ಮತ್ತಾಯ್ 26 - ದೆವಾಚಿ ಖರಿ ಕಬರ್ ನವಾ ಕರಾರ್

ಯೇಸುಲಾ ಮಾರುನ್ ಟಾಕಾಯಾ ಯವಜ್ನಾ಼

¹ ಯೇಸುನಿ ಹ್ಯಾ ಗುಶ್ಟಿ ಸುಪಿವ್‌ಲ್ಯಾ ನಂತರ್, ಆಪ್‌ಲ್ಯಾ ಶಿಶಾನಾ ಸಾಂಗ್ಲ

² “ಪರ್ವಾದಿಸಿ ಪಸ್ಕಾಚಾ಼ ಸನ್ ಮನ್ಹುನ್ ತುಮಾನಾ ಠಾವಾ ಹಾ. ತವಾ ಮಾನ್ಸಾಚಾ ಲೇಕಾಲಾ ಶಿಲಬೆವ ಗಾಲಾಲಾ ವಾದಿಂಚಾ ಹಾತಾತ್ ದೇನಾರ್. ಮನ್ಲಾ.

³ ಹಿಕ್ಡ ಮಹಾಯಾಜಕ್ ಆನಿ ಯೆಹುದಿ ಜಾಂತ್ಯಾಂಚಾ಼, ಮುಖ್ಯ ಯಾಜಕಾಚಾ ಗರ‍್ಹಾಚಾ ಆಂಗ್ನಾತ್ ಮೇಳಾ ಜ಼ಮ್ಲಾ. ಮುಖ್ಯ ಯಾಜಕಾಚ಼ ನಾವ್ ಕಾಯಪ್.

⁴ ತ್ಯಾ ಮೇಳಾತ್ ತೆ ಯೇಸುಲಾ ಪಾರ್ಕಿನಿ ದರುನ್ ಮಾರುನ್ ಟಾಕಾಯಾ ಯವಜ್ನಾಕಿಲಿ.

⁵ ಫನ್ ಲೊಕಾಂಚಾನಿ ಆಮಿ ಪಸ್ಕಾಚಾ ಸನಾಚಾ ಕಾಲಾತ್ ಯೇಸುಲಾ ಕೊಂಡಾಯಾ ವ್ಹನಾರ್ ನಾಹಿ ಕಾ ಮಂಜೆ ಲೊಕಾಂಚಾ಼ ಗಾನ್ಹಾ ವ್ಹಯಿಲ್ ಮನ್ಹುನ್ ಸಾಂಗ್ಲ.

ಯೇಸುನಿ ಭೆಥಾನಿತ್ ಅಭಿಶೇಕ್ ಕೆಲ್ಯಾಲಾ

⁶ ಯೇಸು ಬೆತಾನಿತ್ ಆಸ್ಥಾನಾ ಸಿಮೊನ್ ಮಂಥ್ಯಾಲ್ಯಾ ಕುಶ್ಟ ರೊಗಿಚಾ ಗರ‍್ಹಾತ್ ಹುತ್ತಾ.

⁷ ತವಾ ಯೇಕ್ ಬ್ಯಾಯ್ಕಾ ಮಾನುಸ್ ಖುಬ್ ಕಿಮ್ತಿಚ಼ ವಾಸಾಚ಼ ತ್ಯಾಲ್ ಗಾರಚಾ ದೊಂಡ್ಯಾಚಿ ಬರ್ನ್ಹಿ ಗಿಹುನ್ ಯವುನ್ ಜೆವ್ನಾಲಾ ಬಸ್‌ಲ್ಯಾಲ್ಯಾ ಯೇಸುಚೆ ಡುಯಿವ ತ್ಯ ವಾಸಾಚ಼ ತ್ಯಾಲ್ ವತ್ಲ.

⁸ ಹ್ಯ ಬಗ್‌ಲ್ಯಾಲ್ಯಾ ಶಿಶಾಂಚಾನಿ ತೇ ಬ್ಯಾಯ್ಕಾ ಮಾನ್ಸಾವ ರಾಗ್ ಕರುನ್, “ತ್ಯ ವಾಸಾಚ಼ ತ್ಯಾಲ್ ಕಾ ನಾಸ್ ಕೆಲಸ್?

⁹ ತ್ಯ ಖುಬ್ ಪೈಸ್ಯಾನಾ ಇಕುನ್ ಗರಿಬ್ ಲೊಕಾನಾ ದಿಯಾಚ಼ ಹುತಸ್ ನವ್ಹ!” ಮನ್ಲ.

¹⁰ ಫನ್ ಹ್ಯಾ ಕಾಮಾಲಾ ಕಾರನ್ ಸಮಾಜ್‌ಲ್ಯಾಲಾ ಯೇಸು ಆಪ್‌ಲ್ಯಾ ಶಿಶಾನಾ, ಹೆ ಬ್ಯಾಯ್ಕಾ ಮಾನ್ಸಾಲಾ ಕಾ ತರಾಸ್ ದೇತಾಸಾ? ತಿನಿ ಮನಾ ಖುಬ್ ಚಾ಼ಂಗ್ಲ ಕಾಮ್ ಕೆಲ್ಯಾ.

