1 Timoteo 4 - Le Nouveau Testament en Kikwango 1950

Kubwa

¹ Kansi mpeve ikele kutuba kieleka: Mu ntangu ya nsuka bankaka tabika lukwikilu, ye bau takwikila bampeve ya tuba luvunu, ye malongi ya bampeve mbi, 2 Tim. 3:1

² mu luvunu ya bantu ya luvunu, kansansa ya bau imene kubaka kidimbu ya tiya. Tit. 1:15

³ Bau buya kukwela, ye pesa nsiku kubuya mbizi, ya Nzambi imene kusala sambu na kubaka na matondo na bau ya kwikila ye ya zaba mambu ya kieleka.

⁴ Kadi bima yonso ya Nzambi semaka ikele mbote, ye beno fwiti kubuya kima mosi ve, kana beno baka yo na matondo.

⁵ Kadi yo ikele kutulwa nlongo mu ndinga ya Nzambi, ye mu lombilu.

Paulu songa Timoteo vanda sielo ya mbote ya Klisto

⁶ Kana nge bambukisa bampangi sambu na mambu yai, nge tavanda sielo ya mbote ya Klisto Yesu, ya imene kusanswa mu ndinga ya lukwikilu, ye malongi ya mbote ya nge imene kulanda mbote. 2 Tim. 1:5; 3:10, 14

⁷ Kansi buya bingana ya mpamba ya bankento ya nuna; ye disadisa mu vumi ya Nzambi. 1 Tim. 1:4

⁸ Disadisa nitu ikele na ndandu fioti; kansi vumi ya Nzambi ikele na ndandu mu mambu yonso, yo ikele na nsilulu ya moyo yai, ye ya yina ya ikele kwiza. Nk. 37:4; Kolo. 2:23; 1 Tim. 6:6

⁹ Yai ikele ndinga ya kwikama, ye ya lunga mingi kubaka. 1 Tim. 1:15

¹⁰ Sambu na yai, beto sala ye nwana, sambu na beto imene kutula vuvu mu Nzambi ya ikele na moyo, yandi ikele Mvulusi ya bantu yonso, kansi luta kwa bau ya kwikila.

Ye kifwani kwa bau ya kwikila

¹¹ Sikidikisa mambu yai, ye longa yau. Tit. 2:15

¹² Bika muntu kusaula kinleke ya nge ve; kansi vanda kifwani kwa bakwikidi, mu ndinga, mu bifu, mu zola, mu lukwikilu, ye mu vedila. Tit. 2:7; 1 Pet. 5:3

¹³ Ti mono kwiza, tula ngolo mu kutanga, mu kubombidila ye mu kulonga. Mat. 25:21

¹⁴ Bika ve matabisi ya nlemvo ya ikele mu nge, ya peswaka kwa nge mu mbikudulu, ye ntululu ya maboko ya bambuta ya dibundu. Bis. 8:17; 13:3; 19:6; 1 Tes. 5:19; 1 Tim. 1:18; 5:22; 2 Tim. 1:6

¹⁵ Tula ngolo mu mambu yai, dipesa yonso kwa yau, na kukula ya nge tamonika kwa bantu yonso.

¹⁶ Nge kudikeba, ye keba malongi ya nge; vibidila mu mambu yai, kadi kana nge kusala mpilayai, nge tadivulusa ye bau ya kuwa nge. Bis. 20:28; 1 Kol. 9:22, 27; Yak. 5:20