Malako 16 - Le Nouveau Testament en Kikwango 1950

Bankento kwenda ku ndiamu

¹ Bu kilumbu ya luvundu imene kuluta, Malia mwisi Mangadala, ye Malia ngudi ya Yakobi, ye Salome sumbaka bima ya nsunga ya mbote, na bau lenda kwenda kusita yandi. Yoa. 20:1; Mat. 28:1; Luk. 24:1

² Suka yonso mu kilumbu ya ntete ya lumingu bau kwizaka ku ndiamu, bu ntangu imene kubasika.

³ Bau tubanaka: Nani tanengumunina beto ditadi tuka mwelo ya ndiamu ?

⁴ Kansi bu bau talaka, bau monaka ditadi dinengumuna, kadi yo vandaka kuluta nene.

⁵ Bu bau kotaka mu ndiamu, bau monaka muntu vanda na diboko kibakala, ya vwata lele ya nda ya mpembe; ye bau yitukaka.

⁶ Yandi tubaka kwa bau: Yituka ve. Beno sosa Yesu mwisi Nazaleti, ya bau komaka va kulunsi. Yandi imene kufulukiswa, yandi ikele awa ve, tala sika ya bau tulaka yandi.

⁷ Kansi kwenda kutuba kwa banlonguki ya yandi ye Petelo, yandi ikele kwenda nantwala na beno ku Ngalili. Kuna beno tamona yandi, bonso yandi tubaka kwa beno. Mal. 14:28; Bis. 1:3; 13:31; 1 Kol. 15:5

⁸ Ye bau basikaka nswalu, ye tinaka tuka ndiamu, kadi boma ye zakama kubwilaka bau. Bau tubaka ndinga kwa muntu ve, kadi bau vandaka na boma.

Yesu monikaka kwa Malia mwisi Mangadala

⁹ Bu Yesu fulukiswa na suka mu kilumbu ya ntete ya lumingu, yandi monikaka ntete kwa Malia mwisi Mangadala, tuka yandi, yandi basisaka bampeve mbi nsambwadi. Yoa. 20:14

¹⁰ Yandi kwendaka kutuba kwa bau ya vandaka na yandi, bu bau vanda na ntantu ye kudila.

¹¹ Bu bau kuwaka, yandi ikele na moyo ye yandi imene kumonika kwa yandi, bau kwikilaka ve.

Yesu kumonika kwa banlonguki zole

¹² Kulanda mambu yai, yandi monikaka mutindu yankaka kwa zole ya bau, bu bau tambulaka mu nsi. Luk. 24:13

¹³ Bau mpe kwendaka kutuba yo kwa bau ya bikaka, kansi bau mpe kwikilaka ve, Yesu monika kwa banlonguki kumi ye mosi

¹⁴ Nanima yandi monikaka kwa kumi ye mosi, bu bau vandaka na meza; ya ndisemaka bau sambu na konda lukwikilu ya bau ye ngolo ya ntima ya bau, sambu na bau kwikilaka ve bau ya monaka yandi, bu yandi imene kufulukiswa. Luk. 24:36; Yoa. 20:19; 1 Kol. 15:7

¹⁵ Yandi tubaka kwa bau: Beno kwenda ku nsi yonso, ye samuna nsamu mbote kwa nsemono yamvimba. Mat. 28:19

¹⁶ Konsonani ya kwikila ye botikwa, tavuluswa, kansi ya kwikila ve, tabediswa. Yoa. 3:18

¹⁷ Ye bidimbu yai talanda bau ya kwikila. Mu nkumbu ya mono bau tabasisa bampeve mbi, bau tatuba mu tudimi yampa. Luk. 10:17; Bis. 5:16; 8:7; 16:18

¹⁸ Bau tanangula banioka ye kana bau kunwa bima ya lenda kufwa bau, yo tasala bau mbi ta fioti ve, bau tatula maboko va bambevo, ye bau tabeluka. Yandi kwenda mu zulu

¹⁹ Buna bu Mfumu Yesu imene kutuba kwa bau, yandi bakwaka ku zulu, ye vandaka na diboko kibakala ya Nzambi. Luk. 24:50

²⁰ Bau kwendaka ye samunaka sika yonso, ye Mfumu salaka sikamosi na bau, ye siamisaka mambu mu bidimbu ya landila yau. Amen. Bis. 14:3; Eb. 2:4