Malako 7 - Le Nouveau Testament en Kikwango 1950

Yesu longa mambu ya bafalisi ye bansoniki

¹ Buna bafalisi kutakanaka kwa yandi, ye bansoniki yankaka ya katu ka ka tuka Yelusalemi. Mat. 15:1

² Bu bau monaka bankaka ya banlonguki ya yandi ikele kudia mampa na maboko ya sumuka, yo ikele maboko ya sukula ve.

³ Kadi bafalisi ye baYuda yonso kudiaka ve, ntete bau sukulaka maboko mbala na mbala, bau lundaka bansiku nkulu ya bambuta.

⁴ Bu bau basika tuka zandu, kana bau kudisukula ve, bau kudia ve. Mambu yankaka mingi bau baka ka ye lundaka, bonso kusukula ya bakopo ye banzungu ye malonga ya mitaku.

⁵ Bafalisi ye bansoniki yuvulaka yandi: Sambu na nki banlonguki ya nge ikele kutambula ve mu nsiku nkulu ya bambuta, kansi bau ikele kudia na maboko ya sumuka ?

⁶ Kansi yandi tubaka kwa bau: Yesaya bikulaka mbote sambu na beno bantu ya luvunu, bonso yo ikele kusonama: Bantu yai ikele kuzitisa mono na bikoba ya bau, kansi ntima ya bau ikele ntama. Yes. 29:13

⁷ Bau ikele kusambila mono mpamba, bu bau ikele kulonga malongi ya ikele nsikudukusu ya bantu. 1 Kol. 2:13; Tit. 1:14

⁸ Beno ikele kubika nsikudukusu ya Nzambi, ye simba nsikudukusu ya bantu.

⁹ Yandi tubaka kwa bau: Mpilayai beno ikele kubuya nsikudukusu ya Nzambi, na beno lenda kulunda nsiku nkulu ya beno.

¹⁰ Kadi Mose tubaka: Zitisa tata ya nge ye ngudi ya nge, ye konsomuntu ya kutuba mambu mbi kwa tata keti ngudi, kufwa yandi takufwa. 5 Mose 5:6; Ef. 6:2; 3 Mose 20:9; Bing. 20:20; 2 Mose 20:12; 21:17

¹¹ Kansi beno ikele kutuba: Kana muntu tuba kwa tata ya yandi keti kwa ngudi ya yandi Korban—ikele nkailu kwa Nzambi—yo ikele kima ya nge zola kubaka ya mono,

¹² bu na beno pesa yandi nzila diaka ve, sambu na kusadisa tata ya yandi keti ngudi ya yandi;

¹³ beno ikele kusala mambu ya Nzambi mpamba sambu na nsiku ya nkulu ya beno, ya beno ikele kulonga. Beno ikele kusala mambu mingi mpilayai.

¹⁴ Bu yandi imene kubinga kibuka kwa yandi diaka, yandi tubaka kwa bau: Beno kuwa mono beno yonso, ye zaba.

¹⁵ Bima ikele ve nanganda na muntu ya kota mu yandi, ya lenda kusumuna yandi; kansi bima ya basika na muntu ikele kusumuna muntu. Tit. 1:13

¹⁶ Kana muntu ikele na makutu ya kuwa, bika yandi kuwa.

Banlonguki ya yandi yuvula yandi sambu na bingana

¹⁷ Bu yandi imene kubika kibuka ye kota mu nzo, banlonguki ya yandi yuvulaka yandi sambu na kingana yina.

¹⁸ Yandi tubaka kwa bau: Buna beno mpe konda ngangu ? Beno zaba ve, bima ya ikele nanganda, kana yo kota mu muntu, yo lenda kusumuna yandi ve,

¹⁹ Kadi yo ikele kukota mu ntima ya yandi ve, kansi mu divumu ye loswa; sambu na yai madia yonso ikele mbote.

²⁰ Kansi yandi tubaka: Mambu ya basika na muntu, yina ikele kusumuna muntu.

²¹ Kadi nakati na ntima ya bantu ikele kubasika mabanza mbi, bizumba ya bantu makwela, bwivi, kufwa bantu. 1 Mose 6:5; 8:21; Yel. 17:9

²² Mambu ya kufwa makwela, zola ya bima, mambu ya mbi, luvunu, nsatu ya mambu ya mbi, kimpala, tuba ya mbi, lulendo, bunzoba.

²³ Mambu yai yonso ya mbi ikele kubasika na ntima ya muntu, ya ikele kusumuna muntu.

Yesu sadisa nkento ya Kanana

²⁴ Yesu katukaka kuna ye kwendaka ndambu ya Tilo ye Sidoni, ye kotaka mu nzo, yandi zolaka ve muntu mosi zaba yo, kansi yandi lendaka ve kusweka. Mat. 15:21

²⁵ Kansi nkento mosi vandaka na mwana nkento ya bakama na mpeve ya sumuka, bu yandi kuwaka nsangu ya yandi, yandi kwizaka kufukama na makulu ya yandi.

²⁶ Nkento yina ikele muntu ya Elene ya kikanda ya baSiliaFenike, yandi bombidilaka Yesu kubasisa mpeve mbi tuka mwana nkento ya yandi.

²⁷ Kansi Yesu tubaka kwa yandi: Bika bana yukuta ntete, kadi yo ikele mbote ve kubaka mampa ya bana ye kulosa yo ku bambwa.

²⁸ Nkento vutulaka ye tubaka kwa yandi: E, Mfumu, kansi bambwa mpe nansi ya mesa ikele kudia bitini ya mampa ya bana ya kubwa va ntoto.

²⁹ Yandi tubaka kwa yandi: Sambu na mambu yai, kwenda. Mpeve mbi imene kubasika na mwana ya nge.

³⁰ Ye yandi kwendaka ku nzo ya yandi, ye monaka mwana ikele kulala va mbeto ye mpeve mbi imene kubasika.

Yesu belula muntu Ya vandaka baba ye makutu ya kulwa

³¹ Bu yandi katu ka ka diaka mu ndambu ya Tilo, yandi lutaka mu Sidoni, ye yandi kwizaka ku mbu ya Ngalili, nakati na ndambu ya Dekapoli. Mat. 15:29

³² Bau twalaka kwa yandi muntu ya makutu ya kufwa ye yandi vandaka na lukaku ya kutuba, bau bombidilaka Yesu kutula yandi maboko.

³³ Yandi katulaka yandi nakati na kibuka, yandi tulaka musapi mu makutu ya yandi, ye losaka mate ye valakanaka ludimi ya yandi. Mal. 8:23; Yoa. 9:6

³⁴ Yandi talaka ku zulu ye vumukaka ye tubaka kwa yandi: Efata, yo ikele mpilamosi: Kanguka.

³⁵ Nswalu makutu ya yandi kangukaka ye nsinga ya ludimi kangukaka mpe ye yandi tubaka mbote.

³⁶ Yandi sikidikisaka bau kutuba mambu yai kwa muntu ve, kansi bu yandi luta kusikidikisa bau, bau lutaka kusamuna yo ?

³⁷ Bau yitukaka mingi, kutuba: Yandi sala mambu yonso mbote; yandi kuwisa bantu ya makutu ya kufwa ye tubisa bababa.