Yoane 2 - Le Nouveau Testament en Kikwango 1950

Makwela mu Kana ye kidimbu ya ntete

¹ Bu bilumbu tatu lutaka, makwela vandaka mu Kana ya Ngalili; ngudi ya Yesu vandaka kuna.

² Bau bingaka Yesu mpe ye banlonguki ya yandi ku makwela.

³ Bu vinia manaka, ngudi ya Yesu tubaka kwa yandi: Bau ikele na vinia ve.

⁴ Yesu tubaka kwa yandi: Nkento, mono ikele na nge mambu nki ? Lokula ya mono imene kwiza ntete ve.

⁵ Ngudi ya yandi tubaka kwa basielo: Konso nki ya yandi tuba kwa beno, sala yo.

⁶ Sambu na kuna vandaka mabungu sambanu ya masa ya salwa na matadi, yau ikele kutulwa sambu na kifu ya mvedolo ya baYuda, dibungu tezwa litre makumi uvwa, dibungu litre makumi uvwa.

⁷ Yesu tubaka kwa bau: Beno fulusa mabungu na masa. Bau fulusaka yau ti na monoko.

⁸ Yandi tubaka kwa bau: Beno baka ntangu yai, ye nata kwa mbuta ya fete. Bau nataka yo.

⁹ Bu mbuta ya fete ya makwela mekaka masa ya kitukaka vinia, yandi zabaka ve wapi yo katukaka, kansi basielo ya nataka masa zabaka, mbuta ya fete ya makwela bingaka toko ya makwela,

¹⁰ yandi tubaka kwa yandi: Bantu yonso ikele kutula ntete vinia ya mbote, bu bau imene kunwa mingi, nanima bau tula vinia yina ya mbi. Kansi nge imene kubika vinia ya mbote ti ntangu yai.

¹¹ Yai ikele luyantiku ya bidimbu yina ya Yesu salaka mu Kana mu Ngalili, yo monikisaka nkembo ya yandi; banlonguki ya yandi kwikilaka yandi.

¹² Landa mambu yai, yandi kulumukaka ku Kapenaumi, yandi kibeni, ye ngudi ya yandi, ye bampangi ya yandi, ye banlonguki ya yandi; bau vandaka muna bilumbu mingi ve.

Yesu kwenda ku Yelusalemi, yandi sukula tempelo

¹³ Pake ya baYuda vandaka mfinama, ye Yesu tombokaka ku Yelusalemi.

¹⁴ Mu tempelo yandi monaka bateki ya bangombe ye mameme ye mayembe, ye basompisi ya mbongo vandaka muna.

¹⁵ Bu yandi imene kusala nsinga, yandi kulaka bantu yonso mu tempelo ye mameme ye bangombe, yandi tiamunaka mbongo ya basompisi, yandi nengunaka meza ya bau, Mat. 21:12; Mal. 11:15; Luk. 19:45

¹⁶ yandi tubaka kwa bateki ya mayembe: Beno katula bima yai awa. Kitula nzo ya Tata ya mono nzo ya zandu ve.

¹⁷ Banlonguki ya yandi bambukaka, na yo sonama: Luzolo ya nzo ya nge takudia mono.

¹⁸ Buna baYuda vutulaka ye tubaka kwa yandi: Nki kidimbu ya nge ikele kusonga beto, sambu na nge sala mambu yai ? Mat. 12:38; 16:1; Yoa. 6:30

¹⁹ Yesu vutulaka ye tubaka kwa bau: Kufwa tempelo yai, mu bilumbu tatu mono tatelemisa yo. Mat. 26:61; 27:40; Mal. 14:58; 15:29

²⁰ Buna baYuda tubaka: Mvu makumi iya ye sambanu tempelo yai tungwaka. Nge tatelemisa yo mu bilumbu tatu ?

²¹ Kansi yandi tubaka sambu na tempelo ya nitu ya yandi.

²² Sambu na yai bu yandi fulukiswaka tuka bafwa, banlonguki ya yandi bambukaka, na yandi tubaka, bau kwikilaka masonukwa, ye mambu ya Yesu tubaka. Luk. 24:8

²³ Bu yandi vandaka mu Yelusalemi na kilumbu ya fete ya Pake, mingi kwikilaka mu nkumbu ya yandi, bu bau monaka bidimbu ya yandi salaka.

²⁴ Kansi Yesu kibeni ditulaka ve mu maboko ya bau, kadi na yandi zabaka bantu yonso.

²⁵ Yandi vandaka na nsatu ve, na muntu tuba kitemo sambu na muntu, kadi yandi kibeni zabaka mambu yonso ya ikele mu muntu. Yoa. 6:24; Nzai. 2:23