ಮಾರ್ಕ್ 5 - ದೆವಾಚಿ ಖರಿ ಕಬರ್ ನವಾ ಕರಾರ್

ಭುತ್ ದರ್ಲ್ಯಾಲ್ಯಾಲಾ ಯೇಸುನಿ ಬರ ಕೆಲ್ಯಾಲ

¹ ಮಂಗ್ ಯೇಸು ಆನಿ ತ್ಯಚ಼ ಶಿಶಾ ಗಲಿಲಾಯ್ ಸಮಿಂದೋರಾಚೆ ಪಲಿಕ್ಡ ಗೆನೆಜ಼ರೆತ್ ಸಿಮತ್ ಆಲ.

² ಆನಿ ತ್ಯೊ ವ್ಹಡಿತ್ನಿ ಬಾಹಿರ್ ಯತಾನಾಸ್, ಲಾಗಿರ್ ಲಾಗ್‍ಲ್ಯಾಲಾ ಯೊಕ್ ಮಾನುಸ್ ಮಸುರ್ಡಿತ್ನಿ ತ್ಯಚೆ ಮೊರ‍್ಹ ಆಲಾ.

³ ತ್ಯೊ ಮಸುರ್ಡಿತ್ನಿ ರಾಥ್ಯಾಲಾ, ತ್ಯಲಾ ಬಾಂದುನ್ ಗಾಲಾಯಾ ಕುನಾಲಾ ಶಕ್ಯಾ ನವ್ಥಿ. ತ್ಯಲಾ ಸಾಕ್ಳಿನಿ ಬ್ಯಾಂದ್ಲಾ ತರಿ ಉಪೆಗ್ ವ್ಹಯಿತ್ ನವ್ಥ. ಬಾಂದುನ್ ಗ್ಯಾತ್ಲಾ ಖರ. ಸಗ್‍ಳ್ಯಾ ತುಡುನ್ ಟ್ಯಾಕ್‍ಲ್ಯಾ.

⁴ ಲೊಕಾಂಚಾನಿ ಖುಬ್ ಖೆಪಾ ತ್ಯಚ಼ ಹಾತ್ ಪ್ಯಾ ಸಾಕ್‌ಳ್ಯಾಂಚಾನಿ ಬ್ಯಾಂದ್ಲ ಹುತ್ತ. ಫನ್ ತ್ಯನಿ ತ್ಯಾ ಸಗ್‍ಳ್ಯಾ ತುಡುನ್ ಟ್ಯಾಕ್‍ಲ್ಯಾ. ತ್ಯಲಾ ದರ್‌ಥ್ಯಾಲಾ ಪೈಲ್ ವಾನ್ ತಿಥ ಕೊನ್ ನವ್ಥಾ.

⁵ ತ್ಯೊ ಖಾಯಿಮ್ ರ‍್ಯಾತ್ದಿಸ್ ಗುಢ್ಯಾವ್ನಿ ಗಬ್ಹಿತ್ನಿ ವರ್ಡತ್ ರಾಹಿತಾ ಆನಿ ದೋಂಡ್ಯಾನಿ ಆಪ್ಲ ಆಂಗ್ ಜಿ಼ಜ್ರು಼ನ್ ಗಿಹಿತಾ.

⁶ ತ್ಯನಿ ಯೇಸುಲಾ ದುರ್ನಿ ಬಗುನ್ ಪಳತ್ ಆಲಾ ಆನಿ ತ್ಯಚೆ ಮೊರ‍್ಹ ನಡ್ಗ ಟಿಕ್ವುನ್ ಪಡ್ಲಾ:

⁷ ಆನಿ ಜೊ಼ರಾನಿ ವರ್ಡುನ್, “ಯೇಸು ಪರಮೇಶ್ವರಾಚಾ ಲೇಕಾ, ಮಾಜಿ ಕ್ಯಾಳ್ಜಿ ತುಲಾ ಕಾ? ದೇವಾಶಪತ್ ಮನಾ ಜಾ಼ಚ಼್ ಕರು ನಕೊ” ಮನ್ಲಾ.

