁴ Lama loota Aminadaba; Aminadaba loota Nasona; Nasona loota Salamona;

⁵ Salamona loota Boasha ko la Laba; Boasha loota Obede ko la Luta;

⁶ Obede loota Yese; Yese loota Dawidi ako Bɔkɔta. Dawidi ako Bɔkɔta loota Solomo ko la lotika loa Uliya;

⁷ Solomo loota Labama; Labama loota Abiya; Abiya loota Asa;

⁸ Asa loota Yosopata; Yosopata loota Yotama; Yotama loota Aasha;

⁹ Aasha loota Esikiya;

¹⁰ Esikiya loota Manase; Manase loota Amona; Amona loota Yosiya;

¹¹ Yosiya loota Yekoniya la bitungani yande nda baunjwelo konda Babilona.

¹² La mbisa ya baunjwelo nda Babilona, Yekoniya loota Salatiele; Salatiele loota Shelubabela;

¹³ Shelubabela loota Abiuda; Abiuda loota Eliyakima; Eliyakima loota Ashula;

¹⁴ Ashula loota Sadoka; Sadoka loota Akima; Akima loota Eleyuda;

¹⁵ Eleyuda loota Eleasha; Eleasha loota Matana; Matana loota Yakobo;

¹⁶ Yakobo loota Yosefa ako bolome wa Malia, nyango wa Yesu oyasotangomo mbo Masiya.

¹⁷ Ongoma fɛtɔ bitotina ko ende Abalayama ko ende Dawidi yende fɛtɔ liu la inɛi, la ende Dawidi ko nda baunjwelo nda Babilona bende fɛtɔ liu la inɛi, la konda baunjwelo nda Babilona ko nda lootomu loa Masiya bende fɛtɔ liu la inɛi.

Liotomu lia Yesu

¹⁸ Liotomu lia Yesu Masiya liaka ngo ko ani— Nyango wande ako Malia aaka liäla lia Yosefa, kongo ko oso wa lisɔngɔni liau, Malia lɔɛnɛnɛ la lieme ko la Bolimo Botanu.

¹⁹ Yosefa, olome wande, eoka aaka oto wa liengani, la atialɛmbɛkɛ ndochambola inde fololo, inde losanga oola liäla wisakumbo.

²⁰ Aenyelaka Yosefa loasɔ-lo, futuku bokitomo wa Mungu lɔɛnɛlɛ end’inde ko la saki, inde mbo— Yosefa wana wa Dawidi, owangëke ndɔsɔ Malia wali waɛ, eoka lisɔlɛ elisotol’inde lile ko elia Bolimo Botanu.

²¹ Eotaka nde wana otolome, bofak’inde lina liko Yesu eoka end’Inde oyatouwesa bato bande nda njasɔ ibe yau.

²² Ebi bitotina yaaka litina mbo eyaongömökö la Ngɛnɛ ko la Bɔtɔndɔli bikɔchɔmɔkɔ, biko mbo—

²³ Tɛnɛngo boseka nd’atoaelo lieme, la atoota nde wana otolome, Inde efomoko lina liko Emanwele (litina mbo Mungu ale lasu).

²⁴ Limɔ Yosefa loemala yai nda ilɔ, inde lokela kwani akangesaka bokitomo wa Ngɛnɛ ekanges’inde, inde loiyesa Malia wali wande.

²⁵ Kongo ko atiaingaläkä lande oso ani atitaote wana otolome. Inde lota wana lina liko Yesu.