¹¹ ಗರಿಬ್ ಲೊಕ ತುಮ್ಚಿ ಸಂಗ ಕವಾಬಿ ರಾಥ್ಯಾತ ಫನ್ ಮಿ ತುಮ್ಚಿ ಸಂಗ ಖಾಯಿಮ್ ರಾಹಿತ್ನಾಹಿ

¹² ಮಿ ಮೆಲ್ಯಾ ನಂತರ್ ಮನಾ ಮಸುರ್ಡಿತ್ ನೆಥಾನಾ ತಯಾರ್ ಕರಾಯಾ ಸಾಟಿ ಹೆ ಬ್ಯಾಯ್ಕಾ ಮಾನ್ಸಾನಿ ಮಾಜಾ ಆಂಗಾವ ವಾಸಾಚ಼ ತ್ಯಾಲ್ ವತ್ಲ.

¹³ ಮಿ ತುಮಾನಾ ಖರ ಸಾಂಗ್ತೊ. ದುನೆತ್ ಕುಠ ಕುಠ ಚಾ಼ಂಗ್ಲಿ ಖಬರ್ ಸಾಂಗ್ತಿಲ ತಿಥ ಹ್ಯ ಕಾಮ್ ಹಿಚೆ ಯದಸಾಟಿ ಸಾಂಗನಾರ್ ಮನ್ಲಾ.

ಯುದ್ ಯೇಸುಲಾ ದರ‍್ಹುನ್ ದಿಯಾ ವಪ್ಲಾ

¹⁴ ಮಂಗ್ ಬಾರಾ ಜಾ಼ನ್ ಶಿಶಾತ್ಲಾ ಯೊಕ್ ಇಸ್ಕರಿ ಯುದ್ ಮಹಾಯಾಜಕಾಂಚಿಪ ಜಾ಼ವುನ್,

¹⁵ “ಯೇಸುಲಾ ತುಮಾನಾ ದರ‍್ಹುನ್ ದಿಲಾತ ತುಮಿ ಮನಾ ಕ್ಯವ್ಡ ಪೈಸ ದೇನಾರ್? ಮನ್ಹುನ್ ಇಚಾರ್ಲ ಮಹಾ ಯಾಜಕಾಂಚಾನಿ ತೀಸ್ ಚಾ಼ಂದಿಚ಼ ಆನ ಯುದಾಲಾ ದಿಲ.

¹⁶ ತಿಸಿಚಾನ್ ಯೇಸುಲಾ ದರುನ್ ದಿಯಾ ಯೊಳ್ ರಾಖಿತಾ.

ಪಸ್ಕಾಚಾ ಜೆವ್ನಾಚಿ

¹⁷ ಆಂಬಾಟ್ ನಸ್‌ಲ್ಯಾಲ್ಯಾ ಬಾಕ್ರಿಚಾ ಸನಾಚಾ ಪೈಲ್ಯಾ ದಿಸಾ ದಿಸಿ ಶಿಶಾಂಚಾನಿ ಯೇಸುಪ ಯವುನ್ “ಆಮಿ ತುಜಿ ಸಾಟಿ ಪಸ್ಕಾಚಾ ಸನಾಚ಼ ಜೆವಾನ್ ಕುಠ ತಯಾರ್ ಕರಾವ? ಮನ್ಹುನ್ ಇಚಾರ್ಲ.

¹⁸ ತ್ಯಲಾ ಯೇಸುನಿ ತುಮಿ ಪೆಠತ್ ಜಾ಼ವುನ್ ಮಿ ದ್ಯಾವ್‌ತ್ಯಾಲ್ಯಾ ಮಾನ್ಸಾಪ ಜಾ಼ವುನ್ ತ್ಯಲಾ ನಿವ್ಡುನ್ ಗೇತಲ್ಯಾಲಾ ಯೊಳ್ ಜ಼ವಳ್ ಆಲಾ ಮಿ ಪಸ್ಕಾಚಾ ಸನಾಚ಼ ಜೆವಾನ್ ತುಜಾ ಗರ‍್ಹಾತ್ ಮಾಜಾ ಶಿಶಾಂಚೆ ಸಂಗ ಕರ್ತೊ ಮನ್ಹುನ್ ಮಾಸ್ಥರ್’ ಸಾಂಗ್‍ತ್ಯೊ ಮನ್ಹುನ್ ಸಾಂಗಾ.”

¹⁹ ಯೇಸುನಿ ಸಾಂಗ್‌ಲ್ಯಾ ಶಾರ್ಕ ಶಿಶಾಂಚಾನಿ ಪಸ್ಕಾಚಾ ಸನಾಚ಼ ಜೆವಾನ್ ತಯಾರ್ ಕೆಲ.

²⁰ ಶಾಂಚ಼ ಯೇಸು ಆಪ್‌ಲ್ಯಾ ಬಾರಾ ಜಾ಼ನ್ ಶಿಶಾಂಚೆ ಸಂಗ ಜೆವ್ನಾಲಾ ಬಸ್ಲಾ ಹುತ್ತಾ.

²¹ ತೇ ಸಗ್ಳ ಜೆವಾನ್ ಖಾತಾನಾ ಯೇಸುನಿ, “ಮಿ ತುಮಾನಾ ಖರ ಸಾಂಗ್ತೊ. ಹಿತ್ತ ಆಸ್‌ಲ್ಯಾಲ್ಯಾತ್ಲಾ ಯಕ್ಲಾ ಮನಾ ವಾದಿಂಚಿಪ್ನಿ ದೇನಾರ್ ಮನ್ಲಾ.

²² ಶಿಶಾಂಚಾನಿ ಹ್ಯ ಐಕುನ್ ಖುಬ್ ರಡ್ಲ ಆನಿ ಪರತೇಕ್ ಶಿಶಾ ಯೇಸುಲಾ ಪ್ರಭು ಖರ‍್ಯಾನಿ ಮಿ ನವ್ಹ? ಮನ್ಹುನ್ ಸಾಂಗಾಯಾ ಲಾಗ್ಲ.

