Malako 8 - Le Nouveau Testament in Kele (Lokele) 1958

Lilesi lia bato bilɛfu binɛi

¹ Nda bacho ana windi ofi wa bato waaka lande la batiaaka la yeka yola. Ataka Yesu baeki bande lioi, Inde loonga lau mbo—

² Isookel’bato-ba ngandi eoka basotikala lami becho isatɔ la bati la yeka yola.

³ Eyambo yemach’iyo mbo baɛkɛ nda bekenge yau la tosiye, iyo kowa beleka nda mboka, eoka bamɔi bende b’esika.

⁴ Baeki bande loonga mbo— Totokɔkɔlɔ ndoosha bieka yoengana ebato-ba ko anima, ono nda isimo-si?

⁵ Inde lofel’iyo mbo— ¿Ole la beila yanga? Iyo lomutola mbo— Bosambale.

⁶ Inde loonga la windi wa bato mbo bayaleke se nda nyɛlɛ, Inde lɔɔsɔ beila bosambale, Inde lofa kelekëlë, Inde loataka beila la Inde lofaekefa baeki bande mbo basɛlɛkɛ yao oso wa bato; iyo losɛlɛ yao oso wa windi w’ato.

⁷ Baaka imɔ la toswiswi tɔmɔi, Inde lofa kelekele limɔ Inde loonga mbo bakaeleke imɔ ko twao.

⁸ Iyo lola la iyo lotɛkwa; iyo loina twinyo etwatikalaka, iyo lotumesa bisaka osambale.

⁹ Bato bayalaka kwa bilɛfu binɛi.

¹⁰ Limɔ Inde lomach’iyo baɛkɛ eyau nde Inde lokwa nda watɔ amamwito la baeki bande limɔ iyo loiya nda yese ya Ndalamanuta.

¹¹ BaFalusi lokuswa eyau, iyo loakola ndofelana lande, iyo lolüka ndembe end’Inde, ndembe yosekwa nda use ndokotel’Inde.

¹² Inde losuma la botema wäle, Inde mbo— ¿Monito fɛtɔ-ye batolüka ndembe? Wewe, Imi nd’atoonga lanu mbo Ndembe etiafomoko efɛtɔ-ye.

¹³ Inde lomach’iyo limɔ Inde lokwa nda watɔ liasi, Inde loleka nda boili wasi.

¹⁴ Kongo ko baeki loosala ndotola lituma, batiaka la liao nda watɔ sakolo ko limɔi kongo.

¹⁵ Inde loim’iyo mbo— Tɛnɛkɛ la wɛlï mbo oengweke lisoo lia lituma lia BaFalusi la elia ebaHelodi.

¹⁶ Baeki lofelana loasɔ, iyo mbo— Toti la lituma.

¹⁷ Aluwaka Yesu ongoma, Inde mbo— Monito, otofelana mbo oti la lituma? Bokɛni kɔni? Bokaluwi kɔni litina? Betema yanu yende betembu?

¹⁸ Wende la baiso, nde otiɛnɛ? Wende la batoi, nde otioke? ¿Otienyele imɔ?

¹⁹ Aatäkä’mi beila bɔɔmwi ndokaela bato bilɛfu bɔɔmwi, watumesäkä bisaka yanga la twinyo etwatikaläkä? Iyo mbo— Liu la imbale.

²⁰ La ani aatäkä’mi beila osambale ndokaela bato bilɛfu inɛi, belanga yanga eyatumäkä la twinyo? Iyo mbo— Bosambale.

²¹ Yesu loonga lau mbo— ?Okaluwi kɔni?

Boto wa botuku

²² La iyo loiya nda Betesaida la bato loeshel’Inde boto wa botuku la iyo lolɔmbɔkɔlɔ Yesu mbo amatek’inde.

²³ Inde lounda ewa botuku la bosamba, Inde lɔkɛ lande nda liko lia bokenge. Achwɛlɛk’Inde sɔi nda baiso bande, la ataliaka Inde bosamba, Inde lofel’oto mbo— ¿Ɔsɔɛnɛ to yeka?

²⁴ Oto wa botuku loila baiso likolo limɔ inde mbo— Isɔɛnɛ bato nde basoɛnɛlɛ kwa tosandu etotokɛndɛ.

²⁵ Limɔ Yesu lotalia bosamba nda baiso bande liasi, la oto lotichaka la liɛni loinywa liasi, inde lɔɛnɛ bitotina sandelele.

²⁶ Yesu lotom’inde nda ndakɔ yande ani asoonga lande mbo— Okɛndɛ̈kɛ ango nda bokenge.

²⁷ Lamao Yesu la baeki bande lɔkɛ konda bekenge bitimbi ya Kaisalia ya Filipo la aɛkɛ iyo nda mboka, Inde lofela baeki bande mbo— ¿Bato batoonga mbo Imi yende ndai?

²⁸ Iyo lokambes’Inde mbo— Mbo wende Yoane Bolufi, nde basi mbo Eliya, la basi mbo wende ɔmɔi wa Bɛtɔndɔli.

²⁹ Yesu lofel’iyo mbo— ¿Ino angɛnɛ nd’atoonga mbo Imi yende ndai? Petelo lomutoel’Inde mbo— Aɛ wende Masiya.

³⁰ Yesu loimak’iyo mbo batakambesa oto angomwito loasɔ loande.

³¹ Limɔ Inde loakola ndoekes’iyo mbo lole ende Wana wa oto ndooka biale wike la ndofekelomo la biange la kanga la batikasa la ndoolomo limɔ mbisa ya becho isatɔ ndokuswa nda liwa.

³² Inde loonga lioi-li fololo. La Petelo lounda Yesu, inde loakola ndoimak’Inde,

³³ nde Yesu lokikwa la atichak’Inde baeki, Inde loimaka Petelo mbo— Etaka ombisa yami Satana, eoka otienyele njasɔ ya Mungu kangä eya bato.

³⁴ Limɔ Yesu lota windi wa bato lioi basɔngɔmɛkɛ amamwito la baeki bande, Inde loonga lau mbo— Boto ɛlɛmbɛ mbo atuteke’mi, atafekelaka inde angɛnɛ, atatolaka lieka liande la atuteke’mi.

³⁵ Eoka mbo, oyatolɛmbɛ ndoikesa liwawi liande angɛnɛ, atolefesa nde liao; kongo ko oyatolefesa liwawi liande eoka yami la eoka ya mboli ilau, inde nd’atoikesa liao.

³⁶ Boto eɔlɔ bitotina ya wenda-bo, nde kolefesa liwawi liande angɛnɛ, asɔɔlɔ to iye?

³⁷ ¿Boto afeke eni to yeka yofangola la liwawi liande?

³⁸ Boto oyatofekak’mi la baoi bami ko l’eoka ya sɔni nda baiso ba bato ba efɛtɔ-ye ya nyongo la obe, ongoma Wana wa oto imɔ efekaka inde la sɔni eyekayeke Inde la tala la liomala lia Sango wande amamwito la bakitomo batanu.