Malako 10 - Le Nouveau Testament en Kikwango 1950

Nsiku ya makwela

¹ Yesu katukaka ku na ye kwizaka mu ndambu ya Yuda ku simu ya Yodani; kibuka kutakanaka kwa yandi, ye yandi longaka bau bonso yo vandaka kifu ya yandi. Mat. 19:1

² Bafalisi kwizaka kwa yandi, ye yuvulaka yandi, kupukumuna yandi: Nsiku pesa nzila na bakala kubika nkento ya yandi ?

³ Yandi vutulaka ye tubaka kwa bau: Mose pesaka beno nsiku nki ?

⁴ Bau tubaka: Mose ndimaka na bau sonika nkanda ya kufwa makwela ye bika nkento. 5 Mose 24:1; Mat. 5:31

⁵ Kansi Yesu tubaka kwa bau: Sambu na ngolo ya ntima ya beno yandi sonikaka nsikudukusu yai.

⁶ Kansi tuka luyantiku ya nsemono, Nzambi salaka bakala ye nkento. 1 Mose 1:27; 5:2

⁷ Sambu na yai muntu tabika tata ye ngudi ya yandi ye vanda na nkento ya yandi, 1 Mose 2:24

⁸ bau zole tavanda nsuni mosi, sambu na yai bau ikele zole ve kansi nsuni mosi.

⁹ Mpilayai yina ya Nzambi imene kubunda sikamosi, bika muntu pasula yo ve.

¹⁰ Bu bau ikele mu nzo, banlonguki yuvulaka yandi diaka sambu na mambu yina.

¹¹ Yandi tubaka kwa bau: Konsonani ya bika nkento ya yandi ye kwela na nkento yankaka, yandi ikele kusala bizumba kwa yandi. Luk. 16:18; 1 Kol. 7:10

¹² Kana nkento bika bakala ya yandi ye kwela na bakala yankaka, yandi ikele kusala bizumba. Mat. 21:18

Yesu sakumuna bana

¹³ Bau twalaka bana fioti kwa Yesu na yandi tavalakana bau; banlonguki ya yandi sembaka bau ya twalaka bana. Mat. 19:13; Luk. 18:15

¹⁴ Kansi bu Yesu monaka yo, yandi vandaka na makasi ye tubaka kwa bau: Bika bana fioti kwiza kwa mono, ye buya bau ve kadi kimfumu ya Nzambi ikele kwa bau ya mpilayai.

¹⁵ Kieleka mono tuba kwa beno: Konsonani ya baka kimfumu ya Nzambi ve bonso mwana fioti, yandi takota mu yo ta fioti ve;

¹⁶ yandi bakaka bau mu maboko ya yandi ye tulaka bau maboko ye sakumunaka bau. Mal. 9:36

Yesu longa muntu ya mvwama

¹⁷ Bu yandi ikele kwenda mu nzila, muntu kwizaka kwa yandi ntinu ye fukamaka va makungunu kwa yandi, ye yuvulaka yandi: Nlongi ya mbote, mono tasala nki kubaka moyo ya mvu ya mvu ? Mat. 19:16; Luk. 18:18

¹⁸ Yesu tubaka kwa yandi: Sambu na nki nge binga mono ya mbote, mosi kaka ikele ya mbote, yandi Nzambi.

¹⁹ Nge zaba bansikudukusu: Kufwa muntu ve, sala bizumba ve, yiba ve, tuba kitemo ya luvunu ve, botola kima ya muntu ve, zitisa tata ya nge ye ngudi ya nge. 2 Mose 20:12; 5 Mose 5:16

²⁰ Yandi tubaka kwa yandi: Nlongi, mambu yai yonso mono imene kukeba yo, tuka kinleke ya mono.

²¹ Yesu talaka yandi ye zolaka yandi ye tubaka kwa yandi: Nge konda kima mosi, kwenda kuteka bima yonso ya nge ye pesa kwa bansukami, ye nge tavanda na kimvwama mu zulu, ye kwiza kula, nda mono. Mat. 6:20; Luk. 12:33

²² Yandi vandaka na ntantu mingi sambu na mambu yina, ye yandi kwendaka na ntantu, kadi yandi vandaka na bima mingi.

Bamvwama ikele kumona mpasi kukota mu kimfumu Ya Nzambi

²³ Yesu talaka ndambu yonso ye tubaka kwa banlonguki ya yandi: Ikele mpasi mingi na bau ya ikele na bimvwama kukota mu kimfumu ya Nzambi. Mat. 19:23; Luk. 18:24

²⁴ Banlonguki yitukwaka sambu na mambu ya yandi, kansi Yesu vutulaka diaka ve tubaka kwa bau: Bana, yo ikele mpasi mingi kwa bau ya tula vuvu mu bimvwama kukota mu kimfumu ya Nzambi. Nk. 62:10; Bing. 11:28; 1 Tim. 6:17

²⁵ Na mbizi yanene kamela kuluta mu disu ya sindani ikele mpa, si mingi, kansi nkwa kimvwama kukota mu kimfumu ya Nzambi luta mpasi.

²⁶ Bau yitukwaka mingi ye tubanaka: Buna nani lenda kuvuluswa ?