⁸ (ಕಾ ಮನ್‌ಲ್ಯಾವ ಯೇಸು ತ್ಯಲಾ, “ಲಾಗಿರಾ ಹ್ಯಾ ಮಾನ್ಸಾಲಾ ಸುಡುನ್ ಬಾಹಿರ್ ಯೇ” ಮನ್ಹಿತಾ).

⁹ ತವಾ ಯೇಸುನಿ ತ್ಯಲಾ, “ತುಜ಼ ನಾವ್ ಕ್ಯಾ? ಮನ್ಹುನ್ ಇಚಾರ್ಲ. ತ್ಯನಿ, “ಮಾಜ಼ ನಾವ್ ಹಿಂಡ್ ಕಾ ಮಂಜೆ ಆಮಿ ಖುಬ್ ಜ಼ನ ಲಾಗಿರ್ ಹಾವ್” ಮನ್ಹುನ್ ಉತ್ತರ್ ದಿಲಾ.

¹⁰ ಆನಿ, “ಹ್ಯಾ ಜಾ಼ಗ್ಯಾವ್ನಿ ಲಾಗಿರಾನಾ ಗಾಲ್ವು ನಕೊಸ್” ಮನ್ಹುನ್ ತ್ಯೊ ಯೇಸುಲಾ ಮನ್ಹಿತಾ.

¹¹ ತಿಥ ಗುಢ್ಯಾಚೆ ಬಾಜೊ಼ಲಾ ಯೊಕ್ ಮೊಟಾ ಡುಕ್ರಾಂಚಾ಼ ಹಿಂಡ್ ಚ಼ರತ್ ಹುತ್ತಾ.

¹² ತವಾ ಲಾಗಿರಾಂಚಾನಿ ಯೇಸುಪ, “ಆಮಾನಾ ತ್ಯಾ ಡುಕ್ರಾತ್ನಿ ಲವುನ್ ದೇ ಆಮಿ ಡುಕ್ರಾತ್ನಿ ಜಾ಼ತಾವ್” ಮನ್ಹುನ್ ಇನಂತಿ ಕೆಲಿ.

¹³ ಆನಿ ಯೇಸುನಿ ತ್ಯನಾ ಮೊಕಳ್ ದಿಲಿ; ತವಾ ತೀ ಲಾಗಿರ ಮಾನ್ಸಾತ್ನಿ ಬಾಹಿರ್ ಯವುನ್. ಡುಕ್ರಾತ್ನಿ ಬರ್ಲಿತ ತೀ ಡುಕ್ರ ಗುಢ್ಯಾವ್ನಿ ಉತ್ರುನ್ ದಾವ್ಹತ್ ಜಾ಼ವುನ್ ದರವ್ನಿ ಸಮಿಂದೋರಾತ್ ಪಡ್ಲಿತ ಆನಿ ಪಾನ್ಯಾತ್ ಬುಡುನ್ ಮಿಲಿತ ತೀ ಕಮಿಸ್ಕಮಿ ದೊನ್ ಹಾಜಾ಼ರ್ ಹುತ್ತಿತ.

¹⁴ ಡುಕ್ರ ರ‍್ಯಾಕ್ನಾರ‍್ಯಾಂಚಾನಿ ಪಳತ್ ಜಾ಼ವುನ್ ಗಾವಾತಲ್ಯಾನಾ ಸೆತಾತ್‍ಲ್ಯಾನಾ ಜಾ಼ಲ್ಯಾಲಿ ಖಬರ್ ಸಾಂಗ್ಲಿ, ತವಾ ಕ್ಯಾ ಜಾ಼ಲ ಮನ್ಹುನ್ ಬಗಾಯಾ ಲೊಕ ತಿಥ ಆಲಿತ

