रोमियो 1 - ದೆವಾಚಿ ಖರಿ ಕಬರ್ ನವಾ ಕರಾರ್

¹ ಕ್ರಿಸ್ತ ಯೇಸುಚಾ಼ ಸೇವಕ್ ಜಾ಼ಲ್ಯಾಲಾ ಪೌಲ್ ಲಿವ್‍ತ್ಯಾಲ ಪತ್ರ. ದೇವಾನಿ ಮನಾ ಅಪೋಸ್ತಲ್ ವ್ಹಯಾಲಾ ಹಾಕಟ್ಲ. ದೇವಾಚಿ ಬರಿ ಖಬರ್ ಸಗ್‌ಳ್ಯಾ ಲೋಕಾನಾ ಸಾಂಗಾಯಾಸಾಟಿ ಮನಾ ನಿವಡ್‍ಲ್ಯಾ.

² ದೇವಾನಿ ಆಪ್‍ಲ್ಯಾ ಲೋಕಾನಾ ಹಿ ಬರಿ ಖಬರ್ ದಿಯಾಲಾ ಖುಬ್ ಕಾಲಾಚೆ ಮಾಗ ಆಪ್‌ಲ್ಯಾ ಪ್ರವಾದಿಂಚಿಪ್ನಿ ಪವಿತ್ರ ಪುತಿಕಾತ್ ಸಬ್ದ ದಿಲ್ತಾ.

³ ತ್ಯೊ ದೇವಾಚಾ಼ ಲ್ಯೊಕ್ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಿ ಗ್ಯೊಶ್ಟುಸ್ ಜಾ಼ಲೆ. ಮಾನ್ಸಾಚಾ ರುಪಾತ್ ತ್ಯೊ ದಾವಿದಾಚಾ ಕುಟ್ಮಾತ್ ಜ಼ಲಾಮ್‌ಲ್ಯಾಲಾ.

⁴ ಫನ್ ಪವಿತ್ರ ಆತಮ್ಯಾಚಾ ಬಳಾನಿ ಮೇಲ್ಯಾಲ್ಯಾತ್ನಿ ಜೀತ್ತಾ ವ್ಹವುನ್ ಉಠುನ್ ಯವುನ್ ಹ್ಯಲಾ ದೇವಾಚಾ಼ ಲ್ಯೋಕ್ ಮನ್ಹುನ್ ದಾವುನ್ ದಿಲ, ಹ್ಯೊಸ್ ಆಮಚಾ಼ ಪ್ರಭು ಯೇಸು ಕ್ರಿಸ್ತ ಜಾ಼ಲ್ಯಾ.

⁵ ತ್ಯಚಿಸ್ ಲಾಗುನ್ ದೇವಾನಿ ಮನಾ ಕ್ರಿಸ್ತಾಸಾಟಿ ಅಪೋಸ್ತಲ್ ವ್ಹಯಾ ಕ್ರಪಾ ದಿಲೆ. ಹ್ಯಚಿಸ್ ಲಾಗುನ್ ಸಗ್ಳೆ ದುನೆತಲ್ಯಾ ಲೋಕಾನಾ ತ್ಯಚಿ ಆಜ್ಞಾ ಪಾಳಾಯಾ ಆನಿ ತ್ಯಚಿವ ಇಸ್ವಾಸಾತ್ ಆನಾಯಾ ವ್ಹಯಿಲ್,

⁶ ರೋಮಾಪುರಾತ್ ಆಸ್‌ಲ್ಯಾಲಿ ತುಮಿ ಸಾಹಿತ್ ಮಿಳುನ್ ಯೇಸು ಕ್ರಿಸ್ತಾಚಿ ವ್ಹಯಾಲಾ ದೇವಾನಿ ಹಾಕಟ್‍ಲ್ಯಾತ.

⁷ ಆನಿ ರೊಮಾತ್‍ ಆಸ್‌ಲ್ಯಾಲ್ಯಾ ತುಮಾನಾ ಸಗ್‌ಳ್ಯಾನಾ ಲಿವ್‍ತ್ಯೊ. ದೇವ್ ತುಮ್ಚಿ ಮಾಯಾ ಕರ್ತೊ ಆನಿ ಆಪ್ಲಿ ಸ್ವತಾಚಿ ಲೋಕ ವ್ಹಯಾಲಾ ಹಾಕಟ್‌ಲ್ಯಾತ: ಆಮಚಾ಼ ಬಾ ಜಾ಼ಲ್ಯಾಲ್ಯಾ ದೇವಾಪ್ನಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ್ನಿ ತುಮಾನಾ ಕ್ರಪಾ ಶಾಂತಿ ವ್ಹವುನಿ.

