तीतुस 1 - ದೆವಾಚಿ ಖರಿ ಕಬರ್ ನವಾ ಕರಾರ್

¹ ದೇವಾಚಾ಼ ಸೇವಕ್ ಜಾ಼ಲ್ಯಾಲಾ ಆನಿ ಯೇಸು ಕ್ರಿಸ್ತಾಚಾ಼ ಅಪೊಸ್ತಲ್ ಜಾ಼ಲ್ಯಾಲಾ ಪೌಲ್, ಆಮಾನಾ ಸಗಳ್ಯಾನಾ ಘಟ್ ಆಸಲ್ಯಾಲ್ಯಾ ಇಸ್ವಾಸಾತ್ ಖರಾ ಲ್ಯೊಕ್ ಜಾ಼ಲ್ಯಾಲ್ಯಾ ತಿತಾಲಾ ಲಿವತ್ಯಾಲ ಪತ್ರ.

² ಹ್ಯ ಶಾಶ್ವತ್ ಜೀವಾಚೆ ಆಶೆವ ಆದಾರ್ ಜಾ಼ಲ್ಯಾ. ದೇವ್‌ ಕಂದಿಸ್ ಲಬಾಡ್ ಸಾಂಗಿತ್ನಾಹಿ ತ್ಯನಿ ಆಮಾನಾ ಹ್ಯಾ ಜೀವ್ನಾಚೆ ಗುಶ್ಟಿತ್ ಕಾಲಾಚಾ ಸುರ್ವಾತಾ ದರ್ನಿ ಸೆಪ್ಪತ್ ಕೇಲೆ.

³ ಆನಿ ಶಾರ್ಕ್ಯಾ ಯಳಾಲಾ ದೇವಾನಿ ಆಪ್ಲಾ ಸಾಂಗ್ ಸಾಂಗ್ಲಾ. ಆನಿ ಹ್ಯ ಮಾಜಾ ತಾಬ್ಯಾತ್ ದಿಲ್ತ ಆನಿ ರ‍ಕ್ಷನ್ ಕರ್ತ್ಯಾಲ್ಯಾ ದೇವಾಚೆ ಆಜ್ಞೆ ಶಾರ್ಕ ಮೀ ಸಾಂಗ್ಲ.

⁴ ಆನಿ ತಿ ಬಾತ್ನಿ ಸಾಂಗಾಚಿ ಜು಼ಮೆದಾರಿ ಆಮಚಾ಼ ರಾಖನ್ದಾರ್ ಜಾ಼ಲ್ಯಾಲ್ಯಾ ದೆವಾಚೆ ಆಜ್ಞೆಸಾರ ಮಾಜಾ ತಾಬ್ಯಾತ್ ದಿಲ್ಯಾ ಆನಿ ಶಾರ್ಕ್ಯಾ ಯಳಾತ್ ಸಾಂಗ್ ಸಾಂಗುನ್ ಆಪ್ಲ ಸಬಾತ್ ಮನಾ ದ್ಯಾವ್ಲ.

ಕ್ರೇತಾತ್ ತೀತಾಚ಼ ಕಾಮ್

⁵ ಆಜು಼ನ್ ಸಗ್ಳ ಜಾ಼ಲ್ಯಾ ನಸ್‌ಲ್ಯಾಲ ತ್ಯ ಕಾಮ ಸೊಪ್ವಾಯಾ ಸಾಟೀಸ್ ಪರ್ತೇಕ್ ಪೆಠತ್ ಸಬೆಚ಼ ಜಾಂತ ನಿವ್ಡಾಯಾ ಮೀ ತುಲಾ ಕ್ರೇತಾತ್ ಸುಡುನ್ ಆಲ್ಯೊ.

⁶ ಸಬೆಚಾ಼ ಜಾಂತಾ ಹ್ವನಾರಾ ದೊಶ್ ನಸ್ನಾರಾ ರಾಹ್ಯಾವ್ಹಯಿ. ತ್ಯಲಾ ಯಕ್ಲಿಸ್ ದನ್ಗರ್ ರಾಹ್ಯಾ ವ್ಹಯಿ. ತ್ಯಚಿ ಪ್ಯುರ್ಗಿ ಇಸ್ವಾಸಿ ರಾಹ್ಯಾ ವ್ಹಯಿತ; ಆನಿ ಸಾಂಗ್‌ಲ್ಯಾಲ ಐಕಿತ್ ನಸ್‌ಲ್ಯಾಲಿ ರಾಹುನಾಹಿತ. ತರಾಸ್ ಗೆಥ್ಯಾಲಿ ವ್ಹವುನ್ ರಾಹುನಾಹಿತ.