²³ ಯೇಸುನಿ ವ್ಯಾಟ್‍ಕ್ಯಾತ್ ಮಾಜೆ ಸಂಗ ಆಪ್ಲ ಹಾತ್ ಗ್ಯಾಲತ್ಯಾಲಾ ಮನಾ ಮಾಜಾ ವೈರಿಂಚಾ ಹಾತಾತ್ ದಿಯಿಲ್.

²⁴ ಪವಿತ್ರ ಪುತೀಕಾತ್ ಲಿವ್‌ಲ್ಯಾ ಶಾರ್ಕ ಮಾನ್ಸಾಚಾ಼ ಲ್ಯೊಕ್ ನಿಗುನ್ ಜಾ಼ವುನ್ ಮರ್ನಾರ್. ಖರ ತ್ಯಲಾ ಮಾರುನ್ ಟಾಕಾಯಾ ದೇತ್ಯಾಲ್ಯಾಲಾ ಖುಬ್ ತರಾಸ್ ವ್ಹನಾರ್ ತ್ಯೊ ಜ಼ಲಾಮ್ಲಾ ನಸ್ಥಾತ ಖುಬ್ ಬರ ವ್ಹಯಾಚ಼ ಹುತ್ತ ಮನ್ಹುನ್ ಸಾಂಗ್ಲ.

²⁵ ತವಾ, ಯೇಸುಲಾ ತ್ಯಚಾ ವಾದಿಂಚಾ ಹಾತಾತ್ ದೇತ್ಯಾಲಾ ಯುದ್ ಪ್ರಬು ಮಿ ಕ್ಯಾ? ಮನ್ಲಾ. ತ್ಯಲಾ ಯೇಸು ವ್ಹಯ್ ತುಸ್ ತ್ಯೊ? ಮನ್ಲಾ.

ಪ್ರಭುಚ಼ ಜೆವಾನ್

²⁶ ತೇ ಜೆವ್ತಾನಾ ಯೇಸುನಿ ಬಾಕ್ರಿ ಗಿಹುನ್ ತ್ಯಚಿ ಸಾಟಿ ದೇವಾಲಾ ಉಪ್ಕಾರ್ ಸಾಂಗುನ್ ತೀ ಮುಡುನ್ ಗೇವ್ಹಾ ಖಾವಾ ಹ್ಯ ಮಾಜ಼ ಧಡ್ ಮನ್ಹುನ್ ಸಾಂಗುನ್ ಆಪ್‌ಲ್ಯಾ ಶಿಶಾನಾ ದಿಲ.

²⁷ ಮಂಗ್ ಯೇಸುನಿ ದರಾಕ್ಶಿಚಾ ರಸಾಚ಼ ಐದಾನ್ ಗಿಹುನ್ ತ್ಯಚಿಸಾಟಿ ದೇವಾಲಾ ಉಪ್ಕಾರ್ ಸಾಂಗುನ್, “ತುಮಿ ಸಗ್ಳ ಹ್ಯ ಪಿವಾ. ಮನ್‍ಲ್ಹಾ

²⁸ ಹ್ಯ ನವಾ ಕರಾರ್ ದಾವುನ್ ದೇತ್ಯಾಲ ಮಾಜ಼ ರಗಾತ್. ಹ್ಯ ಖುಬ್ ಲೊಕಾಂಚ಼ ಪಾಪ ಮಾಪ್ ಕರಾಯಾ ಶಾಂಡ್‌ಲ್ಯಾಲ ರಗಾತ್

²⁹ ಮಿ ತುಮಾನಾ ಸಾಂಗ್ತೊ, ಮಾಜಾ ಬಾಚಾ ರಾಜಾತ್ ಆನಿಕ್ ಮಿಳುನ್ ದರಾಕ್ಶಿಚಾ಼ ರಸ್ ನವಿನಿ ಪಿಯಿ ಪತರ್ ತ್ಯ ಆನಿಕ್ ಪಿನಾರುಸ್ ನಾಹಿ” ಮನ್ಹುನ್ ಸಾಂಗುನ್ ಲೊಕಾನಾ ಪಿಯಾ ದಿಲ.

³⁰ ತವಾ ಶಿಶಾ ಸಗ್ಳ ಪಸ್ಕಾಚಾ ಸನಾಚ಼ ಗೀತ್ ಮನ್ಲ ನಂತರ್ ತೇ ಆಲಿವ್ ಮೊಟ್ಯಾ ಗುಢ್ಯಾವ ಗೆಲ.

ಪೇತ್ರಾ ಯೇಸುಚಿ ವಳಕ್ ದಾವಿತ್ ನಾಹಿ

³¹ ತವಾ ಯೇಸುನಿ ಆಪ್‍ಲ್ಯಾ ಶಿಶಾನಾ, “ಆಚ್ಚೆ ರಾತಿತ್ ತುಮಿ ಮನಾ ಸುಡುನ್ ಪಳುನ್ ಜಾ಼ನ್ಹಾರ್. ‘ಮಿ ಕುರುಬುರಾಲಾ ಮಾರುನ್ ಟ್ಯಾಕ್ನಾರ್, ತವಾ ಮೆಂಡ್ರ ಸಗ್ಳಿ ಪಗಾಳ್ನಾರ್’ ಜಕರಿಯಾ 13:7 ಮನ್ಹುನ್ ದೇವಾನಿ ಪವಿತ್ರ ಪುತೀಕಾತ್ ಲಿವ್‌ಲ್ಯಾ.