¹⁵ ಆನಿ ತ್ಯಾ ಲೊಕಾಂಚಾನಿ ಲಾಗಿರ್ ದರ್‌ಲ್ಯಾಲಾ ಮಾನುಸ್, ಶಾನಾ ವ್ಹವುನ್ ಚಾ಼ಂಗ್ಲ ಕಪ್ಡ ಗಾಲ್ಹುನ್ ಥಂಡ್ ಬಸ್‍ಲ್ಯಾಲಾ ಬಗುನ್ ಬಿಹ್ಯಾಲಿತ.

¹⁶ ಲಾಗಿರ್ ದರ್‌ಲ್ಯಾಲ್ಯಾ ಮಾನ್ಸಾಚಿ ಆನಿ ಡುಕ್ರಾಂಚಿ ಹಾಕಿಗತ್ ಕುನಿ ಕುನಿ ಬಗ್ಲಿ ಹುತ್ತಿ ತ್ಯಂಚಾನಿ ಆಲ್ಯಾಲ್ಯಾ ಲೊಕಾನಾ ಸಾಂಗ್ಲಿ.

¹⁷ ತವಾ ತೀ ಲೊಕ ಯೇಸುಲಾ, “ತು ಆಮಚಾ಼ ಗಾವ್ ಸುಡುನ್ ಜಾ಼” ಮನ್ಹುನ್ ಖುಬ್ ಇನಂತಿ ಕರಾಯಾಲಾಗ್ಲಿತ.

¹⁸ ನಂತರ್ ಯೇಸು ವ್ಹಡಿತ್ ಚ಼ಡ್ತಾ ಆಸ್ಥಾನಾ, ಆಂದಿ ಲಾಗಿರ್ ದರ್‌ಲ್ಯಾಲಾ ಮಾನುಸ್ ತ್ಯಲಾ, “ಮನಾ ತುಜೆ ಸಂಗ ಯಯಾ ಹುಕುಮ್ ದೇ” ಮನ್ಹುನ್ ಇನಂತಿ ಕರಾಯಾ ಲಾಗ್ಲಾ.

¹⁹ ಖರ ಯೇಸುನಿ ತ್ಯಲಾ ಯವು ದಿಲಾ ನಾಹಿ ತ್ಯಲಾ ಮನ್ಲಾ, ತು ತುಜಾ ಗರ‍್ಹಾತ್ ಆನಿ ತುಜಾ ಸೋಪ್‌ತ್ಯಾಂಚಿಪ ಜಾ಼ ಆನಿ; ಪ್ರಭುನಿ ತುಲಾಕೆಲ್ಯಾಲ ಉಪ್ಕಾರ್ ಆನಿ ತುಜಿವ ದ್ಯಾವ್‍ಲ್ಯಾಲಿ ದಯಾ ತ್ಯನಾ ಸಾಂಗ್. ”

²⁰ ತವಾ ತ್ಯೊ ನಿಗಾಲಾ ಆನಿ ಯೇಸುನಿ ಆಪ್‌ಲ್ಯಾಲಾ ಕೆಲ್ಯಾಲ ಉಪ್ಕಾರ್ ಆನಿ ದಯಾ ದೆಕಪೊಲಿಸ್ ಸಾಂಗಾಯಾ ಲಾಗ್ಲಾ; ತವಾ ಸಗ್‍ಳ್ಯಾನಾ ಆಜಾಬ್ ಜಾ಼ಲಾ.