ದನ್ಯವಾದಾಚ಼ ಮಾಗ್ನ

⁸ ಆಂದಿ, ತುಮಚಾ಼ ಇಸ್ವಾಸ್ ದುನೆತ್ ಸಗ್‌ಳೆ ಮೊರ‍್ಹ ಆಲಾ ಮನ್ಹುನ್ ತುಮಚೆ ಸಗಳ್ಯಾಂಚೆಸಾಟಿ ಯೆಸು ಕ್ರಿಸ್ತಾಪ್ನಿ ಮಾಜಾ ದೆವಾಲಾ ದನ್ಯವಾದ್ ಸಾಂಗ್ತೊ.

⁹ ಮಿ ಮಾಗ್ನ ಕರ್ತಾನಾ ಖಾಯಿಮ್ ತುಮಚಿಸಾಟಿ ಇನಂತಿ ಕರ್ತೊ. ದೇವಾಚಾ ಲೇಕಾಚಿ ಬರಿ ಖಬರ್ ಸಾಂಗಿತ್ ದೇವಾಚಿ ಸೆವಾ ಮಾಜಾ ಮನಾನಿ ಕರ್ತೊ ಹ್ಯಲಾ ದೇವುಸ್ ವಳಕ್ ಜಾ಼ಲ್ಯಾ.

¹⁰ ಮಾಜಾ ಮಾಗ್‌ನ್ಯಾತ್ನಿ ಮೀ ಪರತೇಕ್ ಪಾವ್ಟಿ ದೇವಾಪ ಮಾಗಾಚ಼ ಕ್ಯಾ ಮಂಜೆ ದೇವ್ ಆಪ್‍ಲ್ಯಾ ಮನಾಚೆಗತ್ ಆತಾತರಿ ತುಮಾನಾ ಬೇಟ್ ವ್ಹಯಾ ದಿವುನಿ.

¹¹ ಮಿ ಖುಬ್ ಮನ್ ಕರ್ತೊ ಕಾ ಮಂಜೆ ಮಿ ತುಮಾನಾ ಬೆಟ್ ವ್ಹವುನ್ ಥೊಡಾ ಆಶಿರ್ವಾದ್ ದಿಯಾ ಹ್ಯಚಿಸ್ ಲಾಗುನ್ ಬಳ್ ಗೆತಲ್ಯಾಲಿ ವ್ಹವಾ.

¹² ಮೀ ಸಾಂಗಾಚ಼ ಕ್ಯಾ ಮಂಜೆ, ಮಿ ತುಮ್ಚಿಪ ಯತಾನಾ ಮಾಜಾ ಆನಿ ತುಮ್ಚಾ ಇಸ್ವಾಸಾನಿ ಆಮಿ ಯಕಾಮಕಾಲಾ ಮಜ಼ತ್ ಕರಾಯಾ ವ್ಹಯಿ.

¹³ ಬಾವ್ಹಾಂಡಾನು, ಹ್ಯ ತುಮಾನಾ ಯಾದ್ ರಾಹುನಿ ಖುಬ್ ಪಾವ್ಟಿ ಮಿ ತುಮಾನಾ ಬೆಟ್ ವ್ಹಯಾ ಯವಜ್ನಾ ಕೆಲೆ. ಫನ್ ಕ್ಯಾ ಯಾಕ್ ಮನಾ ತಸ ಕರಾಯಾ ಥಾಂಬಿತ್ಯಾ. ದುಸ್‍ರ‍್ಯಾ ಲೊಕಾಪ್ನಿ ಮೀ ಜಿತ್‌ಲ್ಯಾಚೆಗತ್ ತುಮ್ಚಿಪ ಸಾಹಿತ್ ಮಿ ಫಳ್ ಜಿತ್ತಾಯಾ ಮನ್ ಕರ್ತೊ.

¹⁴ ಮೀ ಗ್ರೀಕಾಂಚೆ ಆನಿ ಗ್ರೀಕ್ ನಸ್‌ಲ್ಯಾಲ್ಯಾಂಚೆ, ತಸ ಶಾನ್ಯಾಂಚೆ ಆನಿ ಬುದ್ದಿ ನಸ್‌ಲ್ಯಾಲ್ಯಾಂಚೆ ಸೇವೆಚ಼ ವಜ್ಜ ಮಾಜಿವ ಹಾ.

