Bisalu Ya Bantumwa 23 - Le Nouveau Testament en Kikwango 1950

Paulu nantwala na bamfundisi

¹ Paulu talaka bamfundisi ngolo, ye tubaka: Bampangi mono imene kusala kisalu ya mono nantwala na Nzambi mu kansansa yonso ya mbote ti ntangu yai. Bis. 24:16; 2 Tim. 1:3

² Kansi Anania nganga nene sikidikisaka bau ya telemaka mfinama na yandi, kubula yandi va munoko.

³ Buna Paulu tubaka kwa yandi: Nzambi tabula nge, nge kibaka ya mpembe, nge vanda kufundisa mono bonso na nsiku, ye nge ikele kubuya nsiku bu nge tuba kubula mono ? 3 Mose 19:15

⁴ Bau ya telemaka kuna, tubaka: Nge tuba mbi sambu na nganga nene ya Nzambi ?

⁵ Paulu tubaka: Bampangi, mono zabaka ve yandi ikele nganga nene, kadi yo ikele kusonama: Tuba mbi ve sambu na nkuluntu ya bantu ya nge. 2 Mose 22:28

⁶ Bu Paulu zabaka na ndambu yankaka ikele basaduki ye ndambu yankaka ikele bafalisi, yandi bokaka nakati bamfundisi: Bampangi, mono ikele mufalisi, ye mwana ya mufalisi. Bau imene kufunda mono sambu na vuvu ya mfulukulu ya bafwa. Bis. 24:15, 21; 26:5; Fili. 3:5

⁷ Bu yandi imene kutuba mpilayai, ntembe telemaka nakati bafalisi ye basaduki, ye kibuka kabanaka.

⁸ Kadi basaduki ikele kutuba mfulukulu ikele ve kana ya banjo keti ya mpeve ikele ve, kansi bafalisi ndima kwa yonso zole. Mat. 22:23; Mal. 12:18; Luk. 20:27

⁹ Mbokoio mingi vandaka, bankaka ya bansoniki ye bafalisi telemaka ye tulaka ntembe kutuba: Beto mona mbi na muntu yai ve, kansi nki kana mpeve keti wanjo imene kutuba kwa yandi ? Bis. 5:39

¹⁰ Kansi bu makelele mingi vandaka, kommandant titaka bau tapasula Paulu nakati, yandi sikidikisaka basoldat kulumuka ye botola yandi nakati na bau ye twala yandi ku nzo ya basoldat. Bis. 25:25; 26:31

¹¹ Mu mpimpa ya landa, Mfumu telemaka mfinama kwa yandi ye tubaka: Vanda na kikesa, kadi bonso nge imene kutuba kitemo ya mono mu Yelusalemi, nge fwiti kutuba kitemo mu Loma mpe. Bis. 18:9; 19:21

BaYuda zola kufwa Paulu

¹² Bu kuma kia, baYuda kangaka mambu sikamosi ye kudiaka ndefi na bau takudia ve keti kunwa ve ti bau imene kufwa Paulu.

¹³ Bau ya kudiaka ndefi yina lutaka bantu makumi iya.

¹⁴ Bau kwendaka kwa bambuta banganga ye bambuta, ye tubaka: Beto imene kudia ndefi ya ngolo, beto tameka madia ve ti beto imene kufwa Paulu.

¹⁵ Sambu na yai, beno ye bamfundisi songa kommandant kutwala yandi kwa beno, bonso beno zola kuyuvula mambu ya yandi ya luta mbote. Kansi beto ikele kuvingila kufwa yandi ntete yandi kuma. Bis. 25:3

¹⁶ Kansi mwana ya mpangi ya Paulu kuwaka mambu yina, yandi kwizaka ye kotaka mu nzo ya basoldat, ye songaka yo kwa Paulu.

¹⁷ Paulu bingaka nkuluntu mosi ye tubaka: Twala toko yai kwa kommandant, kadi yandi ikele na mambu kusonga yandi.

¹⁸ Buna yandi bakaka yandi ye twalaka yandi kwa kommandant ye tubaka: Paulu, muntu ya boloko bingaka mono kwa yandi, ye yuvulaka mono kutwala toko yai kwa nge, kadi yandi ikele na mambu kusonga nge.

¹⁹ Buna kommandant bakaka yandi na diboko ye kwendaka na yandi, ye yuvulaka yandi mu kinsweki: Mambu nki ya nge zola kusonga mono ?

²⁰ Yandi tubaka: BaYuda imene kundima kuyuvula nge kutwala Paulu kwa bamfundisi mbazi, bonso nge zola kuyuvula mambu ya yandi ya luta mbote.

²¹ Kansi ndima kwa bau ve, sambu na babakala ya luta makumi iya ikele kuvingila yandi, bau imene kudia ndefi na bau takudia ye kunwa ve, ti bau imene kufwa yandi, ntangu yai bau ikele kuvingila ye kusosa nsilulu ya nge.

²² Buna kommandant bikaka toko kwenda, ye sikidikisaka yandi: Tuba kwa muntu ve na nge imene kusonga mono mambu yai.

²³ Yandi bingaka bakuluntu zole ye tubaka: Baka basoldat nkama zole sambu na kwenda ku Kaisalia, ye bantu makumi nsambwadi ya tambula va ba kavalu, ye bantu nkama zole ya nata madionga, bau takwenda mu lokula uvwa ya mpimpa.

²⁴ Yandi songaka bau kutwala mbizi sambu na tula Paulu va yo, ye tomanata yandi ti kwa Feliki nyadi.

²⁵ Yandi sonikaka nkanda ya vandaka na mambu yai:

²⁶ Klaudio Lisia fidisa mbote kwa nge Feliki, nyadi ya nene.

²⁷ BaYuda simbaka muntu yai ye zolaka kufwa yandi, buna mono kwizaka na basoldat ye katulaka yandi, sambu na mono kuwaka yandi ikele mwisi Loma.

²⁸ Bu mono zolaka kuzaba sambu na nki bau fundaka yandi, mono twalaka yandi kwa bamfundisi ya Bis. 22:30

²⁹ Mono monaka bau fundaka yandi sambu na biuvu ya nsiku ya bau, kansi mambu vandaka na yandi ve na lunga kufwa keti tuvambu. Bis. 25:18, 19, 25; 26:31

³⁰ Bu mono zabaka bau tubana kusimba bakala yai, mono fidisa yandi kwa nge nswalu, mono tubaka kwa bamfundi ya yandi, bau tatuba mambu ya yandi nantwala na nge.

³¹ Buna basoldat bakaka Paulu bonso yandi songaka bau, ye twalaka yandi mu mpimpa ku Antipatili.

³² Kilumbu ya landa, bau bikaka bantu va bakavalu kwenda sikamosi na yandi, ye bau vutukaka ku nzo ya basoldat.

³³ Bu bau kumaka ku Kaisalia, bau pesaka nkanda kwa nyadi ye twalaka Paulu kwa yandi mpe.

³⁴ Bu nyadi imene kutanga yo, ye yuvulaka kana yandi katuka na nsi nki, Bu yandi zabaka na yandi katuka na Kilikia, yandi tubaka:

³⁵ Mono tayuvula mambu ya nge mbote bu bamfundi ya nge imene kwiza. Yandi songaka bau kukeba yandi mu nzo ya Elode. Bis. 24:1