1 Tesalonika 5 - Le Nouveau Testament en Kikwango 1950

Mvutukulu ya mfumu ikele mfinama

¹ Bampangi, beno ikele na nsatu ve na mambu sonukwa kwa beno sambu na bantangu ye bansungi,

² kadi beno kibeni zaba mbote 329 4:11-5:12 na lumbu ya Mfumu takwiza bonso mwivi mu mpimpa. Mat. 24:42; Mal. 13:33; Luk. 12:39; 2 Pet. 3:10; Nzai. 3:3; 16:15

³ Bu bau tuba: Yenge ye tita ve, buna mpasulu tabwila bau nswalu, bonso nsongo mu nkento ya ikele na divumu, ye bau lenda kutina ve.

Bau ya kwikila kufwiti tomatala

⁴ Kansi beno, bampangi, ikele mu tombe ve, na lumbu yina tabwila beno bonso mwivi. Ef. 5:8

⁵ Kadi beno yonso ikele bana ya mwini ye bana ya ntangu, beto ikele ya mpimpa ve keti ya tombe.

⁶ Buna bika beto lala tulu ve bonso bankaka, kansi bika beto tomatala ye kolwa ve. Lom. 13:11; 1 Pet. 5:8

⁷ Kadi bau ya lala tulu, ikele lala mu mpimpa, bau ya kolwa ikele kolwa mu mpimpa. Lom. 13:13

⁸ Kansi beto ya ikele bantu ya ntangu, bika beto kolwa ve, ye vwata nkaku ya ntulu ya lukwikilu ye zola; va ntu nkaku ya vuvu ya mpulusu. Lom. 13:12; Ef. 6:13

⁹ Kadi Nzambi solaka beto ve kwa makasi kansi sambu kubaka mpulusu mu Mfumu ya beto Yesu Klisto. Lom. 5:9

¹⁰ Yandi kufwaka sambu na beto, beto lenda kuvanda na moyo sikamosi na yandi, kana beto tomatala keti lala tulu. Lom. 14:8; 2 Kol. 5:15

¹¹ Sambu na yai bombana ye tungana, bonso beno ikele kusala mpe.

Kubedisa ye lemvuka balongi ye tambula ya lunga

¹² Kansi, bampangi, beto bombidila beno kuzaba bau ya ikele kusala nakati na beno ye yala beno mu Mfumu ye longa beno. 1 Kol. 16:18; Fili. 2:29; 1 Tim. 5:17

¹³ Zitisa bau mingi mu zola sambu na kisalu ya bau. Vandana na yenge. Mal. 9:50

¹⁴ Bampangi, beto bombidila beno, longa bau ya nkindu, pesa kikesa kwa bau ya ntima ya petepete, sadisa bau ya lebakana, vibidila bantu yonso. Lom. 14:1; Ngal. 6:1

¹⁵ Tala, na muntu vutula mbi kwa muntu ve, kansi ntangu yonso sosa kusala yina ya mbote muntu kwa mpangi ya yandi ye kwa bantu yonso. 3 Mose 19:18; Mat. 5:44; Lom. 12:17; Ngal. 6:10; 1 Pet. 3:9

¹⁶ Yangalala ntangu yonso. Lom. 12:12; Fili. 4:4

¹⁷ Lomba ntangu yonso. Luk. 18:1; Ef. 6:18; Kolo. 4:2

¹⁸ Vutula matondo mu mambu yonso; sambu na yai ikele luzolo ya Nzambi mu Klisto Yesu kwa beno. 1 Tes. 4:3

¹⁹ Zima Mpeve Yanlongo ve.

²⁰ Saula mbikudulu ve.

²¹ Teza mambu yonso, ye simba yina ya ikele mbote. 1 Yoa. 5:1

²² Buya mambu ya mbi mutindu yonso.

²³ Bika Nzambi ya yenge, yandi kibeni sala beno nlongo yamvimba, bika mpeve ye mwela ye nitu ya beno yamvimba kebwa mu konda mbi, ti na Mfumu ya beto Yesu Klisto kwiza. 1 Kol. 1:8; 2 Tes. 3:13

²⁴ Yandi ya bingaka beno ikele kwikama, ye yandi tasala yo mpe. 1 Kol. 1:9; 10:13; Fili. 1:6; 2 Tes. 3:3

²⁵ Bampangi, lomba sambu na beto. Lom. 15:30; Ef. 6:18; Kolo. 4:3; 2 Tes. 3:1

²⁶ Pesa mbote kwa bampangi yonso na mfibulu ya nlongo.

²⁷ Mono sikidikisa beno mu Mfumu, na nkanda yai tatangwa kwa bampangi yonso. Kolo. 4:16

²⁸ Bika nlemvo ya Mfumu ya beto Yesu Klisto vanda na beno.