⁷ ಸಬೆಚಾ಼ ಫುಡಾರಿ ದೇವಾಚೆ ಸೇವೆಚೆ ಜ಼ವಾಬ್ದಾರಿಚಾ಼ ಮಾನುಸ್ ವ್ಹತ್ತೊ. ಮನ್ಹುನ್ ತ್ಯೊ ನಿರ್ದೊಶಿ ವ್ಹವುನ್ ರಾಹ್ಯಾವ್ಹಯಿ. ತ್ಯೊ ಖೆಡ್ಸಾ ರಾಗಿಶ್ಟಾ ರಾಹು ನಾಹಿ; ಆನಿ ಪಿದೊಡಾ ತರಾಸ್ ಗೆಥ್ಯಾಲಿ ಆನಿ ಪೈಶಾಚಿ ಆಶಾ ಕರ್ತ್ಯಾಲಾ ರಾಹುನಾಹಿ;

⁸ ಸಬೆಚಾ಼ ಜಾಂತಾ ಗರ‍್ಹಾತ್ ಆಲ್ಯಾಲ್ಯಾಂಚಿ ದೆಕರೆಕ್ ಕರ್ತ್ಯಾಲಾ ರಾಹ್ಯಾವ್ಹಯಿ. ತ್ಯನಿ ಚಾ಼ಂಗಲ್ಯಾಚಿ ಮಾಯಾ ಕರಾಯಾ ವ್ಹಯಿ; ತ್ಯೊ ಆಪ್ನು ಆಪ್‌ಲ್ಯಾ ತಾಬ್ಯಾತ್ ರಾಹ್ಯಾ ವ್ಹಯಿ. ಶಾನಾ ರಾಹ್ಯಾ ವ್ಹಯಿ; ನಿಯತಿಚಾ಼ ರಾಹ್ಯಾ ವ್ಹಯಿ; ನಿರ್ಮಳ್ ಆನಿ ಚಾ಼ಂಗಲ್ಯಾ ಯಬಾವಾನಿ ರಾಹ್ಯಾವ್ಹಯಿ;

⁹ ಆಪ್ನಿ ಚಾ಼ಂಗಲ್ಯಾ‍ ಸಿಕ್ಶೆನಾನಿ ಲೊಕಾನಾ ಹುಶಾರ್ ಕರಾಯಾ, ತ್ಯಚೆ ಆಡ್‌ವ್ಯಾ ಲೊಕಾನಾ ತ್ಯಂಚಾ ಚು಼ಕಿ ದಾವುನ್ ದೇತ್ಯಾಲಾ ವ್ಹವುನ್ ರಾಹ್ಯಾ ವ್ಹಯಿ. ಕ್ರಿಸ್ತಾಚಾ ಶಿಕ್ಶೆನಾಸಾರ ಇಸ್ವಾಸ್ ಥಿವಿಶಾ ವಚ಼್ನಾಂಚಿವ ಘಟ್ ರಾಹ್ಯಾ ವ್ಹಯಿ.

¹⁰ ಲ ಕರುನ್ ಯೆಹುದ್ಯಾಂಚಾ ಇಸ್ವಾಸಾತ್ ಆಲ್ಯಾಲಿ ಲೊಕ ದಂಗಾ ಕರ್ತ್ಯಾಲ ಆನಿ ತ್ಯಂಚಾ ನಕೊತಸಲ್ಯಾ ಬೊಲ್ಯಾನಿ ಲೊಕಾನಾ ಚು಼ಕಿಚೆ ವಾಟವ ನೆಥ್ಯಾತ.

