2 Timoteo 3 - Le Nouveau Testament en Kikwango 1950

Mbivisu ya bantu mu ntangu ya landa

¹ Kansi zaba yai, mu bilumbu ya nsuka, ntangu ya mpasi takwiza. 1 Tim. 4:1; 2 Pet. 2:1; 3:3; Yud. 18

² Bantu tadizola, ye zola mbongo, ye ditombola, ye vanda na lulendo, ye tuba mbi, ye lemvuka ve batata ye bangudi, ye konda matondo, ye konda nlongo, Lom. 1:29

³ bau konda zola ya kieleka, ye vidisa mbi ve, ye tuba kitemo ya luvunu, ye lenda ve kudiyala, ye vanda na makasi, ye zola ve mambu ya mbote,

⁴ bau ikele banyekudi, bantu ya ntu ngolo, bantu ya ditombola, bantu ya zola luzolo ya ntoto kansi kuzola Nzambi ve,

⁵ bau ikele na kifwani ya vumi ya Nzambi, kansi bau imene kubuya ngolo ya yo; nge katuka nakati na bau. Mat. 7:15; Lom. 16:17; 2 Tes. 3:6; Tit. 1:16; 3:10; 2 Yoa. 10

⁶ Kadi bayai ikele kukota mu banzo, ye baka bankento ya buzoba, ya fuluka na masumu, ya ikele kutwadiswa na luzolo ya mbi mutindu na mutindu, Tit. 1:11

⁷ bau ikele kulonguka ntangu yonso, kansi bau lenda ve kwiza ku nzailu ya kieleka.

⁸ Bonso Yane ya Yambese buyaka Mose, mpilayai mpe bau ikele kubuya mambu ya kieleka, bau ikele bantu ya mabanza ya sumuka, bau imene kukatuka na lukwikilu. 2 Mose 7:11, 21; 1 Tim. 6:5

⁹ Kansi bau takwenda nantwala ve; kadi buzoba ya bau tamonika kwa bantu yonso, bonso buzoba ya bayina monikaka.

Bombidila Timoteo sambu na mambu yina

¹⁰ Kansi nge landaka malongi ya mono, ye bifu, ye luzolo, ye lukwikilu, ye mvibudulu, ye zola, ye ntatumunu,

¹¹ ye nzomono ye mpasi, yau ikele mambu ya bwilaka mono mu Antiokia ye Ikone ye Listila; nzomono yonso ya mono monaka, Mfumu vulusaka mono tuka yau yonso. Nk. 34:19; Bis. 13:50; 14:2; 19:22; 2 Kol. 1:10

¹² Bau yonso ya zola kuvanda mu vumi ya Nzambi mu Klisto Yesu, tamoniswa mpasi. Mat. 16:24; Yoa. 15:19; 16:1; Bis. 14:22

¹³ Bantu ya mbi ye bantu ya luvunu taluta ye luta mu mbi, bau takusa ye bau takuswa.

¹⁴ Kansi nge, vanda mu mambu ya nge longwaka, ye ya nge kwikilaka, kadi nge zaba bau ya longaka nge yau, Bis. 16:1; 2 Tim. 1:5, 13; 2:2

¹⁵ kadi tuka kimwana nge zabaka masonukwa ya nlongo, ya lenda kuluengisa nge ku mpulusu mu lukwikilu mu Klisto Yesu.

¹⁶ Masonukwa yonso imene kukatuka na Nzambi, yau ikele kusadisa mu kulonga mu kusemba, mu sungika, mu malongi ya lunungu, Lom. 15:4; 2 Pet. 1:19

¹⁷ na muntu ya Nzambi lenda kuvanda ya lunga, ye ya toma yidikwa mu bisalu yonso ya mbote. 2 Tim. 2:21