ଲୁକ ଲେକ୍ତାଦ୍ ଜିସୁ କ୍ରିଷ୍ଟନ୍ ସୁସମାଚାର୍ 3 - ପୁନାଦ୍ ଆର୍ର୍ ପୁନାଦ୍ ନିୟମ୍ବାପ୍ତିସ୍ମ ଯୋହନ୍ ତେ ପ୍ରଚାର୍ ( ମାତିଉ ୩:୧-୧୨ ; ମାର୍କ ୧:୧-୧୮ ; ଯୋହନ୍ ୧:୧୯-୨୮ ) 1 ସମ୍ରାଟ୍ ତିବିରିଆ କାଇସର୍ତେ ଶାସନ୍ ତେ ପନ୍ଦ୍ର ୱାଡ଼୍ଷା ତେ, ବେସୁଣ୍ଟ୍ ପନ୍ତୀୟ ପିଲାତ ଯିହୂଦା ନାର୍ଦେ ଶାସନ୍କର୍ତ୍ତାଲ୍ ନୁ ହେରୋଦ୍ ଗାଲିଲୀତା ସାମନ୍ତରାଜାଲ୍ ମାତ୍ତଣ୍ଡ୍, ମେଣ୍ଡେ ତାନ୍ ତାମୁଣ୍ଡ୍ ପିଲିପ୍ପ ଇତୂରୀୟା ନୁ ତ୍ରାକୋନୀତି ନାର୍ଦେ ସାମନ୍ତରାଜାଲ୍, ମେଣ୍ଡେ ଲୂସାନୀୟା ଅବିଲୀନୀ ନଗର୍ତେ ସାମନ୍ତରାଜାଲ୍ ମାତ୍ତଣ୍ଡ୍ । 2 ମେଣ୍ଡେ ହାନାନ ନୁ କୟାପା ବେଡ଼ିୟିଯାଜକ ମାତ୍ତଡ଼୍, ଆସୁଣ୍ଟ୍ ପରମେଶ୍ୱର୍ ତେ ବାକ୍ୟ ଉସ୍କ ନେଲ୍ଦାଗ୍ ମାନ୍ଦାନ୍ ଜିକରୀୟ ତେ ମାର୍ ଯୋହନ୍ ଗାର୍ରେ ଉପସ୍ଥିତ୍ ହାତ୍ତେ । 3 ଆଗେ ବାପ୍ତିଜକ ଯୋହନ୍ ଯର୍ଦ୍ଦନ ବେଡ଼େମ୍ ତେ ଗାର୍ରେ ସାରେ ଜାଗେତାଗ୍ ଆଞ୍ଜ୍ “ପାପ୍କ୍ଷମା ସେଙ୍ଗେ ମନପରିବର୍ତ୍ତନ୍ ତେ ବାପ୍ତିସ୍ମ କେତାନଙ୍କ ପସ୍ପ୍ତଣ୍ଡ୍,” 4 ବେଦ୍ଲେକାମ୍ ଯିଶାଇୟ ବାବବାଦୀ ଶାସ୍ତ୍ରତାଗ୍ ଲେକାମିନ୍ଦେ, “ବେନ ୱେରଣ୍ଡ୍ ଉସ୍କନେଲ୍ କଞ୍ଜ୍ ଗାଟି ଲେଙ୍ଗ୍ତେ କେସମିନ୍ଦେଣ୍ଡ୍, ପ୍ରବୁନ୍ ସେଙ୍ଗେ ହାର୍ ତିଆର୍ ମାଡ଼ାଟ୍; ଅନାଦ୍ ଆଦାନାଦ୍ ସେଙ୍ଗେ ତିନାଙ୍କ୍ ହାର୍ ତିଆର୍ ମାଡ଼ାଟ୍; 5 ସାର୍ରେ ଉପତ୍ୟକା ସାରେ ମାଡ଼ାଙ୍କ୍ ଆଦ୍ତେ, ମେଣ୍ଡେ ସାର୍ରେ ମେଟା ନୁ ସୁଦୁ ମେଟା ସାମାନ୍ ମାଡ଼ାଙ୍କ୍ ଆଦ୍ତେ, ୱାଙ୍କ୍ଙ୍ଗ ହାର୍ ସାରେ ତିନାଙ୍କ୍ ଆଦ୍ତେ, ମେଣ୍ଡେ ଗୁଇନ୍ଦା ଗପ୍ ବୁମ୍ ସାମାନ୍ ହାର୍ ତେ ସାୟେ ଆଦ୍ତେ; 6 ମେଣ୍ଡେ, ସାରେତଡ଼୍ ନାରୁଡ଼୍ ଇଶ୍ୱର୍ ତେ ପରିତ୍ରାଣ ଉଡ଼ିତଡ଼୍ ।” 