Liɛnɛsu 10 - Le Nouveau Testament in Kele (Lokele) 1958

Bokitomo oyaeshelaka Yoane ikakasa

¹ Limɔ imi lɔɛnɛ bokitomo wasi wa ofoka ani atosulwa se nda buse, inde lolingelomo la litumba la bonama nda botö wande la bɔmbɔ wande loyala kwa löwa la bakolo bande kwa bakole ba bösä.

² La inde loyala la ikakasa esiliolomu nda lingasa liande, la inde lota litindi liande lia olome nda balia, la elia wali nda boili.

³ Limɔ inde loamama la limiki lifi kwa atoulaula kwa simba; la amamak’inde ongoma, limɔ bilundi osambale lolundalunda l’ebau bamiki.

⁴ Alundaka bilundi osambale, yasiaka osɔnɔ lokasa limɔ imi loka limiki nda use elisoonga mbo— Sɔlɔnɛsɛkɛ yao ebisoonga bilundi osambale, osɔnɛ̈kɛ yao nda lokasa.

⁵ Limɔ bokitomo oyɛnɛkɛ’mi ani emesani nda balia la nda boili, inde loila bosamba wande w’olome likolo, limɔ inde lotinya ekanɔ ko la Inde oyayali la loiko loa layalaya, oyakelaka buse la ebiyali nda wao, la wenda la ebiyali nda wao, la balia imɔ ko la ebiyali nda bao, mbo angwɛnɛ imɔ fofe youmwaka,

⁷ kangä mbo, ani akaongeke bokitomo ko la limiki lia ifonge, limɔ njasɔ ebiisomu la Mungu, yao kɔɔlwa kwa atelak’Inde batɔndɔli bande boeki.

⁸ Limɔ limiki eliokaka’mi nda use, imi loka liao ko liasi, liaongaka mbo— Kɛndɛkɛ okaaela ikakasa esiliolomu nda lingasa lia bokitomo oyemali nda balia la nda boili.

⁹ Limɔ imi lɔkɛ ende bokitomo, imi loonga lande mbo afeke’mi ikakasa-si. La inde loonga lami mbo— Aelaka shao la mɛlɛkɛ shao bokekenu, sitoyala la bololo nda sɔlɔ yaɛ kongo ko nda bɔnɔkɔ waɛ sitoyala la lɔɛtɛ kwa eloa wee.

¹⁰ La imi loaela ikakasa sina nda lingasa lia bokitomo, imi lomɛlɛ shao bokekenu, la nda bɔnɔkɔ wami shao lookana la lɔɛtɛ kwa eloa wee, nde alaka’mi shao, sɔlɔ yami lokwelo bololo.

¹¹ Limɔ imi loongomo mbo— Lole loaɛ mbo otɔndɔlɛkɛ liasi loasɔ loa bato wike la tukela wike la baoi ba bato la bɛkɔta wike.