¹⁵ ಮನ್ಹುನ್ ರೊಮಾತ್ ಆಸ್‌ಲ್ಯಾಲ್ಯಾ ತುಮಾನಾಬಿ ಬರಿ ಖಬರ್ ಸಾಂಗಾಯಾ ಖುಬ್ ಉಮೇದಿನಿ ಹಾ.

ಬರೆ ಖಬರಿಚ಼ ಬಳ್

¹⁶ ಬರೆ ಖಬ್ರಿಚೆ ಗುಶ್ಟಿತ್ ಮಿ ಲಾಜ಼ತ್ ನಾಹಿ. ತಿ ಖಬರ್ ಆಂದಿ ಯಹುದ್ಯಾನಾ ಮಂಗ್ ಗ್ರಿಕಾನಾ ಆನಿ ಇಸ್ವಾಸ್‌ ಥೆವ್‍ತ್ಯಾಲ್ಯಾ ಸಗ್‍ಳ್ಯಾನಾ ರ‍್ಯಾಕ್‌ತ್ಯಾಲ ದೇವಾಚ಼ ಬಳ್ ಜಾ಼ಲ್ಯಾ.

¹⁷ ಕಸ ಮಂಜೆ ದೆವಾಪ್ನಿ ಗಾವಲ್ಯಾಲಿ ನಿಯೆತ್ ಬರೆ ಖಬರಿತ್ ದಿಸುನ್ ಯತಿ. ಪವಿತ್ರ ಗ್ರಂಥಾತ್ ಆಸ ಲಿವ್‌ಲ್ಯಾ, “ನಿಯತಿಚಾ಼ ಇಸ್ವಾಸಾನಿ ಜೀವ್ನಾ ಕರ್ನಾರ್. ” ತಿ ನಿಯೆತ್ ಇಸ್ವಾಸಾಚ಼ ಫಳ್ ವ್ಹವುನ್ ಇಸ್ವಾಸ್ ಬಳ್ಕಟ.

ಮಾನ್ಸಾಚಾ ಕುಳಾತ್ಲಾ ಅಪರಾದ್

¹⁸ ಸಗ್ಳ ಪಾಪಿ ಆನಿ ಬುರ್ಸ ಲೋಕ್ ಬುರ್ಶಾ ಫನಾನಿ ಖರ ಜಾಕತ್ಯಾತ ತ್ಯಂಚಿವ ದೇವಾಚಾ಼ ರಾಗ್ ಸ್ವರ್ಗಾತ್ನಿ ಉತರುನ್ ಯನಾರ್.

¹⁹ ಕಾ ಮಂಜೆ ದೇವಾಚೆ ಗುಶ್ಟಿತ್ ವ್ಹಯಿಲ್ ತ್ಯವ್ಡ ತ್ಯನಾ ಶಾರ್ಕ ಠಾವ ಹಾ. ಕಾ ಮಂಜೆ ದೇವಾನಿಸ್ ತ್ಯನ್ಯಾ ಶಾರ್ಕ ಆಪ್ಲೆ ಗುಶ್ಟಿತ್ ಸಾಂಗ್‍ಲ್ಯಾ.

²⁰ ಕಸ ಮಂಜೆ ಡೊಳ್ಯಾನಾ ದಿಸನಸ್ನಾರ ತ್ಯಚ಼ ಗುನ್ ಶಾಸ್ವತ್ ಬಳ್ ಆನಿ ದೈವಿಕ್ ಸ್ವಭಾವ್ ದುನ್ಯಾ ಉತ್ಪನ್ ಕೆಲ್ಯಾಲೆದರ್ನಿ ತ್ಯನಿ ಉತ್ಪತ್ತಿ ಕೇಲ್ಯಾಲ್ಯಾ ಸಗ್‌ಳ್ಯಾ ಸಾಮಾನಾನಿ ಹ್ಯ ಸಗ್ಳ ಬಗ್ತಾವ್ ಹ್ಯಚಿ ಸಾಟಿ ತ್ಯಾ ಲೊಕಾಂಚಿಪ ಕಚಾ಼ ನೇವಾ ರಾಹಿತ್ನಾಹಿ.