³² ಫನ್ ಮಿ ಮೆಲ್ಯಾ ನಂತರ್ ಜಿತ್ತಾ ವ್ಹವುನ್ ಯನಾರ್ ಪರತ್ ಮಿ ಗಲಿಲಾಯಾತ್ ಜಾ಼ನಾರ್ ತುಮಿ ತಿಥ ಜಾ಼ಯಾಚೆ ಆಂದಿ ಮಿ ತಿಥ ರಾನ್ಹಾರ್ ಮನ್ಹುನ್ ಸಾಂಗ್ಲ.

³³ ಫನ್ ಪೇತ್ರಾ ಆನಿ ರಾಯ್‌ಲ್ಯಾಲ ಶಿಶಾ ಸಗ್ಳ ತುಜಿಸ್ ಲಾಗುನ್ ಆಪ್ಲಾ ಇಸ್ವಾಸ್ ಸಾಂಡುನ್ ಗಿತಿಲ ಫನ್ ಮಿ ತ್ಯವ್ಡಾಸ್ ತಸ ಕರ್ನಾರ್ ನಾಹಿ ಮನ್ಹುನ್ ಉತ್ತರ್ ದಿಲಾ.

³⁴ ಯೇಸುನಿ, “ಮಿ ತುಮಾನಾ ಖರ ಸಾಂಗ್ತೊ. ಆಜ಼್ ರ‍್ಯಾಚಾ಼ ಕೊಂಬ್ಡಾ ಬವಾಚೆ ಆಂದಿ ತು ಮಾಜೆ ಗುಶ್ಟಿತ್ ತ್ಯೊ ಮನಾ ಠಾವಾಸ್ ನಾಹಿ ಮನ್ಹುನ್ ತೀನ್ ಖೆಪಾ ಸಾಂಗ್ನಾರ್” ಮನ್ಲಾ.

³⁵ ಫನ್ ಪೇತ್ರಾ, “ಮಿ ತುಜಿ ಸಂಗ ಮೇಲೊ ತರಿ, ತು ಮನಾ ಠಾವಾ ನಾಹಿ ಮನ್ನಾರ್‌ ನಾಹಿ” ಮನ್ಲಾ. ರಾಹಿಲ್ಯಾಲ್ಯಾ ಶಿಶಾಂಚಾನಿಬಿ ತಸಸ್ ಸಾಂಗ್ಲ.

ಯೇಸುನಿ ಗೆತ್ಸೆಮನೆತ್ ಮಾಗ್ನ ಕೆಲ್ಯಾಲ

³⁶ ಮಂಗ್ ಯೇಸು ಆಪ್‌ಲ್ಯಾ ಶಿಶಾಂಚೆ ಸಂಗ ಗೆತ್ಸೆಮನೆ ಮಂಥ್ಯಾಲ್ಯಾ ಜಾ಼ಗ್ಯಾವ ಗೆಲಾ. ಯೇಸುನಿ ಆಪ್‌ಲ್ಯಾ ಶಿಶಾನಾ ಮಿ ತಿಥ ಜಾ಼ವುನ್ ಮಾಗ್ನ ಕರುನ್ ಯಯಿಪರತ್ ಹಿತ್ತಸ್ ರಾವ್ಹಾ ಮನ್ಹುನ್ ಸಾಂಗ್ಲ.

³⁷ ಯೇಸು ಪೇತ್ರಾಲಾ ಆನಿ ಜೆಬೆದಾಯಾಚಾ ದೊಗಾ ಪ್ಯೊರ್‌ಗ್ಯಾನಾ ಆಪ್ಲಿ ಸಂಗ ಗಿಹುನ್ ಗೆಲಾ. ತವಾ ಯೇಸುಚಾ ಮನಾಲಾ ಖುಬ್ ದುಕ್ ವ್ಹವುನ್

³⁸ ತ್ಯನಾ, “ಮಾಜಾ ಮನಾಲಾ ಖುಬ್ ದುಕ್ ಜ಼ಾಲ್ಯಾ. ಮಾಜ಼ ಮನ್ ದುಖಾನಿ ಮರ ಶಾರ್ಕಿ ಜಾ಼ಲ್ಯಾ. ತುಮಿ ಮಾಜಿ ಸಂಗ ಹಿತ್ತಸ್ ಜಾ಼ಗ ರಾವ್ಹಾ ಮನ್ಲಾ.

³⁹ ಮಂಗ್ ಯೇಸು ತ್ಯಂಚಿಪ್ನಿ ಥೊಡಾ ದುರ್ ಜಾ಼ವುನ್ ಜಿಮ್ನಿವ ಆಡ್ವಾ ಪಡುನ್ ಮಾಜಾ ಬಾ ಜಾ಼ಲತ ತರಾಸಾಚ಼ ಹ್ಯ ಐದಾನ್ ಮನಾ ದಿವು ನಕೊ. ಫನ್ ಮಾಜಾ ಮನಾ ಶಾರ್ಕ ನವ್ಹ ತುಜಾ ಮನಾ ಶಾರ್ಕಸ್ ಕರ್ ಮನ್ಹುನ್ ಮಾಗ್ನ ಕೆಲ

⁴⁰ ಮಂಗ್ ಯೇಸು ಆಪ್‌ಲ್ಯಾ ಶಿಶಾಂಚಿಕ್ಡ ಮಾಗಾರಾ ಪರಾತ್ಲಾ. ತೇ ನಿಸ್‌ತ್ಯಾಲ ಬಗುನ್ ತ್ಯನಿ, “ತುಮಾನಾ ಮಾಜಿಸಂಗ ಯೇಕ್ ತಾಸ್ ತರಿ ಜಾ಼ಗ ರಾಹ್ಯಾ ವ್ಹಯಿತ್ನಾಹಿ ಕ್ಯಾ?

