ದರ್ಶಾನ್ 15 - ದೆವಾಚಿ ಖರಿ ಕಬರ್ ನವಾ ಕರಾರ್

ದೇವ್ದುತಾಪ್ನಿ ಅಲ್ಯಾಲಿ ಸರ್ತಿ ಪಿಡಾ

¹ ನಂತರ್ ಸ್ವರ್ಗಾತ್ ಆನಿ ಯಾಕ್ ಚಮತ್ಕಾರ್ ಮೀ ಬಗ್ಲ. ತ್ಯ ಖುಬ್ ವಿಚಿತ್ರ ಜಾ಼ಲ್ಥ ಸಾತ್ ಪಿಡಾ ಆಂತ್ಯಾಲ ಸಾತ್ ದೇವ್ದುತ್ ತಿಥ ಹುತ್ತ. ದೇವಾಚಾ಼ ರಾಗ್ ಹೆ ಪಿಡಾಂಚಿಪ್ನಿಸ್ ಸಪ್ನಾರ್ ಮನ್ಹುನ್ ಹಿ ಸರ್ತಿ ಪಿಡಾ ಜಾ಼ಲ್ಥಿ.

² ಇಸ್ಥು ಮಿಸಾಳ್ಯಾಲ್ಯಾ ಕಾಚ಼ಚಾ ಸಮಿಂದೊರಾಚೆಗತ್ ದಿಸತ್ಯಾಲ ಕ್ಯಾ ಯಾಕ್ ಮನಾ ದಿಸ್ಲ ಜ಼ನಾವಾರ್ ತ್ಯಚಿ ಪಾಶನ ಆನಿ ತ್ಯಚಾ ನಾವಾಚಾ಼ ನಂಬರ್ ಪಾಡುನ್ ಜಿತ್‌ಲ್ಯಾಲ್ಯಾ ಸಗ್‌ಳ್ಯಾನಾ ಸಮಿಂದೊರಾಪ ಉಬ ಹುತ್ತ. ದೇವಾನಿ ತ್ಯನಾ ದಿಲ್ಯಾಲಿ ತಾರಚಿ ವಾಜ್ಪ ತ್ಯಂಚಿಪ ಹುತ್ತಿತ.

³ ತೇ ದೇವಾಚಾ಼ ಸೇವಕ್ ಜಾ಼ಲ್ಯಾಲ್ಯಾ ಮೊಶೆಚಿ ಗೀತ ಆನಿ ಯಜ್ಞಚ಼ ಮಿಂಡ್ರು ಜಾ಼ಲ್ಯಾಲ್ಯಾಚ ಗಿತ ಮನ್ಲ: ಸರ್ವಶಕ್ತ ದೇವಾ, ತು ಮುಟಿ ಚ಼ಮತ್ಕಾರಾಚಿ ಕಾಮ ಕರ್ತೊಸ್. ಸರ್ವ್ಯಾ ಲೊಕಾಂಚಾ಼ ರಾಜಾ಼, ತುಜಾ಼ ಮಾರೊಗ್ ಚಾ಼ಂಗ್ಲಾ ಆನಿ ಖರಾ ಹಾ.

⁴ ಪ್ರಭು, ಲೊಕ ಸಗ್ಳಿ ತುಲಾ ಬಿತ್ಯಾತ; ಲೊಕ ಸಗ್ಳಿ ತುಜಾ ನಾವಾಚಿ ಸ್ತುತಿ ಕರ್ತ್ಯಾತ. ತು ತ್ಯವ್ಡಾಸ್ ನಿರ್ಮಳ್ ಜಾ಼ಲ್ಯಾಸ್ ತು ನ್ಯಾಯಾಚಿ ಕಾಮ ಕರ್ತೊಸ್ ಆನಿ ಖರ ಹಾ ಮನ್ಹುನ್ ಲೊಕ ಸಗ್ಳಿ ತುಜಿಪ ಯವುನ್ ತುಲಾ ವವ್ಯಾಳ್‌ತ್ಯಾತ”

⁵ ಹ್ಯ ಜಾ಼ಲ್ಯಾ ನಂತರ್ ಮೀ ಬಗ್ಲ ತವಾ ಸ್ವರ್ಗಾಚ಼ ದಿವುಳ್ ಉಗಾಡ್ಲ ತ್ಯಸ್ ದರ್ಶಾನಾಚ಼ ಗುಡಾರ್ ಜಾ಼ಲ್ಥ.

⁶ ಸಾತ್ ಪಿಡಾ ಆಂತ್ಯಾಲ ಸಾತ್ ದೇವ್ ದುತ್ ಗರ‍್ಹಾತ್ನಿ ಬಾಹಿರ್ ಆಲ. ತ್ಯಂಚಾನಿ ಚಾ಼ಂಗ್ಲ ಆನಿ ಶಾದರ ಚ಼ಮಾಕತ್ಯಾಲ ಮಡಿಚ಼ ಕಪ್ಡ ಗ್ಯಾತ್ಲ ಹುತ್ತ. ತ್ಯಂಚಾನಿ ಶಾತಿಚೆ ಸರ್ಬವ್ಹಾರ ಸೊನ್ಯಾಚಾ ಪಟ್ಯಾ ಬ್ಯಾಂದ್‌ಲ್ಯಾ ಹುತ್ಯಾ.

⁷ ಚಾರವ್ಯಾ ಜ಼ನಾವಾರಾತಲ್ಯಾ ಯಕಾ ಜ಼ನಾವಾರಾನಿ ಹ್ಯಾ ಸಾತ್ ದೇವ್ ದುತಾನಾ ಸಾತ್ ನೊನ್ಯಾಚಿ ಐದಾನ ದಿಲಿತ ಹಿ ಐದಾನ ಶಾಸ್ವತ್ ರಾಥ್ಯಾಲ್ಯಾ ದೇವಾಚಾ ರಾಗಾನಿ ಬರ್ಲಿತ.

⁸ ದೇವಾಚಿ ಮೈಮಾ ಆನಿ ಬಳಾಚಾ ದುರ‍್ಹಾನಿ ಘರ್ ಬರ್ಲ ಸಾತ್ ದೇವ್ ದುತಾಂಚಾ ಸಾತ್ ಪಿಡಾ ಸರ ಪರತ್ ಆತ್ ಜಾ಼ಯಾ ಕುನಾಲಾಸ್ ವ್ಹಯಿತ್ ನವ್ಥ.