¹¹ ಆಸ್‌ಲ್ಯಾ ಲೊಕಾಂಚ಼ ತ್ವಾಂಡ್ ಜಾ಼ಖಾಯಾವ್ಹಯಿ ಆಸ್‌ಲ್ಯಾ ಗುಶ್ಟಿ ಸಾಂಗಿತ್ ಕುಟುಮ್ ಹಾಳ್ ಕರ್ತ್ಯಾತ ಹ್ಯಂಚಿ ಆಸ್ಲಿ ಹಿ ಲಾಜ಼ಚಿ ಕಾಮ ಫ್ಯಾಯದ್ಯಾಸಾಟಿ ಕರ್ತ್ಯಾತ.

¹² “ಕ್ರೇತ್ ದ್ವಿಪಾತ್ಲಾ ಯೊಕ್ ತ್ಯಂಚಾ಼ ಸ್ವತಾಚಾ಼ ಪ್ರವಾದಿ ಜಾ಼ಲ್ಥಾ ತ್ಯನಿ ತಿತ್ಲಿ ಲಬ್ಡಿ, ಜ಼ನಾವಾರಾಚೆಗತ್, ಆಳ್ಸೊಟಿ ಹಾವ್ರಿ ಹಾತ” ಮನ್ಹುನ್ ಸಾಂಗ್ಲ.

¹³ ಪ್ರವಾದಿನಿ ಸಾಂಗ್‌ಲ್ಯಾಲ ಸಬಾತ್ ಖರ ಜಾ಼ಲ್ಯಾತ. ಮನ್ಹುನ್ ತ್ಯಂಚಾನಿ ಯಹುದ್ಯಾಂಚಾ ಮನ್ಚಾ ಕ್ಯಾಯನ್ಯಾನಾ, ಖರ ಖೊಟ ಕರತ್ಯಾಲ್ಯಾ ಮಾನ್ಸಾಚಾ ಸಬ್ದಾನಾ ಧ್ಯಾನ್ ದಿಯಾಚೆ ಆಂದಿ,

¹⁴ ಇಸ್ವಾಸಾತ್ ಚಾ಼ಂಗಲ್ಯಾ ಮನಾನಿ ರಾಹ್ಯಾ ತ್ಯನಾ ಖಡ್ಯಾವುನ್ ಸಾಂಗ್.

¹⁵ ನಿರ್ಮಳ್ ಲೊಕಾಂಚೆ ಸಗ್‌ಳ್ಯಾ ಗುಶ್ಟಿ ನಿರ್ಮಳ್ ರಾ‍ಥ್ಯಾತಾ ಫನ್ ಪಾಪಾನಿ ಬರ್ಲ್ಯಾಲಿ ಆನಿ ಇಸ್ವಾಸ್ ನಸ್‌ಲ್ಯಾಲ್ಯಾ ಲೊಕಾನಾ ಕಚ಼ಸ್ ನಿರ್ಮಳ್ ವ್ಹವುನ್ ರಾಹಿತ್ ನಾಹಿ ಖರ್‍ಯಾನಿಸ್ ತ್ಯಂಚಿ ಬುದಿ ಆನಿ ಮನಾಚಾ಼ ಇಚಾರ ಬುರ್ಸಿ ಜಾ಼ಲ್ಯಾತ.

¹⁶ ದೇವ್ ಆಪ್‌ಲ್ಯಾಲಾ ಠಾವಾ ಹಾ ಮನ್ಹುನ್ ತ್ಯಂಚಾನಿ ಸಾಂಗ್ಲತರಿ ತ್ಯನಾ ದೇವ್ ಠಾವಾನಾಹಿ. ಮನ್ಹುನ್ ತ್ಯಂಚಿ ಬುರ್ಸಿ ಕಾಮಸ್ ದಾವುನ್ ದೇತ್ಯಾತ. ತೀ ಭೇ ಗ್ಯಾಲತ್ಯಾಲಿ ಲೊಕ ಆನಿ ಸಾಂಗ್‌ಲ್ಯಾಲ ಸಬ್ದ ಐಕಿತ್ನಸ್‌ಲ್ಯಾಲಿ. ಕಾಯ್ ಯಾಕ್ ಚಾ಼ಂಗ್ಲ ಕಾಮ್ ಕರಾಯಾ ತೀ ಲಾಯಿಕ್ ನವ್ಹತ.