⁴¹ ತುಮಿ ಪರಿಕ್ಷೆತ್ ಗಾವುನಾಹಿಸಾ ಮನ್ಹುನ್ ಜಾ಼ಗ ರಾಹುನ್ ಮಾಗ್ನ ಕರಾ. ಮನ್ ಶಾರ್ಕ ಹಾ ಫನ್ ಆಂಗಾಲಾ ಬಳ್ ಪುರೊ ವ್ಹಯಿನಾ” ಮನ್ಹುನ್ ಸಾಂಗ್ಲ.

⁴² ಯೇಸು ದೊನ್ವೆ ಪಾವ್ಟಿ ಥೊಡಾ ದುರ್ ಜಾ಼ವುನ್ ಮಾಗ್ನ ಕರೀತ್ ಮಾಜಾ ಬಾ ತರಾಸಾಚ಼ ಹ್ಯ ಐದಾನ್ ಮಾಜಿಪ್ನಿ ಕಾಡುನ್ ಗಿಹ್ಯಾ ವ್ಹಯಿತ್ನಾಹಿತ ಆನಿ ಮಿ ತ್ಯ ಕರಾಲಾಸ್ ವ್ಹಯಿ ಮನ್ಲಾಸ್ತ ತುಜಾ ಮನಾ ಶಾರ್ಕಸ್ ವ್ಹವುನಿ ಮನ್ಲಾ.

⁴³ ಮಂಗ್ ಯೇಸು ಆಪ್‌ಲ್ಯಾ ಶಿಶಾಂಚಿಕ್ಡ ಮಾಗಾರಾ ಪರಾತ್ಲಾ ತವಾ ತೇ ಆನಿ ನಿಜ಼ಲ್ಯಾಲ ಬಗ್ಲ. ತ್ಯಂಚ಼ ಡೊಳ ಪೆಂಗಾನಿ ಬರ್ಲ ಹುತ್ತ.

⁴⁴ ಮನ್ಹುನ್ ಯೇಸುನಿ ಆನಿಯಂಗ್ದಾ ತ್ಯನಾ ಸುಡುನ್ ಥೊಡಾ ದುರ್ ಜಾ಼ವುನ್ ತಿನ್ವೆ ಪಾವ್ಟಿ ತಸಸ್ ಮಾಗ್ನ ಕೆಲ.

⁴⁵ ಮಂಗ್ ಯೇಸು ಆಪ್‌ಲ್ಯಾ ಶಿಶಾಂಚಿಕ್ಡ ಪರ್ತುನ್, “ತುಮಿ ಆನಿಕ್ ನಿಜ಼ತ್ ಆರಾಮ್ ಗೇಥ್ಯಾಸಾ ಕ್ಯಾ? ಪಾಪಿ ಜಾ಼ಲ್ಯಾಲ್ಯಾ ಲೊಕಾಂಚಿಪ ಮಾನ್ಸಾಚಾ ಲೇಕಾಲಾ ದಿಯಾಚಾ಼ ಯೊಳ್ ಜ಼ವಳ್ ಆಲಾ.

⁴⁶ ಆಮಿ ಜಾ಼ಯಾ ವ್ಹಯಿ. ಉಠಾ! ಮನಾ ವಾದಿಪ್ನಿ ದೇತ್ಯಾಲಾ ಮಾನುಸ್ ಹಿತ್ತಸ್ ಯಯಾಲಾಗ್‌ಲ್ಯಾ” ಮನ್ಹುನ್ ಸಾಂಗ್ಲ.

ಯೇಸುಲಾ ಕ್ಯೊಂಡ್‌ಲ್ಯಾಲಾ

⁴⁷ ಯೇಸು ಬೊಲ್‌ತ್ಯಾಲಾ ಆಸ್ಥಾನಾಸ್ ಯುದ್ ತಿಥ ಆಲಾ. ಯುದ್ ಬಾರಾಜಾ಼ನ್ ಶಿಶಾತ್ಲಾ ಯೊಕ್ ಜಾ಼ಲ್ಥಾ ಮಹಾಯಾಜಕ್ ಆನಿ ಜಾಂತ್ಯಾಂಚಾನಿ ಲಾವುನ್ ದಿಲ್ಯಾಲಿ ಖುಬ್ ಲೊಕ ತ್ಯಚಿ ಸಂಗ ಹುತ್ತಿತ. ತೀ ಕೊಂಗಳ್ಯಾ ಆನಿ ಟೊನ ದರುನ್ ಹುತ್ತಿತ.

⁴⁸ ಯೇಸು ಕೊನ್ ಮನ್ಹುನ್ ಸಮಜು಼ನ್ ಗಿಹ್ಯಾ ಯುದಾನಿ ತ್ಯನಾ ಮಿ ಕಚಾಚಾ಼ ಮುಕ್ಕಾ ಗೆತೊ ತ್ಯೊಸ್. ತ್ಯಲಾ ದರ‍್ಹಾ” ಮನ್ಹುನ್ ಯೇಕ್ ಖುನಾ ಸಾಂಗುನ್ ದಿಲ್ತಿ.

