Ebeleo 13 - Le Nouveau Testament en Kikwango 1950

Malongi ya mutindu ye mutindu

¹ Bika zola ya bampangi vanda ntangu yonso. Lom. 12:10; 1 Pet. 1:22; 1 Yoa. 2:10; 3:10, 14; 4:20

² Beno vila ve kusonga zola kwa banzenza, kadi mu yo, bankaka imene kusadila banjo, bu bau kondaka kuzaba bau. 1 Mose 18:1; Lom. 12:13; 1 Pet. 4:9

³ Beno bambuka bau ya ikele mu minyololo, bonso beno ikele kukangwa sikamosi na bau. Bambuka bau ya moniswa mpasi, bonso beno mpe ikele mpasi mu nitu ya beno. Lom. 12:15

⁴ Bika makwela kuzitiswa kwa bantu yonso, bika fulu ya makwela lundwa kukondwa kusumuka, kansi Nzambi tafundisa bankwa bizumba ye bafwi ya nlongo.

⁵ Beno vanda na zola ya mbongo ve, vanda matondo sambu na yina ya ikele na beno, kadi yandi kibeni tubaka: Mono lenda kubika nge ta mbala mosi ve, mono tabika nge mu kinsona ve. 1 Mose 28:15; 5 Mose 31:6; Yos. 1:5; Mat. 6:25, 34; 1 Tim. 6:6

⁶ Mpilayai, beto lenda kutuba mu kikesa ya mbote: Mfumu ikele nsadisi ya mono, mono tavanda na boma ve, muntu tasala mono nki ? Nk. 56:4, 11; 118:6

⁷ Bambuka bau ya ikele ntuadisi ya beno, ya longaka beno mambu ya Nzambi, ya banza sambu na moyo ya bau, ye kufwanana lukwikilu ya bau.

⁸ Yesu Klisto ikele mutindu mosi mazono ye bubu ye mvu ya mvu.

⁹ Beno vengumunwa ve na malongi ya mpila mu mpila ye ya nzenza, kadi yo ikele mbote kana ntima sikidikiswa mu nlemvo, kansi mu madia ve, ya sadisaka bau ve ya salaka na yo. Lom. 14:17

¹⁰ Beto ikele na zikwa, ye bau ya salaka mu nzo ya lele lendaka ve kudia ve yo.

¹¹ Kadi bambizi, ya nganga nene ikele kupesa menga ya bau sambu na masumu mu kinlongo, nitu ya bau ikele kuyokwa nanganda ya kikuminu. 3 Mose 16:27

¹² Mpilayai Yesu mpe moniswaka mpasi nanganda ya mwelo ya bwala, sambu na kutula beto nlongo mu menga ya yandi. 3 Mose 4:12; 24:14; Mat. 27:32; Yoa. 19:17

¹³ Buna bika beto basika kwa yandi nanganda ya kikuminu, ye nata kusaula ya yandi.

¹⁴ Kadi awa beto ikele na mbanza ya mvu ya mvu ve, kansi beto ikele kusosa yina ya ikele kwiza. Fili. 3:20; Eb. 11:10, 16

¹⁵ Mpilayai, mu yandi, bika beto pesa nkailu ya nsikulu ntangu yonso, yo ikele mabundu ya bikoba, ya ikele kutuba kitemo kwa nkumbu ya yandi. 3 Mose 7:12; Nk. 50:14, 23; 51:17; 54:6; Hos. 14:2; Ef. 5:20; 1 Pet. 5:2

¹⁶ Kansi vila ve kusala mbote ye kukaba, kadi Nzambi ikele kuzola nkailu ya mpilayai. Lom. 12:13; Fili. 4:18

¹⁷ Beno lemvuka kwa bantwadisi ya beno, beno dipesa kwa bau, sambu na bau ikele kukenga miela ya beno, mpilamosi bau fwiti kupesa lutangu ya yau, na bau lenda kusala yo na kiese ye na ntantu ve, kadi yina ikele na mfunu kwa beno ve. Yel. 3:18; 33:2; Fili. 2:29

¹⁸ Lombila beto, kadi beto kwikidiswa beto ikele na kansansa ya mbote, beto zola kuvanda na bifu ya mbote mu mambu yonso. Bis. 24:16

¹⁹ Mono luta kubombidila beno kusala mambu yai, na mono lenda kuvutulwa nswalu kwa beno.

Mfidisilu ya mbote

²⁰ Ntangu yai, Nzambi ya yenge, ya vutulaka Mfumu ya beto Yesu tuka bafwa, yandi ikele mvungi ya nene ya mameme, mu menga ya luwawanu va mvu ya mvu, Yes. 63:11; Yel. 10:11; 1 Tes. 5:23; 1 Pet. 2:25; 5:4

²¹ bika yandi lungisa beno mu mambu yonso ya mbote kusala luzolo ya yandi, bu yandi ikele kusala mu beno yina ya ikele mbote na luse ya yandi, mu Yesu Klisto; kwa yandi nkembo ya mvu ya mvu, Amen. Lom. 16:27; 2 Tes. 2:17

²² Kansi bampangi, mono bombidila beno, vibidila mambu ya ndubudulu, kadi mono imene kusonika nkanda yai kwa beno mu mambu fioti.

²³ Beno zaba mpangi ya beto Timoteo ya imene kukangulwa; kana yandi kwiza sesepi mono tamona beno sikamosi na yandi.

²⁴ Pesa mbote kwa bantwadisi ya beno yonso, ye kwa banlongo yonso. Bampangi ya Italia fidisa beno mbote.

²⁵ Nlemvo vanda na beno yonso. Amen.