²¹ ಕಾ ಮಂಜೆ ಲೊಕಾನಾ ದೇವ್ ಸಮಾಜ್ಲಾತರಿ ದೇವಾಲಾ ಮಹಿಮೆ ಕಿಲಿನಾಹಿ, ತ್ಯಲಾ ಮರ‍್ಯಾದ್ ನಾಹಿತ ಉಪ್ಕಾರ್ ದಿಲಾನಾಹಿ. ಲೋಕಾಂಚಿ ಯವಜ್ನಾ಼ ಫುಕಟ್ ಜಾ಼ಲಿ. ಬುದಿ ನಸಲ್ಯಾಲಿ ತ್ಯಂಚಿ ಮನ ಆಂದಾರ್ ಜಾ಼ಲ್ಯಾತ.

²² ತೀ ಲೊಕ ಆಪ್‌ಲ್ಯಾಲಾ ಶಾನಿ ಮನ್ಹುನ್ ಗೆಥ್ಯಾತ ಫನ್ ತೇ ಮುರ್ಕ್ ಜಾ಼ಲ್ಯಾತ.

²³ ನಾಸ್ ವ್ಹಯಾಂಚೆ ಅಂದಿ ಆಸ್‌ಲ್ಯಾಲ್ಯಾ ದೇವಾಚಿ ಮೈಮಾ ತ್ಯಂಚಾನಿ ನಾಸ್ ವ್ಹನಾರ‍್ಯಾ ಮಾನ್ಸಾಂಚಾ, ಪಾಕ್ರಾಂಚಾ, ಜ಼ನಾವಾರಾಂಚಾ ಸರ್ಪಾಟ್ಯಾನಿ ಜಾ಼ತ್ಯಾಲ್ಯಾ ಜ಼ನಾವಾರಾಂಚಿ ಪಾಶಾನ ಕರುನ್ ತ್ಯನಾ ವವ್ಯಾಳಾಯಾ ಲಾಗ್ಲಿತ.

²⁴ ಮನ್ಹುನ್ ತ್ಯಂಚಾನಿ ಮನಾತ್ಲೆ ಬುರ‍್ಸೆ ಆಸೆಂಚೆಗತ್ ಚಾ಼ಲುನ್ ಆಪ್ಲಿ ಆಪ್ಲಿ ಶರಿರ ಆಪಲ್ಯಾತುಸ್ ಮರ‍್ಯಾದ್ ಕಾಡುನ್ ಗಿಹುನ್ತ ಮನ್ಹುನ್ ದೇವಾನಿ ತ್ಯನಾ ಬುರ್ಶಾ ಕಾಮಾನಾ ಥರಿವ್ಲಿತ.

²⁵ ತ್ಯಂಚಾನಿ ಖರ‍್ಯಾ ದೆವಾಲಾ ಸುಡುನ್ ಲಬಾಡಾಲಾ ದರ‍್ಹುನ್; ಸ್ರಶ್ಟಿ ಕೇಲ್ಯಾಲ್ಯಾ ದೆವಾಲಾ ಸುಡುನ್ ತ್ಯನಿ ಸ್ರಶ್ಟಿ ಕೆಲ್ಯಾಲೆ ಸ್ರಶ್ಟಿಚಿ ಪುಜಾ ಕರುನ್ ವವ್ಯಾಳಾಯಾ ಲಾಗ್ಲಿತ. ಫನ್ ಸ್ರಶ್ಟಿ ಕೇಲ್ಯಾಲಾ ದೇವ್ ಖಾಯಿಮ್ ವವ್ಯಾಳುನ್ ಗೆನ್ಹಾರ್. ಆಮೇನ್.

²⁶ ತ್ಯಂಚಾನಿ ತಸ ಕೇಲ ಮನ್ಹುನ್, ದೇವಾನಿ ತ್ಯನಾ ಲಾಜ಼ಚಾ ಕಾಮಾನಾ ಸುಡುನ್ ದಿಲಿತ. ತ್ಯಂಚಾ ಬ್ಯಾಯ್ಕಾ ಸಾಹಿತ್ ಸಬಾವಾಚ಼ ಶಾರಿಕ್ ಸಂಬಂದ್ ಸುಡುನ್ ಸಬಾವಾಚೆ ಬಾಹಿರ್ಲಿ ಕಾಮ ಕರಾಯಾ ಲಾಗಲ್ಯಾ.