⁴⁹ ತಸಾಸ್ ಯುದ್ ಯೇಸುಪ ಜಾ಼ವುನ್, “ಮಾಸ್ಥರಾ ಬರಾ ಹಾಸ್ ಕ್ಯಾ ಮನ್ಹುನ್ ಸಾಂಗುನ್ ತ್ಯಚಾ಼ ಮುಕ್ಕಾ ಗೆತ್ಲಾ.

⁵⁰ ತವಾ ಯೇಸುನಿ, “ಸೋಪ್‌ತ್ಯಾ, ತು ಕರಾಲಾ ಆಲ್ಯಾಲ ಕಾಮ್ ಹ್ಯಸ್ ಕ್ಯಾ? ಮನ್ಲಾ. ತವಾಸ್ ತ್ಯಾ ಲೊಕಾಂಚಾನಿ ಯವುನ್ ಯೇಸುಲಾ ದರುನ್ ಕ್ಯೊಂಡ್ಲಾ.

⁵¹ ತವಾ ಯೇಸುಚೆ ಸಂಗ ಆಸ್‌ಲ್ಯಾಲ್ಯಾ ಯಕಾನಿ ಆಪ್ಲ ಹತ್ಯಾರ್ ಬಾಹಿರ್ ವಡುನ್ ಮುಖ್ಯ ಯಾಜಕಾಚಾ ಸೇವಕಾಲಾ ಮಾರುನ್ ತ್ಯಚಾ಼ ಕಾನ್ ತುಡುನ್ ಟ್ಯಾಕ್ಲಾ.

⁵² ಯೇಸು ತ್ಯಲಾ ಮನ್‍ಲ್ಹಾ, “ತುಜ಼ ಹತ್ಯಾರ ಆತ್ ಗ್ಯಾಲ್ ಕುಂಗ್ಳಿ ಗೇಥ್ಯಾಲಿ ಲೊಕ ಕುಂಗ್ಳಿನಿಸ್ ಮರ್‌ತ್ಯಾತ.

⁵³ ಮಿ ಮಾಜಾ ಬಾಪ ಮಾಗ್‌ಲ್ಯಾವ. ತ್ಯೊ ಮನಾ ದೇವ್ದುತಾಂಚಾ ಸೈನ್ಯಾಚಾ಼ ಬಾರಾ ಹಿಂಡ್ ದೇನಾರ್ ಮನ್ಹುನ್ ತುಲಾ ಠಾವ ಹಾ.

⁵⁴ ಫನ್ ಪವಿತ್ರ ಪುತೀಕಾತ್ ಲಿವ್‌ಲ್ಯಾ ಶಾರ್ಕ ಆಸಸ್ ವ್ಹಯಾವ್ಹಯಿ. ಮನ್ಹುನ್ ಸಾಂಗ್ಲ

⁵⁵ ಮಂಗ್ ಯೇಸುನಿ ತ್ಯಾ ಲೊಕಾನಾ ತುಮಿ ಗುನ್ನಾ ಕೇಲ್ಯಾಲ್ಯಾಲಾ ಕ್ಯೊಂಡ್‌ತ್ಯಾಲ್ಯಾಂಚೆಗತ್ ಕೊಂಗಳ್ಯಾ ಆನಿ ಟೊನ ದರ‍್ಹುನ್ ಹಿತ್ತ ಆಲ್ಯಾಸಾ ಮಿ ರೊಜ್ ದೇವ್ಳಾತ್ ಬಸುನ್ ಸಿಕ್ವಿತ್ ಆಸ್ಥಾನಾ ತುಮಿ ಮನಾ ತಿಥ ದರ್ಲಾ ನಾಹಿಸಾ.

⁵⁶ ಫನ್ ಪ್ರವಾದಿಂಚಾನಿ ಲಿವ್‌ಲ್ಯಾಲ ಸಗ್ಳ ವ್ಹಯಾವ್ಹಯಿ ಮನ್ಹುನ್ ಹ್ಯ ಸಗ್ಳ ಜಾ಼ಲ ಮನ್ಹುನ್ ಸಾಂಗ್ಲ ತವಾ ಶಿಶಾ ಸಗ್ಳ ತ್ಯಲಾ ಸುಡುನ್ ಪಳುನ್ ಗೆಲ.

ಯೆಹುದಿ ಜಾಂತ್ಯಾಂಚೆ ಮೊರ‍್ಹ ಯೇಸು

⁵⁷ ಮಂಗ್ ಯೇಸುಲಾ ಕ್ಯೊಂಡ್‌ಲ್ಯಾಲ ತ್ಯಲಾ ಮುಖ್ಯ ಯಾಜಕ್ ಜಾ಼ಲ್ಯಾಲ್ಯಾ ಕಾಯಪಾಚಾ ಗರ‍್ಹಾತ್ ಹಾಕ್ಟುನ್ ನೆಲಾ. ತಿಥ ಧರ್ಮೊಪದೇಶಕಾನಿ ಯಹೂದ್ಯಾತ್ಲ ಜಾಂತ ಯಂಗ್ದಾಸ್ ಜ಼ಮ್ಲ.

⁵⁸ ಯೇಸುಲಾ ಕ್ಯಾ ವ್ಹತ್ಯಾ ಮನ್ಹುನ್ ಬಗಾಯಾ ಪೇತ್ರಾ ದುರ್ನಿಸ್ ಮಾಗ್ನಿ ಯಯಿತ್ ಮುಖ್ಯ ಯಾಜಕಾಚಾ ಗರ‍್ಹಾಚಾ ಆಂಗ್ನಾತ್ ಯವುನ್ ರ‍್ಯಾಖ್‌ತ್ಯಾಲ್ಯಾಂಚೆ ಸಂಗ ಬಸ್ಲಾ.

