Baebele 8 - Le Nouveau Testament in Kele (Lokele) 1958

Lisakä lia Ngɛla Eyai liatikomoko nda Lokasa loa Yelemaya

¹ Litina elisoeta nda njasɔ ebisoongak’iso, lile mbo, tole la Kanga-Eyeti oyayali nde la bɔfɔnɔ-ao, oyakoyali se nda fangi ya osamba wa olome wa kɛka ya Oyalongeli nda Use;

² Oyatokuwela Mungu nda Kumbo ya Etowanelo ya wewe eyaswomoko ko la Ngɛnɛ Mungu, inga la balomboki.

³ Kanga-ebieti to basofomo isosha shotambaka bafaefi ba nyama yofechomo, eokao loengani nde imɔ la Kanga-Eyeti ye mbo ayaleke la yeka yotamba Mungu.

⁴ Eya to mbo eyala ono nda wenda-bo ani atiyale kanga, eoka kanga bikoyala ndotambaka bafaefi kwa aongomu nda Bikela.

⁵ Iyo nd’atokuwela ko bɔfɔnɔ la elimi ya Esemoelo nda use; kwa aluwesomokö Mose eyasamboswak’inde kumbo ya esemoelo, Mungu loonga mbo— Tatichaka mbo wakela bitotina kwa ayaliki ikweela esisotambomo aɛ nda löngo.

⁶ Nde kwani Yesu asɔɔlɔ isosha shokuwela Mungu esisolongela, imɔ ko mbo Inde nd’ayali Bokumi wa Ngɛla eyesolongela eya oso, la eyesokɔkɔmɛsɔmɔ ko la basakä bolongela.

⁷ Eoka eya to mbo ngɛla ya oso etiaomeloko loasɔ, ani angolukak’imɔ fofe ya ngɛla yasi.

⁸ Kongo ko Mungu oyasofak’iyo liɛngɔ eoka yao loomelo, Inde loonga mbo— Ngɛnɛ Mungu asoonga mbo— Toka kɔni, bacho belayaka nde ebakatinyeke lami Ngɛla Eyai la bokulü wa Isalaɛlɛ l’eba Yuda;

⁹ Inga kwa yao eyatinyaka’mi la batata bau nda lise eliaundaka’mi iyo la osamba, Mbo isokolek’iyo nda yese ya Ejipeto; eoka batiaumwaka ndolitesa Ngɛla yami, Limɔ Imi lolemol’iyo; Ngɛnɛ Mungu loonga ewa.

¹⁰ Tɛnɛ ngɛla eyelatinyaka’mi la bokulü wa Isalaɛlɛ mbisa ya bacho ana; Ngɛnɛ Mungu loonga ewa. Itota bikela yami nda baenyeli bau, la itosɔnɔ yao ko nda betema yau; Limɔ itoyalaka eyau Mungu la iyo batoyalaka ebami bana.

¹¹ Boto angoekekes’imɔ boyalani lande; Ango boto angoongana la etungani yande mbo— Luwaka Ngɛnɛ! Eoka batotina batoluwaka’mi la wɛlï, kond’afi kond’akɛkɛ.

¹² Yelaokelak’iyo booto womɛsɛkɛlɛ iyo batongwi bau, La itilaenyelek’imɔ batwanelo bau.

¹³ Aongomoko lioi liko-Ngɛla Eyai, litina lile mbo atangaka eya oso kwa mbo esoulama la yeka eyesoulamaka ambo esokata la esambosɛɛselɛ.