7 ଆସୁଣ୍ଟ୍ ଅଣ୍ଡ୍ ତାନ୍ ତଡ଼୍ ବାପ୍ତିସ୍ମ ଆଦାନ୍ ସେଙ୍ଗେ ପେଇସ୍ ୱାଦାନ୍ ନାରୁଡ଼୍କ୍ ଯୋହନ୍ କେତ୍ତଣ୍ଡ୍, “ରେ ୱିସାମ୍ ମାନ୍ଦାନ୍ ତାଡ଼ାମ୍ ବଂଶତଡ଼୍, ୱାଦାନ୍ ଦଣ୍ଡତେ ୱେଲେ ମିରାନଙ୍କ୍ ସେଙ୍ଗେ ବେନ ମିକିଂଙ୍କ୍ ଚେତନା ହିତ୍ତଣ୍ଡ୍ ? 8 ଯଦି ନିଜାମ୍ ପାପ୍ତାଗାଙ୍କ୍ ମାଲ୍ସ୍ ୱାତ୍ତିଡ଼୍, ଇଦ୍ ମିଡ଼୍ ସାୟେତ୍ ପାଡ଼ିୟିଦାଗ୍ ତଅମୁଟ୍; ମେଣ୍ଡେ, ଅବ୍ରାହାମ୍ ମା ବାବାଲ୍ ଇଞ୍ଜ, ମନ୍ ତେ ମନ୍ ତେ ମିକା ଇଦ୍ ଲେକାମ୍ କେଲମାଟ୍; ବାତେଙ୍କ୍ ଇତ୍କେ ନାନ୍ ତ ମିକିଂଙ୍କ୍ କେତୁତାନ, ପରମେଶ୍ୱର୍ ଇଦ୍ କାଲ୍କିନ୍ ତଡ଼୍ ଆବ୍ରାହାମ୍ ତେ ସେଙ୍ଗ୍ ମାର୍ ତିଆର୍ମାଡ଼୍ଡ଼େ ପାର୍ଦ୍ତଣ୍ଡ୍ । 9 ମେଣ୍ଡେ, ଇଞ୍ଜେ ମିକା ମାଡ଼ାକିନ୍ ମଦଲ୍ ଗଡେଲ୍ ମିନ୍ଦେ; ବେନ୍ ମାଡ଼ାକିନାଗ୍ କାୟା ସାୟେ ଆଦକ୍, ଆୱିଙ୍କ୍ ନାଡ଼୍କି କିସ୍ତାଗ୍ ୱାଟିତଡ଼୍ ।” 10 ଇଗେ ନାରୁଡ଼୍ ଅଂକିଙ୍କ୍ କେତ୍ତଡ଼୍, “ଆଲାତ୍କେ ମାନାଡ଼୍ ବାତେଏ ମାଡ଼ିକାଡ଼୍ ?” 11 ଯୋହନ୍ ଅଡ଼୍କିଂଙ୍କ୍ କେତ୍ତଣ୍ଡ୍, “ବେନନାଗ୍ ରେଣ୍ଡ୍ ଚକା ମିନ୍ଦେ, ଅଣ୍ଡ୍ ବେନନାଗ୍ ଇଲ୍ଲେ, ଅଂକିଙ୍କ୍ ୱେରନ୍ ହିୱୀଣ୍ଡ୍; ମେଣ୍ଡେ ବେନଙ୍କ୍ ତିନ୍ଦାନାଦ୍ ମିନ୍ଦେ, ଅଣ୍ଡ୍ ଆଦ୍ ଲେକାମ୍ ମାଡ଼ିଣ୍ଡ୍ ।” 12 କର ଆଦାୟ୍ ମାଡ଼ାନ୍ ନାରୁଡ଼୍ ମିକା ବାପ୍ତିସ୍ମ ଆଦାଙ୍କ୍ ୱାସ୍ ଯୋହନ୍ତିଙ୍କ୍ କେତ୍ତଡ଼୍, “ହୋ ଗୁରୁ, ମାନାଡ଼୍ ବାତେଏ ମାଡ଼ିକାଡ଼୍ ?” 13 ମେଣ୍ଡେ ଅଣ୍ଡ୍ ଅଡ଼୍କିଂଙ୍କ୍ କେତ୍ତଣ୍ଡ୍, “ମି ସେଙ୍ଗେ ବେସର୍ ନିୟମ୍ ମିନ୍ଦେ, ତାନାଗାକସ୍ ଗାଟି ଆଦାୟ ମାଡ଼ମାଟ୍ ।” 14 ସୈନିକ୍ ମିକା ଯୋହନ୍ତିଙ୍କ୍ କେତ୍ତଡ଼୍, “ମାନାଡ଼୍ ବାତେଏ ମାଡ଼ିକାଡ଼୍ ?” ଅଣ୍ଡ୍ ଅଡ଼୍କିଂଙ୍କ୍ କେତ୍ତଣ୍ଡ୍, “ଶକ୍ତି ତେ କି ଚଲଣା ତେ ବେନନ୍ ଦନ୍ ହଇମାଟ୍, ମେଣ୍ଡେ, ମି ଦରମାତେ ଶାନ୍ତି ଆଇମୁଟ୍ ।” 