⁵⁹ ಮುಖ್ಯ ಯಾಜಕ್ ಆನಿ ಯೆಹುದ್ಯಾಂಚಾನಿ ನ್ಯಾಯಿ ನಿವ್ಡಾಚಾ಼ ಮೇಳ್ಯಾನಿ ಯೇಸುಲಾ ಮರ್ನಾಚಿ ಶಿಕ್ಶಾದಿಯಾ ವ್ಹಯಿ ಜಾ಼ಲ್ಯಾಲ್ಯಾ ಲಬಾಡ್ ಸಾಕ್ಶಾ ಶೊದ್‌ಲ್ಯಾ.

⁶⁰ ಖುಬ್ ಜ಼ನಾಂಚಾನಿ ಯವುನ್ ಯೇಸುಚಾ ಲಬಾಡ್ ಗುಶ್ಟಿ ಸಾಂಗ್‌ಲ್ಯಾ. ಫನ್ ಯೇಸುಲಾ ಮಾರುನ್ ಟಾಕಾಯಾ ಪಾಯ್ಜೆ ಆಸ್‌ಲ್ಯಾಲಾ ಗುನ್ನಾ ಮೆಳ್ಯಾಲಾ ಗಾವ್ಲಾನಾಹಿ ತವಾ ದೊಗ ಯವುನ್,

⁶¹ “ಹ್ಯಾ ಮಾನ್ಸಾನಿ, ‘ಮಿ ದಿವುಳ್ ಪಾಡುನ್ ತ್ಯ ಆನಿಕ್ ತೀನ್ ದಿಸಾತುಸ್ ಬ್ಯಾಂತೊ’ ಮನ್ಹುನ್ ಸಾಂಗ್‌ಲ್ಯಾ” ಮನ್‌ಲ್ಹ.

⁶² ಮುಖ್ಯ ಯಾಜಕ್ ವರ್ ಉಠುನ್ ಯೇಸುಲಾ ಹಿ ಲೊಕ ತುಜಿವ ವಾವ್‌ತ್ಯಾಲೆ ಚು಼ಕಿಲಾ ತು ಕ್ಯಾ ತರಿ ಸಾಂಗಾಚಾ಼ ಹಾಸ್ ಕ್ಯಾ? ಹಿ ಸಾಂಗ್‌ತ್ಯಾಲಿ ಸಗ್ಳ ಖರ ಕ್ಯಾ? ಮನ್ಹುನ್ ಇಚಾರ್ಲ.

⁶³ ಫನ್ ಯೇಸು ಗಪ್ ಹುತ್ತಾ ಮುಖ್ಯ ಯಾಜಕ್ ಆನಿಕ್ ಯೇಸುಲಾ ಜೀವ್ ಆಸ್‌ಲ್ಯಾಲ್ಯಾ ದೇವಾವ ಸೆಪ್ಪತ್ ಥಿವುನ್ ಇಚಾರ್ತ್ಯೊ ತು ದೇವಾಚಾ಼ ಲ್ಯೊಕ್ ಕ್ರಿಸ್ತ್ ಕ್ಯಾ ಆಮಾನಾ ಸಾಂಗ್ ಮನ್ಲಾ

⁶⁴ ಯೇಸುನಿ, “ವ್ಹಯ್, ತು ಸಾಂಗ್‌ಲ್ಯಾ ಶಾರ್ಕ ತ್ಯೊಸ್ ಮಿ. ಫನ್ ತುಲಾ ಸಾಂಗಾಚ಼ ಕ್ಯಾ ಮಂಜೆ, ಹಿತ್ನಿ ಮೊರ‍್ಹ ಮಾನ್ಸಾಚಾ಼ ಲ್ಯೊಕ್ ದೇವಾಚೆ ಉಜ್‌ವ್ಯಾಂಗ್ನಿ ಬಸ್‌ಲ್ಯಾಲಾ ಆಬ್ಳಾಚಾ ಡಘಾವ ಬಸುನ್ ಯತ್ಯಾಲಾ ತುಮಿ ಬಗ್ನಾರ್ ಮನ್ಹುನ್ ಸಾಂಗ್ಲ.

⁶⁵ ಮುಖ್ಯ ಯಾಜಕಾನಿ ಹ್ಯ ಐಕುನ್ ಖುಬ್ ರಾಗ್ ಕರುನ್ ಆಪ್ಲ ಕಪ್ಡ ಫಾಟುನ್ ಹ್ಯೊ ಮಾನುಸ್ ದೇವಾಚೆ ಆಡ್ವ ಬೊಲ್ಲಾ. ಆಮಾನಾ ಆನಿಕ್ ಕ್ಯಾ ಗುನ್ನಾ ವ್ಹಯಿ. ಹ್ಯೊ ದೇವಾಚೆ ಆಡ್ವ ಬೊಲ್ಯಾಲಾ ತುಮಿಸ್ ಐಕ್ಲಸಾ.

⁶⁶ ತುಮ್ಚಾ ನಿರ್ದಾರ್ ಕ್ಯಾ? ಮನ್ಹುನ್ ಇಚಾರ್ಲ. ಯೆಹುದ್ಯಾಂಚಾನಿ, ಹ್ಯನಿ ಗುನ್ನಾ ಕೆಲ್ಯಾ ಹ್ಯೊ ಮರಾಲಾಸ್ ಪಾಯ್ಜೆ ಮನ್‍ಲ್ಹ.