²⁷ ತಸಸ್, ಗಡಿಬಿ ಬ್ಯಾಯ್ಕಾಂಚಿ ಸಂಗ ಶಾರಿರಿಕ್ ಸಂಬಂದ್ ಕರಾಚ಼ ಸುಡುನ್ ಆಪ್‌ಲ್ಯಾ ಆಪ್‌ಲ್ಯಾತುಸ್ ಸಲಿಂಗಕಾಮಿ ಜಾ಼ಲ್ಹ.ಲಾಜ಼ಗಿಡ ಜಾ಼ಲ್ಹ ಆಪ್ಲೆ ಬುರ್ಶೆ ಚಾ಼ಲ್ನುಕಿಲಾ ಶಾರ್ಕಿ ಸಿಕ್ಷಾ ತೆ ಆಪ್ಲಿವ ಗೆಥ್ಯಾತ.

²⁸ ಕಾ ಮಂಜೆ ದೇವಾಚ಼ ಖರ ಗಿನ್ಯಾನ್ ಗಿಹ್ಯಾಲಾ ತ್ಯಂಚಾನಿ ನಕಾರ್ ಕೇಲಾ. ತ್ಯನಾ ಮನ್ ನವ್ಥ ಮನ್ಹುನ್ ದೇವಾನಿ ತ್ಯನಾ ತ್ಯಂಚಾ ಬುರ್ಶಾ ಮನಾಲಾ ವಪ್ಸುನ್ ದಿಲಿತ. ಮನ್ಹುನ್ ತೀ ಆಪ್ನು ಕರು ನಾಹಿ ತಿ ಕಾಮ್ ಕರ್ತ್ಯಾತ.

²⁹ ತೀ ಸಗ್ಳೆ ತರಚಾ ಬುರ್ಶಾ ಫನಾನಿ ಬರ್ಲ್ಯಾಲಿ ಹಾತ್ತ , ರಾಗ್ , ಖೊಟಫನ್ ಖುನ್ , ಮಾರಾಮಾರ‍್ಯಾ, ನಿಯತ್ ನಸ್‌ಲ್ಯಾಲಿ, ಮೊಸ್, ಹಗೆತನಾನಿ ಬರ್ಲ್ಯಾಲಿ ಹಾತ್ತ. ಚಾ಼ಡಿ ಸಾಂಗ್‌ತ್ಯಾಲಿ.

³⁰ ಆನಿ ದುಸ್‌ರ‍್ಯಾಂಚೆ ಗುಶ್ಟಿತ್ ಬುರ್ಸ ಬೊಲಾಚ಼, ದೇವಾಚಾ಼ ಇರೊದ್ ಕರ್ತ್ಯಾತ. ದಿಮಾಕಾಚಿ, ಗರ್ವಿಚಿ, ಆನಿ ಆಪ್ಲೆ ಗುಶ್ಟಿತ್ ಬಡಾಯಾ ಸಾಂಗ್‍ತ್ಯಾಲಿ ಜಾ಼ಲ್ಯಾತ. ತೀ ಬುರ್ಸಿ ಕಾಮ ಕರಾಯಾ ಖುಬ್ ವಾಟಾ ಶೊತ್ಯಾತ ತೀ ಆಪ್‌ಲೆ ಆಯಿಬಾಲಾ ಐಕತ್ ನಸ್‍ಲ್ಯಾಲಿ.

³¹ ತೇ ಸಮಜ಼ತ್ ನಸ್‌ಲ್ಯಾಲ ಸಾಂಗ್‍ಲ್ಯಾಲ್ಯಾ ಸಬ್ದಾಚೆಗತ್ ಕರಿನಸ್ನಾರ ಆನಿ ತೀ ದುಸ್‌ರ‍್ಯಾಂಚಿವ ದಯಾ ಮಾಯಾ ಕರ್ನಾ ನಸ್ನಾರಿ ಜಾ಼ಲ್ಯಾತ.

³² ಆಸ್‌ಲ್ಯಾನಾ ಮರ್ನಾಚಿ ಶಿಕ್ಶಾ ವ್ಹಯಾ ವ್ಹಯಿ ಮನ್ಹುನ್ ದೇವಾಚ಼ ಧರ್ಮಶಾಸ್ತಾರ್ ಸಾಂಗ್ತ ಮನ್ಹುನ್ ತ್ಯನಾ ಠಾವ ಹಾ. ತರೀಬಿ ತೀ ಆಸ್ಲಿ ಕಾಮ ಕರಿತ್ ರಾಥ್ಯಾತ ಆನಿ ಆಸ್ಲಿ ಕಾಮ ಕರಾಯಾ ದುಸ್‍ರ‍್ಯಾನಾ ಉಮೆದ್ ದೇತ್ಯಾತ.