Loma 2 - Le Nouveau Testament en Kikwango 1950

Mfundusu ikele kuvingila baYuda bonso bapaien

¹ Sambu na yai, nge muntu, ikele na mambu ya vutula ve, nge ya fundisa bantu, kadi bu nge fundisa yankaka, nge dibedisa, kadi nge ya fundisa ikele kusala mambu mutindu mosi. 2 Sam. 12:5; Mat. 7:1

² Kansi beto zaba mfundusu ya Nzambi ikele mambu ya kieleka kwa bau ya sala mambu mpilayina.

³ Kansi, nge muntu ya fundisa bantu ya sala mambu mpilayai, kansi nge sala yau mpe, nge banza nge tatina mfundusu ya Nzambi ?

⁴ Keti nge saula kimvwama ya yandi ya mbote ye ya nlembami ye ya mvibudulu, kansi nge zaba ve zola ya Nzambi, ikele kutwala nge kupindula ya mabanza. Yes. 30:18; 2 Pet. 3:9, 15

⁵ Kansi sambu na ntima ya nge ya ngolo ya konda kupinduka, nge ikele kudilundila makasi ti lumbu ya makasi ye nzaikusu ya mfundusu ya lunungu ya Nzambi. 5 Mose 32:35; Lom. 9:22

⁶ Yandi tavutula lufutu kwa muntu na muntu, bonso bisalu ya yandi. Yobi 34:11; Nk. 62:12; Yel. 17:10; Yel. 32:19; Mat. 16:27; Nzai. 22:12

⁷ Ikele moyo ya mvu ya mvu kwa bau ya sosa mu mvibudulu ye mu bisalu ya mbote, nkembo ye nzitusu ye konda mbivisu.

⁸ Kansi makasi ye ndola kwa bau ya ntu ngolo ya lemvuka ve mambu ya kieleka, kansi bau lemvuka konda ya lunungu. 2 Tes. 1:8

⁹ Mpasi ye ntantu va mwela ya konso muntu ya sala mbi, ya baYuda ntete ye ya baElene mpe. Lom. 1:16

¹⁰ Kansi nkembo ye nzitusu ye yenge kwa konso muntu ya sala mbote, kwa baYuda ntete ye kwa baElene mpe.

¹¹ Kadi Nzambi ikele kutala luse ya muntu ve. 5 Mose 10:17; 2 Lus. 19:7; Yobi 34:19; Bis. 10:34; Ngal. 2:6; Ef. 6:9; Kolo. 3:25; 1 Pet. 1:17

Bau ya ikele kusalaka nsiku, bau nungiswaka, kansi bau kuwa yau kaka ve

¹² Mingi vandaka na nsiku ve, ye bau sala masumu mu konda ya nsiku, bau takufwa mu konda ya nsiku mpe; bau yonso ya sala masumu nansi ya nsiku tafunduswa mu nsiku.

¹³ Kadi bau ya kufwa nsiku ikele lunungu ve nantwala ya Nzambi, kansi bau ya sala nsiku tanunguswa, Mat. 7:21; 1 Yoa. 3:7; Yak. 1:22

¹⁴ —kadi bapaien ya konda nsiku, bu bau sala mu kimuntu yina ya ikele mu nsiku, buna bu bau konda nsiku, bau kibeni ikele nsiku ya bau kibeni.

¹⁵ Bau ikele kusonga bisalu ya nsiku ikele kusonikwa mu mintima ya bau, kansansa ya bau songa kitemo na yo, ye mabanza ya bau ikele kufunda bau keti nungisa bau— Lom. 9:1; Eb. 9:10

¹⁶ mu kilumbu yina ya Nzambi tafundisa mambu ya kinsweki ya bantu, bonso yo ikele mu nsamu ya mbote ya mono, mu Yesu Klisto. Mat. 25:31; Lom. 16:25

¹⁷ Kansi kana nge ikele kubingwa muYuda, ye vunda mu nsiku, ye yangalala mu Nzambi, Yoa. 8:33, 41

¹⁸ ye nge zaba luzolo ya yandi, ye ndima mambu ya mbote, sambu na nge longwa mu nsiku, Fili. 1:10

¹⁹ nge ikele na lukwikilu na nge ikele ntwadisi ya bampofo, ye mwini kwa bau ya ikele mu tombe, Mat. 15:14

²⁰ nge ikele mupesi ya ngangu kwa banzoba, ye nlongi ya bana fioti, sambu na nsiku nge ikele na kifwani ya ngangu ye ya mambu ya kieleka;

²¹ sambu na yai, nge ya longa bankaka, nge dilonga ve ? Nge ya ikele kusamuna: Yiba ve, nge ikele kuyiba ? Mat. 23:1

²² Nge ya ikele kutuba: Muntu sala bizumba ve, nge ikele kusala bizumba ? Nge ya ikele na makasi ku biteki, nge ikele kuyiba batempelo ?

²³ Nge ya ikele kuyana mu nsiku, nge ikele kusaula Nzambi mu kufwa ya nsiku ?

²⁴ Kadi nkumbu ya Nzambi ikele kufingwa mu bapaien sambu na beno, bonso yo ikele kusonama. 2 Sam. 12:14; Yeh. 36:20

²⁵ Kadi nzengolo ikele kusadisa kieleka, kana nge sala nsiku, kansi kana nge ikele mufwi ya nsiku, buna nzengolo ya nge imene kwiza mpamba. 1 Kol. 7:19

²⁶ Mpilayina, kana muntu ya konda nzengolo keba mambu ya nsiku, konda nzengolo ya yandi ikele tangwa nzengolo.

²⁷ Yandi ya konda nzengolo mu kimuntu ye ikele kusala nsiku, yandi tafundisa nge ya ikele na bisoni ya nsiku ye nzengolo, kansi ikele kufwa nsiku.

²⁸ Kadi yandi ikele muYuda ve ya monika mpilayina, mpe yo ikele ya nzengolo ve ya monika mpilayina mu nsuni; Yoa. 8:39; Ngal. 6:15

²⁹ kansi yandi ikele muYuda ya ikele mpilayina mu ntima, ye nzengolo ikele yina ya ntima mu mpeve, mu bisoni ve; nsikulu ya yandi katuka na bantu ve kansi ya Nzambi. Bis. 7:51; Kolo. 2:11; Fili. 3:2; 1 Pet. 3:4