Filipi 1 - Le Nouveau Testament en Kikwango 1950

Luyantiku

¹ Paulu ye Timoteo, bampika ya Klisto Yesu, fidisa mbote kwa banlongo yonso mu Klisto Yesu ya ikele mu Filipi ye minkengi ye basielo.

² Bika nlemvo vanda na beno ye yenge tuka Nzambi, Tata ya beto, ye Mfumu Yesu Klisto.

Matondo ye lombilu ya Paulu sambu na Bafilipo

³ Mono ikele kupesa matondo kwa Nzambi ya mono ntangu yonso ya mono ikele kubambuka beno Lom. 1:9; 1 Kol. 1:4; Ef. 1:16; Kolo. 1:3; 1 Tes. 1:2; File. 4

⁴ Ntangu yonso, mu lombilu ya mono yonso, mono ikele kulomba sambu na beno mu kiese,

⁵ sambu na kintuadi ya beno mu nsamunu ya nsamu mbote tuka kilumbu ya ntete ti ntangu yai.

⁶ Sambu na mambu yai, mono ikele na vuvu ya kwikama, na yandi ya yantikaka kisalu ya mbote mu beno talungisa yo ti kilumbu ya Yesu Klisto. 1 Kol. 1:8

⁷ Yo lunga na mono kuvanda na mabanza ya mpilayai sambu na beno yonso, sambu na mono ikele na beno mu ntima ya mono, mu minyololo ya mono ye mu kutuba ye mu kusiamisa ya nsamu mbote, beno yonso ikele na mono kintuadi na nlemvo ya peswaka kwa mono. 2 Kol. 7:3

⁸ Kadi Nzambi ikele ntemo ya mono, bonso mono zolaka beno yonso mu zola ya Klisto Yesu. Lom. 1:9

⁹ Mono lomba yai, na zola ya beno lenda kuluta ye kwiza mingi mu nzailu ye kutendula ya mambu yonso,

¹⁰ na beno lenda kuzaba mambu yonso ya lunga, ye beno lenda kuvanda ya vedila ye konda tesisa sakuba ti kilumbu ya Klisto, Lom. 12:2; 1 Kol. 10:32

¹¹ beno fuluka na mabundu ya lunungu, ya ikele mu Yesu Klisto mu nkembolo ye nsikulu ya Nzambi. Mat. 5:16; Yoa. 15:8; Ef. 1:12; 3:19; 5:9

Paulu songa mambu ya bwilaka yandi

¹² Bampangi, mono zola beno zaba mambu ya bwilaka mono lutaka kumwangisa nsamu mbote,

¹³ mpilayina minyololo ya mono mu Klisto imene kumonika mu kibuka yamvimba ya basoldat ye kwa bankaka yonso,

¹⁴ sambu na yai, bampangi mingi mu Mfumu, bu bau tulaka vuvu sambu na minyololo ya mono, bau tulaka kikesa ngolo kutuba mambu ya Nzambi na kutita ve.

¹⁵ Kieleka bankaka ikele kusamuna Klisto mu kimpala ye mu ntembe, kansi bankaka mpe na luzolo ya mbote.

¹⁶ Bayai samuna mu zola, bu bau zaba mono tulwaka sambu na kutuba nsamu mbote.

¹⁷ Bankaka mu ntembe ikele kusamuna Klisto, mu kieleka ve, bu bau ikele kubanza kumonisa mono mpasi mu minyololo ya mono.

¹⁸ Buna nki ? Kana mu luvunu keti mu kieleka, Klisto ikele kusamunwa, mu mambu yai mono ikele kuyangalala. Mono tayangalala mpe.

¹⁹ Kadi mono zaba, yai takituka ku mpulusu ya mono mu lombilu ya beno ye lusadusu ya Mpeve ya Yesu Klisto. 2 Kol. 1:11

²⁰ Kadi mono ikele kuvingila, ye ikele na vuvu ya ngolo, mono takuwa nsoni ve mu konso kima, kansi mu ntangu yai mpe, bonso mu ntangu yonso mu kikesa yonso Klisto takembiswa mu nitu ya mono keti mu moyo keti mu lufwa.

²¹ Kadi, Klisto ikele moyo ya mono, ye lufwa ikele ndandu. Lom. 14:7; Ngal. 2:20; Kolo. 3:4

²² Kana kuvanda na moyo mu nsuni ikele kabu ya mono, yai ikele mabundu mu kisalu ya mono, nki mono tasala mono zaba ve.

²³ Kadi mambu yai zole ikele kufietikisa mono, mono tonda kwenda ye vanda na Klisto, kadi yai luta mbote mingi. 2 Kol. 5:8; 2 Tim. 4:6

²⁴ Kansi kuvanda mu nsuni luta kusadisa beno.

²⁵ Kansi mono ikele na vuvu yai, mono zaba mono tavanda ye sala sikamosi na beno, na beno takula mu kiese ye lukwikilu,

²⁶ na luyanu ya beno taluta mu Klisto Yesu, sambu na mono ikele na beno diaka.

Paulu songa kutambula ya longa

²⁷ Beno vanda ya lunga mu nsamu mbote ya Klisto, kana mono kwiza kutala beno keti mono kwiza ve, mono lenda kuwa beno ikele kutelema ngolo mu mpeve mosi ye kunwana mu mwela mosi, sambu na lukwikilu ya nsamu mbote. Bis. 4:32; Ef. 4:1; Kolo. 1:10; 1 Tes. 2:12

²⁸ Beno tita tafioti ve sambu na bambeni, yo ikele kidimbu ya mpasi ya takwiza kwa bau, kansi ikele mpulusu kwa beno, yai katuka na Nzambi.

²⁹ Kadi beno peswaka nlemvo kukwikila mu Klisto kaka ve, kansi kumoniswa mpasi sambu na yandi mpe, Bis. 5:41; Lom. 5:3

³⁰ bu beno ikele na ndwanunu mutindu mosi, ya beno monaka mu mono, ye ya beno kuwa ntangu yai ikele na mono.