ಯಾಯಿರಾಚಿ ಲೇಕ್ ಆನಿ ಯೇಸುಚಾ ಕಪ್‍ಡ್ಯಾನಾ ಹಾತ್ ಲ್ಯಾವ್‍ಲ್ಯಾಲಿ ಬಾಯಿಲ್ ಮಾನುಸ್

²¹ ಮಂಗ್ ಯೇಸು ವ್ಹಡಿತ್ ಬಸುನ್ ಆನಿಕ್ ಸಮಿಂದೋರಾಚೆ ದಿಸ್‍ರೆ ಬಾಜೊ಼ಲಾ ಗೆಲಾ ತಿಥ ದರವ ಖುಬ್ ಲೊಕಾಂಚಾ಼ ಯೊಕ್ ಹಿಂಡ್ ತ್ಯಚೆ ಸರ್ಬೌತಾ ಜ಼ಮ್ಲಾ.

²² ತವಾ ಸಬಾ ಮಂದಿರಾತ್ಲಾ ಅಧಿಕಾರಿ ಯಾಯಿರ್ ಮಂಥ್ಯಾಲಾ ತಿಥ ಆಲಾ, ಆನಿ ಯೇಸುಲಾ ಬಗುನ್ ತ್ಯಚಾ ಪಾಯಾತ್ ಪಡ್ಲಾ.

²³ ಆನಿ ಮಾಜಿ಼ ಲ್ಯಾಡ್ಕಿ ಲೇಕ್ ಮರ್ತೆ ತೀ ಜ಼ಗುನಿ ಮನ್ಹುನ್ ತು ಯವುನ್ ತಿಚಿವ ಹಾತ್ ಥೆವ್; ಮನ್ಹುನ್ ತ್ಯಲಾ ಖುಬ್ ಇನಂತಿ ಕರಾಯಾ ಲಾಗ್ಲಾ.

²⁴ ಯೇಸು ತ್ಯಚೆ ಸಂಗ ಗೆಲಾ, ಖುಬ್ ಲೊಕ ಯೇಸುಚೆ ಸಂಗ ಜಾ಼ಯಿತಿತ ಆನಿ ತ್ಯಲಾ ರಿಟಿತಿತ.

²⁵ ತಿಥ ಬಾರಾ ವರ್ಸ ಅಂಗಾವ್ನಿ ರಗಾತ್ ಜಾ಼ತ್ಯಾಲಾ ರೊಗ್ ಆಸ್‍ಲ್ಯಾಲಿ ಯೇಕ್ ಬಾಯಿಲ್ ಮಾನುಸ್ ಹುತ್ತಿ.

²⁶ ತಿನಿ ಖುಬ್ ದವಾಖಾನ ಕೆಲ್ತ ಆಪ್ಲಿಪ್ಲ ಸಗ್ಳ ಪೈಸ ಖರ್ಚ ಕೆಲ ಖರ ತಿಲಾ ಕಾಯ್‍ ಗುನ್ ಗಾವ್ಲಾ ನಾಹಿ ರೊಗ್ ಚಾ಼ವಾಳಾ ಹುತ್ತಾ.

²⁷ ತಿನಿ ಯೇಸುಚಿ ಖಬರ್ ಐಕ್ಲಿ, ಆನಿ ಲೊಕಾಂಚೆ ಮದ್ದಿ ಯೇಸುಚೆ ಮಾಗ ಆಲಿ.

²⁸ ತಿ ಆಪ್‌ಲ್ಯಾ ಮನಾತ್, “ಮಿ ತ್ಯಚಾ ಕಪ್‍ಡ್ಯಾನಾ ಹಾತ್ ಲ್ಯಾವ್ಲಾ ಪುರಾ ಮಿ ಬರಿ ವ್ಹನಾರ್” ಮನ್ಲಿ. ಆನಿ

²⁹ ತಿನಿ ತ್ಯಚಾ ಕಪ್‍ಡ್ಯಾಲಾ ಹಾತ್ ಲ್ಯಾವ್ಲಾ. ತವಾಸ್ ತಿಚಾ ಅಂಗಾವ್ನಿ ರಗಾತ್ ಜಾ಼ಯಾಚ಼ ಬಂದ್ ಜಾ಼ಲ, ತಿಚಾ ಮನಾಲಾ ಆಪ್‌ಲ್ಯಾಲಾ ಬರ ಜಾ಼ಲ ಮನ್ಹುನ್ ಸಮಾಜ಼್ಲ.

