3 Yoane 1 - Le Nouveau Testament in Kele (Lokele) 1958

¹ Imi Wange w’Etanda nd’asosɔnɔ lokasa-lo ende Gayo oyasamomu lami la wewe.

² Isosomboel’aɛ oyasamomu lami, mbo oyalakeke la ngwɛngwɛlɛ nda njasɔ bitotina la nda bosasu lisanga, kwa ayal’imɔ ko bolimo waɛ la ngwɛngwɛlɛ.

³ Eoka isokaka bootaota finɛ ani asoya bitungani bimɔi y’Etanda oyaluwesa’mi loasɔ loa wewe ebole laɛ la kwa atokɛndɛl’aɛ ko nda wewe.

⁴ Iti ango la bootaota wolongela ebo, boko mbo bana bami batokɛndɛkɛ ngo ko nda wewe.

Sungaka eb’Etanda ba wewe, nde okwelëke ebabe

⁵ Bosamomu lami, asosungak’aɛ osunga bitungani y’Etanda, simbi to bɛɛnda, ambo lole bokeeli wa liimeli,

⁶ la basokambesa Etanda loasɔ loa losamɔ loaɛ; otokela bolau finɛ ndokatik’iyo nda kɛndɔ, kwa aondu nde la likuwa lia Mungu.

⁷ Eoka basoila lɔkɛndɔ ko l’eoka ya Lina liande la batiɔsɛkɛ yeka ende ebati basu.

⁸ Eokao lole end’iso ndosungaka bato bana, mbo toyaleke ebasangani lau nda likuwa lia wewe.

⁹ Yasɔnɔkɔ sumbu ende eb’Etanda, kongo ko Diotelefe oyalɛmbi finɛ ndoyala botoli oso, atikulie ndolites’iso;

¹⁰ Eokao, yeya, itoenyakela ebitokelak’inde la baoi babe ebatoongaong’inde loasɔ loasu, nde atisɛlɛ eya, inde angɛnɛ angonyangela bitungani la asosokol’iyo nda Etanda.

¹¹ Bosamomu lami, otutelëke bekeeli ebe, kanga ebilau. Oyatokelaka olau, ale wana wa Mungu; nde oyatokelaka obe ambo atiɛnɛkɛ Mungu.

¹² Demetulio asokuliomo la batotina mbo boto olau la imɔ ko l’eoka ya wewe angɛnɛ; iso imɔ nd’asokulia mbo ale bolau la oluwi nde mbo likulyi liasu lile ngo ko wewe.

¹³ Iyaliki nde la njasɔ wike yosɔnɛl’aɛ, nde itilɛmb’imɔ ndosɔnɔ la bɔsɔni wa wino;

¹⁴ nde yende la iɛli shoyɛn’aɛ mbisa ya mbile sinyo limɔ iso koongana l’ɔmbɔ l’ɔmbɔ.

¹⁵ Lilatemi liyaleke laɛ! Baina ono basoseel’aɛ. Seelaka baina lasu boto la boto ko la lina liande.