1 Petelo 5 - Le Nouveau Testament in Kele (Lokele) 1958

Bakakanelo ba tuu la liseeli

¹ Ino biange ya Etanda, imi oyale imɔ ko wange la ɔmɔi oyɛnɛkɛ biale ya Masiya la oyatosangana lanu imɔ nda tala eyekɛnɛsɔmɔkɔ, isolɔmbɔkɔl’ino mbo—

² Kukyaka liyasa lia Mungu eliyali lanu, komyaka liao, inga eoka osotinjakomo, kanga mbo osolɛmbɛ ndokela lisangi lia Mungu; inga la yɛmɛ ya bieto, kangä la botema wa mengi;

³ inga kwa bangɛnɛ ba botiko ebosofomo ino, kangä kwa bitichelo ende liyasa lianu.

⁴ Limɔ akɛnɛlɛkɛ Botingani Wolongela, ino kɔɔlɔ boyoyo wa tala ebotilabɛɛlɛkɛ.

⁵ Ino tosenge imɔ, litesaka biange; ino yaatotina, wataka liikami se kwa bisinda ya likuwa lianu, eoka mbo— Mungu atofekela eba bɛmɛtɔ, nde atofaekefa eba liɔndwi se ko booto wande.

⁶ Eokao ɔndwaka se hɔndwa nda bosamba wa bofoka wa Mungu mbo ataliek’ino la mbile yoengana;

⁷ umbolaka tɔkɛnɛnɛ twanu ende Mungu eoka Inde nd’asotakela ino bolenda.

⁸ Taka betema yanu se, lambaka! Wiyani lanu ako Satana atotimbatimba okaluke boto wola.

⁹ Fekelaka inde, nanaka lande ko la liimeli elisokɔkɔmɔ kɔkɛ, ani asoluw’ino mbo beoto yanu nda wenda-bo basokaka imɔ ko bifembi kwa ino.

¹⁰ Mungu, Ngɛnɛ wa booto bototina, oyasot’ino lioi mbo ɔɔtɛkɛ nda tala yande ko la Masiya konda layalaka, mbisa ani asokaka biale ko mbile sinyo, Inde angɛnɛ eɔlɔl’ino, ekɔkɔmɛsek’ino, ewangemesak’ino, efaefak’ino bofoka!

¹¹ Ende Inde isosha shokakalesa ko layalaya! Ongoma.

¹² Isosɔnɛl’ino lokasa sumbu lɔkɛkɛ ko la bosamba wa Silwano, etungani yolendelomo (kwa atangi nde’mi), isofumbes’ino la isoekekes’ino mbo njasɔ-bi yende ya booto wa wewe wa Mungu; kɔkɔmɔkɔ nda wao kɔkɛ!

¹³ Eb’Etanda ya Babilona, ebasoaomo kwani ayali ino, basoseel’ino; la Malako wana wami ko ongoma.

¹⁴ Lamolanaka la tɔchɔu twa losamɔ etüchomu. Lilatemi end’ino yaatotina ebawatemani la Masiya!