⁶⁷ ಮಂಗ್ ಲೊಕ ತಿಥಸ್ ಯೇಸುಚಾ ತೊಂಡಾವ ಥುಕ್ಲಿತ. ಮುಟ್‌ಕ್ಯಾನಿ ತ್ಯಲಾ ಮ್ಯಾರ್ಲಾ. ತ್ಯಚಾ ಗಾಲಾವ ಮ್ಯಾರ್ಲಾ.

⁶⁸ ತೇ, “ಕ್ರಿಸ್ತಾ, ಆಮಾನಾ ಪ್ರವಾದನೆ ಸಾಂಗ್! ತುಲಾ ಮ್ಯಾರ್‌ಲ್ಯಾಲ ಕುನಿ? ಮನ್ಹುನ್ ಟಿಂಗಲ್ನಾ ಕಿಲಿ.

ಪೇತ್ರಾಚಾ಼ ಇಸ್ವಾಸಾಚಾ಼ ಘಾತ್

⁶⁹ ಹಿಕ್ಡ ಪೇತ್ರಾ ಆಂಗ್ನಾತ್ ಬಸ್ಲಾ ಹುತ್ತಾ. ಸೇವಕಿ ಯೇಕ್ ಪೇತ್ರಾಪ ಯವುನ್, “ತುಬಿ ಗಲಿಲಾಯಾತಲ್ಯಾ ಯೇಸು ಸಂಗ ಆಸ್‌ಲ್ಯಾಲಾ” ಮನ್ಲಿ.

⁷⁰ ಫನ್ ಪೇತ್ರಾ, ತಿತಲ್ಯಾ ಲೊಕಾಂಚೆ ಮೊರ‍್ಹ ತಿಲಾ, “ತು ಕ್ಯಾ ಸಾಂಗ್ತೆಸ್ ತ್ಯ ಮನಾ ಠಾವ ನಾಹಿ” ಮನ್ಲಾ.

⁷¹ ಮಂಗ್ ಪೇತ್ರಾ ತಿಥ್ನಿ ಉಠುನ್ ಮೊರ್ಲ್ಯಾ ದಾರಾತ್ ಆಲಾ ತವಾ ಆನಿ ಯೇಕ ಸೇವಕಿನಿ ತ್ಯಲಾ ಬಗುನ್ ತಿತಲ್ಯಾ ಲೊಕಾನಾ, “ಹ್ಯೊ ಮಾನುಸ್ ನಜರೇತಾತ್‌ಲ್ಯಾ ಯೇಸು ಸಂಗ ಆಸ್‌ಲ್ಯಾಲಾ” ಮನ್ಲಿ.

⁷² ತವಾ ಪೇತ್ರಾ, “ಮಿ ದೇವಾ ಸೆಪ್ಪತ್ ಸಾಂಗ್ತೊ. ಮನಾ ಯೇಸು ಮಂಥ್ಯಾಲಾ ಮಾನುಸ್ ಕೊನ್ ಮನ್ಹುನ್ ಠಾವಾಸ್ ನಾಹಿ!” ಮನ್ಲಾ.

⁷³ ಥೊಡ್ಯಾ ಯಳಾ ನಂತರ್, ತಿಥ ಉಬಿ ರಾಯ್‌ಲ್ಯಾಲಿ ಥುಡಿ ಲೊಕ ಪೇತ್ರಾಚೆ ಜ಼ವಳ ಜಾ಼ವುನ್, “ಯೇಸುಚೆ ಮಾಗ್ನಿ ಆಲ್ಯಾಲ್ಯಾ ಲೊಕಾತ್ಲಾ ತುಬಿ ಯೊಕ್ ಮನ್ಹುನ್ ತುಜಿ ಬುಲಿಸ್ ತುಲಾ ದಾವುನ್ ದೇತೆ” ಮನ್ಲಿತ.

⁷⁴ ಪೇತ್ರಾನಿ ಸಾಂಗ್ಲ, ಮಿ ಖರ ಸಾಂಗ್ತೊ. ಜ಼ರ್ ಮಿ ಲಬಾಡ್ ಬೊಲತ್ ಆಸ್ಲೊತ ದೇವ್ ಮನಾ ಶಿಕ್ಷಾ ದಿವುನಿ. ಮನಾ ಹ್ಯೊ ಮಾನುಸ್ ಠಾವಾ ನಾಹಿ. ” ಮನ್‍ಲ್ಹಾ. ತವಾಸ್ ಕೊಂಬ್ಡಾ ಬವಾಲಾ.

⁷⁵ ತ್ಯೊ ಮನಾ ಕೊನ್‌ ತ್ಯೊ ಠಾವಾಸ್ ನಾಹಿ ಮನ್ಹುನ್ ಕೊಂಬ್ಡಾ ಬವಾಚೆ ಆಂದಿ ತು ತೀನ್ ಖೆಪಾ ಸಾಂಗ್ನಾರ್ ಮನ್ಹುನ್ ಆಪ್‌ಲ್ಯಾಲಾ ಯೇಸುನಿ ಸಾಂಗ್‌ಲ್ಯಾಲ ಪೇತ್ರಾನಿ ಯವಜು಼ನ್ ಬಾಹಿರ್ ಜಾವುನ್ ಖುಬ್ ದುಖಾನಿ ರಡ್ಲಾ.