15 ନାରୁଡ଼୍ ୱିଡ଼୍ସି ମାଡ଼ିମାତାଙ୍କ୍ ଯୋହନ୍ ମାନ୍ କ୍ରିଷ୍ଟ ଆଦ୍ତଣ୍ଡ୍, ଇଦ୍ ତାନ୍ ବିଷୟ ତେ ସାରେତଡ଼୍ ତାମ୍ତାମ୍ ଲୋପେ ହାଲ୍ସ ମାତ୍ତଡ଼୍ । 16 ଆଦିନ୍ ସେଙ୍ଗେ ଯୋହନ୍ ସାରେତଡ଼୍କିଙ୍କ୍ କେତ୍ତଣ୍ଡ୍, “ନାନ୍ ସିନା ମିକିଂଙ୍କ୍ ଏର୍ ଦାଗ୍ ବାପ୍ତିସ୍ମ ହିଦୁତାନ୍, ମାତର୍ ନାୟାଗ୍ କଞ୍ଜ୍ ବେନ ଗାଟି ମହାନ୍, ଅଣ୍ଡ୍ ୱାସ ମିନ୍ଦେଣ୍ଡ୍, ଅନ୍ୱାଦ୍ ହେର୍ପୁକ୍ ତେ ନୁଲ୍ କୁସ୍ପାନଙ୍କ୍ ମିକା ନାନ୍ ଯୋଗ୍ୟ ଆୟନ୍; ଅଣ୍ଡ୍ ମିକିଂଙ୍କ୍ ପବିତ୍ର ଆତ୍ମା ନୁ କିସ୍ ତାଗ୍ ବାପ୍ତିସ୍ମ ହିଦ୍ତଣ୍ଡ୍ । 17 ଅନ୍ କାଇଦେ ଏତ୍ ମିନ୍ଦେ, ତ ଅଣ୍ଡ୍ ପଲେ ମାନ୍ଦାନ୍ ଶସ୍ୟ ପରିଷ୍କାର୍ ମାଡ଼ି ତାନ୍ କୁସ୍ତାଗ୍ ନେହେତିତଣ୍ଡ୍ ନୁ ପଲେତିଙ୍କ୍ ଅଣ୍ଡ୍ ସାରେ ଦିନ୍ ନିଡ଼୍ତାନ୍ କିସ୍ତାଗ୍ ପଡ଼୍ସ୍ପିତଣ୍ଡ୍ ।” 18 ଅଣ୍ଡ୍ ଇଦ୍ ରକମ୍ ଗାଟି କେତାନାଦ୍ ଇସ୍, ମେଣ୍ଡେ ନାର୍ଗେ ଲେକାମ୍ ଉତ୍ସାହ ରକମ୍ ବାକ୍ୟ କେସ୍ ନାରୁଡ଼୍ ତେ ଗାର୍ରେ ଗଟ୍ ପ୍ରଚାର୍ ମାଡ଼ ମାତ୍ତଣ୍ଡ୍ ନୁ ମାନ୍ ପରିବର୍ତ୍ତନ୍ ମାଡ଼ାନ୍ ସେଙ୍ଗେ କେତାନାଦ୍ ହିତ୍ତଣ୍ଡ୍; 19 ବାତେଙ୍କ୍ ଇତ୍କେ ସାମନ୍ତରାଜାଲ୍ ହେରୋଦ୍ ନିଜେ ତାମୁଣ୍ଡ୍ ତେ ମୁତ୍ତେ ହେରୋଦ୍ ବିଷୟ ତେ ନୁ ତାନ୍ ମାଡ଼୍ତେ କାରାବ୍ ବିଷୟ ତେ ଯୋହନ୍ ତାକିଂଙ୍କ୍ ବିରୋଦ୍ ମାଡ଼୍ତଣ୍ଡ୍, 20 ଅଣ୍ଡ୍ ଅଂକିଙ୍କ୍ ଜେଲ୍ ତାଗ୍ ତୁର୍ୱି ନିଜର୍ ବାଗାତ୍ କାରାବ୍ ତଡ଼୍ ଇଦ୍ କାରାବ୍ ମିକା କାଲ୍ପ୍ତଣ୍ଡ୍ । ଜିସୁନ୍ ବାତିସ୍ମ ( ମାତିଉ ୩:୧୩-୧୭ ; ମାର୍କ ୧:୯-୧୧ ) 21 ସାରେତଡ଼୍ ନାରୁଡ଼୍ ବାପ୍ତିସ୍ମ ଆତ୍ତା