³⁰ ತವಾಸ್ ಯೇಸುಲಾ ಆಪ್ಲಿಪ್ಲ ಬಳ್ ಗೆಲ್ಯಾಲ ಸಮಾಜ಼್ಲ, ಆನಿ ಯೇಸುನಿ ಮಾಗಾರ ಪರ್ತುನ್ ಲೊಕಾನಾ, “ಮಾಜಾ ಕಪ್‍ಡ್ಯಾಲಾ ಕುನಿ ಹಾತ್ ಲ್ಯಾವ್‍ಲ್ಯಾಲಾ? ಮನ್ಹುನ್ ಇಚಾರ್ಲ.

³¹ ತ್ಯಚ಼ ಶಿಶಾ ತ್ಯಲಾ ಮನ್ಲ, “ ಸಗ್ಳಿಕ್ನಿ ಲೊಕ ತುಲಾ ರೆಟ್ಯಾಲಿ ತು ಬಗತ್ಯೊಸ್ ಆನಿ ಕುನಿ ಮನಾ ಹಾತ್ ಲ್ಯಾವ್ಲಾ ಮನ್ಹೂ‍ನ್‍ ಕಾ ಇಚಾರ್ತೊಸ್?

³² ಖರ ಯೇಸು ಹಾತ್ ಲ್ಯಾವ್‍ಲ್ಯಾಲಿಲಾ ಬಗಾಯಾ ವ್ಹಯಿ ಮನ್ಹುನ್ ಸರ್ಬೌರ್ ಪರ್ತುನ್ ಬಗ್ಲ.

³³ ತವಾ ತೀ ಬಾಯಿಲ್ ಮಾನುಸ್ ಆಪ್‌ಲ್ಯಾಲಾ ಜಾ಼ಲ್ಯಾಲ ಸಮಜು಼ನ್ ಬಿಹುನ್ ಮೊರ‍್ಹ ಯವುನ್ ಯೇಸುಚಾ ಪಾಯಾತ್ ಪಡುನ್ ಸಗ್ಳ ಖರ ಸಾಂಗ್ಲ.

³⁴ ಯೇಸು ತಿಲಾ ಮನ್ಲಾ, “ಲಿಕಿ ತುಜಾ ಇಸ್ವಾಸಾನಿ ತುಲಾ ಬರ ಜಾ಼ಲ್ಯಾ ಸಮಾದಾನಾನಿ ಜಾ಼ ಆನಿ ತುಜಾ ರೊಗಾತ್ನಿ ಸುಟ್ಕಿ ಹೋ” ಮನ್ಲಾ.

³⁵ ಯೇಸು ಹ್ಯ ಸಾಂಗಿತ್ ಆಸ್ಥಾನಾ ಸಬಾ ಮಂದಿರಾತ್ಲಾ ಅಧಿಕಾರಿ ಜಾ಼ಲ್ಯಾಲ್ಯಾ ಯಾಯಿರಾಚಾ ಗರ‍್ಹಾತ್ನಿ ಥೊಡಜಾ಼ನ್ ಯವುನ್, “ತುಜಿ ಲೇಕ್ ಮಿಲಿ ಆತಾ ಪ್ರಬುಲಾ ಕಶಾಲಾ ಕಾಂಬಿವ್ತೊಸ್? ಮನ್ಲಾ.

³⁶ ಖರ ಯೇಸುನಿ ತ್ಯಂಚ಼ ಬೊಲ್ನ ದೆನ್ಹಾತ್ ಗೆತ್ಲ ನಾಹಿ ಆನಿ ಸಬಾಮಂದಿರಾತ್‌ಲ್ಯಾ ಅಧಿಕಾರ‍್ಯಾಲಾ , “ಬಿಹು ನಕೊ, ಇಸ್ವಾಸ್ ತ್ಯವ್ಡಾಸ್‍ ರಾಹುನಿ” ಮನ್ಲಾ.

³⁷ ನಂತರ್ ಪೇತ್ರಾ, ಯಾಕೊಬ್, ಯಾಕೋಬಾಚಾ ಬಾಹು ಯೊಹಾನ್ ಹ್ಯನಾ ಸುಡುನ್ ಆನಿ ಕುನಾಲಾ ಆಪ್ಲೆ ಸಂಗ ಯವುದಿಲ ನಾಹಿ.

³⁸ ತೇ ಸಬಾಮಂದಿರಾತ್ಲಾ ಅಧಿಕಾರಿ ಜಾ಼ಲ್ಯಾಲ್ಯಾ ಯಾಯಿರಾಚಾ ಗರ‍್ಹಾತ್ ಆಲ, ತವಾ ಲೊಕ ಮೊಟ್ಯಾನಿ ರಡತ್ ತಳ್ಮಳತ್ ಗಾನ್ಹಾ ಕರ್ತ್ಯಾಲಿ ಬಗುನ್,

³⁹ ಯೇಸು ಆತ್ ಜಾ಼ವುನ್, “ತುಮಿ ಕಾ ರಡ್ತಾಸಾ? ಕಸ್ಯಾಲಾ ಯವ್ಡಾ ಗಾನ್ಹಾ ಕರ್ತಾಸಾ? ಪ್ಯೊರ್ ಮಿಲಿ ನಾಹಿ, ನಿಜ್ಲೆ಼” ಮನ್ಲಾ.

⁴⁰ ತವಾ ಲೊಕಾಂಚಾನಿ ತ್ಯ ಮಸ್ಕರಿ ಸಮಜು಼ನ್ ಹಾಸ್ಲಿತ. ಫನ್ ಯೇಸುನಿ ತ್ಯನಾ ಸಗ್‍ಳ್ಯಾನಾ ಬಾಹಿರ್ ಗಾಲಿವ್ಲಿತ, ಆನಿ ಪುರಿಚಿ ಆಯಿ ಬಾಲಾ ಆನಿ ಆಪ್ಲೆ ಸಂಗ ಆಲ್ಯಾಲ್ಯಾನಾ ಗಿಹುನ್ ಆತ್ ಪ್ಯೊರ್ ಹುತ್ತಿ ತಿಥ ಗೆಲ.

⁴¹ ಆನಿ ಪುರಿಚಾ಼ ಹಾತ್ ದರುನ್ ತಿಲಾ, “ತಲಿಥಾ ಕುಮ್!” ಮನ್ಲಾ. ಮಂಜೆ ಹ್ಯಚಾ಼ ಆರ್ಥ “ಬಾಯಾ ಉಟ್!” ಮನ್ಹುನ್.

⁴² ತವಾಸ್ ತೀ ಪ್ಯೊರ್ ಉಠುನ್ ಚಾ಼ಲಾಯಾ ಲಾಗ್ಲಿ, ತಿ ಬಾರಾ ವರ್ಸಾಚಿ ಪ್ಯೋರ್, ಹ್ಯ ಬಗುನ್ ಲೊಕಾನಾ ಆಜಾಬ್ ಜಾ಼ಲಾ.

⁴³ ಮಂಗ್ ಯೇಸುನಿ ತ್ಯನಾ, “ಹ್ಯ ಕುನಾಲಾ ಸಾಂಗು ನಕೊಸಾ ಮನ್ಹುನ್ ಖಡ್ಯಾವುನ್ ಸಾಂಗುನ್ ತೆ ಪುರಿಲಾ “ಖಾಯಾ ದೇವಾ” ಮನ್ಹುನ್ ಸಾಂಗ್ಲ.