²⁷ Yesu talaka bau ye tubaka: Kwa bantu yo lenda ve, kansi kwa Nzambi, kadi kwa Nzambi mambu yonso lenda. Yel. 32:17; Zak. 8:6; Luk. 1:37

Lufutu ya bantu ya landa Yesu

²⁸ Buna Petelo yantikaka kutuba kwa yandi: Tala, beto imene kubika yonso ye imene kulanda nge. Mat. 19:27; Luk. 18:28

²⁹ Yesu tubaka: Kieleka, mono tuba kwa beno: Muntu ikele ve ya bika nzo, keti bampangi, keti bampangi bankento, keti ngudi, keti tata, keti bana keti bilanga ya yandi sambu na mono ye sambu na nsamu mbote,

³⁰ kansi yandi tabaka nkama nkama mu ntangu yai, banzo, bampangi, bampangi bankento, bangudi, bana ye bilanga sikamosi na nsomono, ye mu ntangu ya kwiza moyo ya mvu ya mvu.

³¹ Kansi mingi ya ikele nantwala tavanda nanima, ye bau ye ikele nanima tavanda nantwala.

Yesu songa lufwa ya yandi

³² Bu bau vandaka mu nzila ya tomboka ku Yelusalemi, Yesu lutaka nantwala na bau, bau yitukwaka ye bau ya landaka nanima vandaka na boma. Yandi bakaka kumi ye zole diaka ye yantikaka kutuba kwa bau mambu ya takwiza kwa yandi. Mat. 20:17; Luk. 18:31

³³ Tala, beto ikele kutomboka ku Yelusalemi ye Mwana ya muntu tayekulwa kwa bambuta banganga ve bansoniki, ye bau tabedisa yandi ku lufwa ye yekula yandi kwa bapaien.

³⁴ Bau taseka yandi ye losa yandi mate ye bula yandi ye kufwa yandi, kilumbu ya tatu yandi tafulukiswa diaka.

Yakobi ye Yoane lomba sika ya ntete mu kimfumu ya Nzambi

³⁵ Yakobi ye Yoane bana ya Zebedai kwizaka mfinama ku yandi, kutuba kwa yandi: Nlongi, beto zola nge sadila beto mambu yonso ya beto talomba na nge. Mat. 20:20

³⁶ Kansi yandi tubaka kwa bau: Nki beno zola mono sadila beno ?

³⁷ Bau tubaka kwa yandi: Pesa beto nzila kuvanda mosi na diboko kibakala ya nge ye mosi na diboko kinkento ya nge mu nkembo ya nge.

³⁸ Kansi Yesu tubaka kwa bau: Beno zaba ve mambu ya beno ikele kulomba, beno lenda kunwa kopo ya mono kunwa ye botikwa na mbotika ya mono botikwaka ? Mat. 26:39, 42; Yoa. 18:11; Luk. 12:50

³⁹ Bau tubaka kwa yandi: Beto lenda. Yesu tubaka kwa bau: Beno takunwa kopo ya mono kunwa ye botikwa na mbotika ya mono botikwaka.

⁴⁰ Kansi kuvanda na diboko kibakala ya mono keti va diboko kinkento ya mono ikele mambu ya mono ve kupesa, kansi yo tapeswa kwa bau ya Nzambi imene kuyidikila yo.

⁴¹ Bu bau kumi kuwaka mambu yai, bau yantikaka kuvanda na makasi sambu na Yakobi ye Yoane.

⁴² Yesu bingaka bau kwa yandi yetubaka kwa bau: Beno zaba bau ya banza bau yala bapaien. Ikele kuyala bau, ye bankwa luzitu ya bau ikele na ngolo va zulu na bau. Luk. 22:25

⁴³ Kansi yo ikele mpilayai ve nakati na beno, konsonani ya beno ya zola kuvanda nene, yandi tavanda sielo ya beno. Mal. 9:36

⁴⁴ Ye konsonani ya beno ya zola kuvanda ntete, yandi tavanda mpika ya beno yonso.

⁴⁵ Kadi Mwana ya muntu kwizaka ve, na bantu sadila yandi, kansi kusadila bau ye kupesa moyo ya yandi nkudulu ya bantu mingi. Yoa. 12:14; Fili. 2:7; Ef. 1:7; Kolo. 1:14; 1 Tim. 2:6; Tit. 2:14; 1 Pet. 1:18

Yesu belula meso ya Batimai

⁴⁶ Bau kwizaka ku Yeliko. Bu yandi basika na Yeliko sikamosi na banlonguki ya yandi ye kibuka mingi, buna Batimai mulombi ya bima na meso kufwa, mwana ya Timai vandaka mfinama ku nzila. Mat. 20:29; Luk. 18:35

⁴⁷ Bu yandi kuwaka yo ikele Yesu mwisi Nazaleti, yandi yantikaka kuboka, ye kutuba: Yesu, Mwana ya Davidi, kuwila mono nkenda.

⁴⁸ Bantu mingi sembaka yandi, na yandi tavanda napi, kansi yandi lutaka kuboka: Nge Mwana ya Davidi, kuwila mono nkenda.

⁴⁹ Yesu telemaka ye tubaka: Binga yandi. Bau bingaka mpofo ye tubaka kwa yandi: Vanda na kikesa, telema; yandi ikele kubinga nge.

⁵⁰ Yandi losaka kazaku ya yandi ye telemaka ye kwizaka kwa Yesu.

⁵¹ Yesu vutulaka kwa yandi ye tubaka: Nge zola mono sadila nge nki ? Mpofo tubaka kwa yandi: Nlongi, mono zola kumona diaka.

⁵² Yesu tubaka kwa yandi: Kwenda, lukwikilu ya nge imene kuvulusa nge. Nswalu yandi monaka diaka ye landaka Yesu mu nzila. Mal. 5:34