ପେର୍କେ ଜିସୁ ମିକା ବାପ୍ତିସ୍ମ ହତ୍ତଣ୍ଡ୍ । ମେଣ୍ଡେ ପ୍ରାର୍ତନା ମାଡ଼ାନ୍ ୱେଲେ ସ୍ୱର୍ଗ ତେର୍ସ୍ଆତ୍ତେ, 22 ମେଣ୍ଡେ ପବିତ୍ର ଆତ୍ମା ଡିଗିୱାସ୍ ଜିସୁନ୍ ପରୁ ପାର୍ୱା ରକମ୍ ମେନ୍ଦୁଲ୍ ପୟ୍ସ୍ କୁଦ୍ତେ; ମେଣ୍ଡେ ସ୍ୱର୍ଗତାଗାଙ୍କ୍ ଇଦ୍ ଗଟ୍ନା ଆତ୍ତେ, “ନିମେ ମା ପ୍ରିୟ ମାର୍, ନିୟାଗେ ନାନେ ଗାଟି ସନ୍ତୁଷ୍ଟ ।” ଜିସୁ କ୍ରିଷ୍ଟନ୍ ବଂଶତଡ଼୍ ( ମାତିଉ ୧:୧-୧୭ ) 23 ଜିସୁ ପାଡ଼ିୟି ଆରାମ୍ ମାଡ଼ାନ୍ ୱେଲେ ଅଂକିଙ୍କ୍ ମାତର୍ ତିରିଶ୍ ହେଣ୍ଡ୍ ବୟଷ୍ ଆସ୍ ମାତ୍ତେ; ନାରୁଡ଼୍ ତେ ହାଲ୍ସାନ୍ ଲେକାମ୍ ତେ ଜିସୁ ଯୋଷେପ୍ ତେ ମାର୍; ଯୋଷେପ୍ ଏଲୀ ତେ ମାର୍, 24 ଏଲୀ ମତ୍ତାତେ ତେ ମାର୍; ମତ୍ତାତେ ଲେବୀ ତେ ମାର୍, ଲେବୀ ମଲାକୀ ତେ ମାର୍, ମଲାକୀ ଯନ୍ନୟ ତେ ମାର୍, ଯନ୍ନୟ ଯୋଷେପ୍ ତେ ମାର୍, 25 ଯୋଷେପ୍ ମତ୍ତିତ୍ୟା ତେ ମାର୍, ମତ୍ତିତ୍ୟା ଆମୋସ ତେ ମାର୍, ଆମୋସ ନାହୂମ୍ ତେ ମାର୍, ନାହୂମ୍ ହେସ୍ଲୀ ତେ ମାର୍, ହେସ୍ଲୀ ନଗୟ ତେ ମାର୍, 26 ନଗୟ ମହତ ତେ ମାର୍, ମହତ ମତ୍ତିତ୍ୟା ତେ ମାର୍, ମତ୍ତିତ୍ୟା ଶିମୟୀ ତେ ମାର୍, ଶିମୟୀ ଯୋସେକ ତେ ମାର୍, ଯୋସେକ ଯୋଦା ତେ ମାର୍, 27 ଯୋଦା ଯୋହନ୍ ତେ ମାର୍, ଯୋହନ୍ ରେଷା ତେ ମାର୍, ରେଷା ଜିରୁବବାବେଲ୍ ତେ ମାର୍, ଜିରୁବବାବେଲ୍ ଶଆଲ୍ତୀୟେ ତେ ମାର୍, ଶଆଲ୍ତୀୟେ ନେରୀ ତେ ମାର୍, 28 ନେରୀ ମଲାକୀ ତେ ମାର୍, ମଲାକୀ ଆଦ୍ଦି ତେ ମାର୍, ଅଦ୍ଦି କୋସାମ ତେ ମାର୍, କୋସାମ ଏଲ୍ମଦାନ ତେ ମାର୍, ଏଲ୍ମଦାନ ଏର ତେ ମାର୍, 29 ଏର ଯିହୋଶୂୟ ତେ ମାର୍, ଯିହୋଶୂୟ ଏଲୀୟେଜର ତେ ମାର୍, ଏଲୀୟେଜର ଯୋରୀମ ତେ ମାର୍, ଯୋରୀମ ମତ୍ତାତେ ମାର୍, ମେତୁଶେଲାତେ ଲେବୀ ତେ ମାର୍, 30 ଲେବୀ ଶିମୀୟୋନ ତେ ମାର୍, ଶିମୀୟୋନ ଯିହୂଦା ତେ ମାର୍, ଯିହୂଦା ଯୋଷେପ୍ ତେ ମାର୍, ଯୋଷେପ୍ ଯୋନାମ ତେ ମାର୍, ଯୋନାମ ଏଲୀୟାକୀମ ତେ ମାର୍, 31 ଏଲୀୟାକୀମ ମଲାହ ତେ ମାର୍, ମଲାହ ମନ୍ନା ତେ ମାର୍, ମନ୍ନା ମତ୍ତଥାତେ ତେ ମାର୍, ମତ୍ତଥାତେ ନାତ୍ନ ତେ ମାର୍, ନାତ୍ନ ଦାଉଦ୍ ତେ ମାର୍, 32 ଦାଉଦ୍ ଯେଶୀତେ ମାର୍, ଯିଶାୟ ଓବେଦ ତେ ମାର୍, ଓବେଦ ବୋୟଜ ତେ ମାର୍, ବୋୟଜ ଶେଲହ ତେ ମାର୍, ଶେଲହ ନହଶୋନ ତେ ମାର୍, 33 ନହଶୋନ ଅମିନାଦାବ୍ ତେ ମାର୍, ଅମିନାଦାବ ଆଦ୍ମୀନ ତେ ମାର୍, ଆଦ୍ମୀନ ଆର୍ଣ୍ଣୀ ତେ ମାର୍, ଆର୍ଣ୍ଣୀ ହେସ୍ରୋଣ ତେ ମାର୍, ହେସ୍ରୋଣ; ମାଲ୍ପିତେ ମାର୍, ମାଲ୍ତେ ଯିହୁଦା ତେ ମାର୍, 34 ଯିହୁଦା ଯାକୁବ୍ ତେ ମାର୍, ଯାକୁବ୍ ଇସ୍ହାକ ତେ ମାର୍, ଇସ୍ହାକ ଅବ୍ରାହାମ୍ ତେ ମାର୍, ଅବ୍ରାହାମ୍ ତେରହ ତେ ମାର୍, ତେରହ ନାହୋର୍ ତେ ମାର୍, 35 ନହୋର୍ ସେରଗ୍ତେ ମାର୍, ସେରଗ୍ତେ ମାର୍, ରେଉ ପେଲେଗ୍ତେ ମାର୍, ପେଲେଗ୍ ଏବର୍ତେ ମାର୍, ଏବର୍ ଶେଲାଙ୍କତେ ମାର୍, 36 ଶେଲା କେଇନାନ୍ତେ ମାର୍, କେଇନାନ୍ ଆର୍ପାକ୍ସଡ଼ତେ ମାର୍, ଆର୍ପାକ୍ସଡ଼ ଶେମ୍ତେ ମାର୍, ଶେମ୍ ନୋହତେ ମାର୍, ନୋହ ଲାମେକ୍ତେ ମାର୍, 37 ଲାମେକ୍ ମେତୁଶେଲାତେ ମାର୍, ମେତୁଶେଲା ଅନୋକତେ ମାର୍, ହନୋକ୍ ଯାରେଦନ୍ତେ ମାର୍, ଯାରେଦ ମହାଲାଲୀଲ୍ତେ ମାର୍, ମହାଲାଲୀଲ୍ କେନାନ୍ତେ ମାର୍ । 38 କେନାନ୍ ଏନୋଶତେ ମାର୍, ଏନୋଶ ଶେତ୍ତେ ମାର୍, ଶେତ୍ ଆଦମ୍ତେ ମାର୍, ଆଦମ୍ ଇଶ୍ୱରତେ ମାର୍ । |
The New Testament in Koya Language © The Word for the World International and Koya Translation Samithi, Malkangiri, Odisha 2020