ಮತ್ತಾಯ್ 24 - ದೆವಾಚಿ ಖರಿ ಕಬರ್ ನವಾ ಕರಾರ್

ಹಾಳ್ ವ್ಹತ್ಯಾಲ ಮೊಟ ದಿವುಳ್

¹ ಯೇಸು ದೇವ್ಳಾತ್ನಿ ಜಾ಼ತಾನಾ ತ್ಯಚ಼ ಶಿಶಾ ದಿವುಳ್ ಬ್ಯಾಂದ್‌ಲ್ಯಾಲ ದಾವಾಯಾ ತ್ಯಚಿಪ ಆಲ.

² ತವಾ ಯೇಸುನಿ “ಹ್ಯ ಬ್ಯಾಂದ್‌ಲ್ಯಾಲ ಸಗ್ಳ ಬಗ್‌ತ್ಯಾಸಾಕ್ಯಾ? ಮಿ ತುಮಾನಾ ಖರ ಸಾಂಗ್ತೊ ಹ್ಯ ಸಗ್ಳ ಹಾಳ್ ವ್ಹನಾರ್. ಹಿತ್ತ ದೊಂಡ್ಯಾವ ದೊಂಢ ರಾಹ್ಯಾಚೆ ಆಂದಿ ಸಗ್ಳ ದೊಂಢ ಪ್ಯಾಡ್ನಾರ್” ಮನ್ಹುನ್ ಸಾಂಗ್ಲ.

ತರಾಸ್ ಆನಿ ಸಂಕಟ್

³ ನಂತರ್ ಯೇಸು ಆಲಿವ್ ಗುಢ್ಯಾವ ಬಸ್ಲಾ ತವಾ ಶಿಶಾ ಯಗ್ಳುನ್ ಯೇಸುಚೆ ಜ಼ವಳ್ ಯವುನ್, “ಹ್ಯ ಸಗ್ಳ ಕವಾ ವ್ಹನಾರ್! ತು ಹೆ ದುನೆತ್ ಆನಿ ಯಂಗ್ದಾ ಯತಾನಾ ಆನಿ ದುನೆಚಾ಼ ಸರ್ತಾ ಯೊಳ್ ಆಲಾಕಿ ವಳಕ್ ದಾವಾಯಾ ಕ್ಯಾ ಗಡ್ನಾರ್? ಮನ್ಹುನ್ ಆಮಾನಾ ಸಾಂಗ್‌” ಮನ್ಲ.

⁴ ಯೇಸುನಿ ತ್ಯನಾ ದಿಲ್ಯಾಲಾ ಉತ್ತರ್ ಹ್ಯೊ: “ಹುಶಾರಿನಿ ರಾವ್ಹಾ! ತುಮಾನಾ ಫಸವಾಯಾ ಕುನಾಲಾಸ್ ಅವಕಾಸ್ ದಿವುನಕೊಸಾ.

⁵ ಖುಬ್ ಲೊಕ ಮಾಜಾ ನಾವಾನಿ ಯವುನ್, ‘ಮೀಸ್ ಕ್ರಿಸ್ತ’ ಮನ್ಹುನ್ ಸಾಂಗುನ್ ಖುಬ್ ಜ಼ನಾನಾ ಫಸಿವ್ನಾರ್.

⁶ ತುಮ್ಚೆ ಜ಼ವಳ್ ಚಾ಼ಲತ್ಯಾಲೆ ಲಡಾಯಿಚಾ಼ ಆವಾಜ಼್ ದುರ್ ಚಾ಼ಲತ್ಯಾಲೆ ಲಡಾಯಿಚಿ ಬಾತ್ನಿ ತುಮಿ ಐಕ್ನಾರ್ ಫನ್ ಭಿಹು ನಕೊಸಾ ಸರ್ತಿ ಯೇಳ್ ಯಯಾಚೆ ಆಂದಿ ಹ್ಯ ಸಗ್ಳ ವ್ಹಯಾ ವ್ಹಯಿ

⁷ ಲೊಕ ದುಸ್‌ರ‍್ಯಾ ಲೊಕಾಂಚೆ ಆಡ್ವಿ ಲಡಾಯಿ ಕರ್ತ್ಯಾತ ರಾಜ ದುಸ್‌ರ‍್ಯಾ ದುಸ್‍ರ‍್ಯಾ ರಾಜಾಂಚಿವ ಲಡಾಯಿ ಕರ್ತ್ಯಾತ. ಬರ್ಗಾಲ್ ಯನಾರ್. ದುಸ್‌ರ‍್ಯಾ ದುಸ್‌ರ‍್ಯಾ ಜಾ಼ಗ್ಯಾವ ಭುಕಂಪ್ ವ್ಹನಾರ್.

⁸ ಹೆ ಸಗ್ಳ ಬಾಳತ್ ಫನಾಚ಼ ಪೈಲ್ಯಾನಿ ಯಾಗ್ ಚಾಲು ಜಾ಼ಲ್ಯಾಲ ತ್ಯವ್ಡಸ್.

⁹ “ತವಾ ಲೊಕ ತುಮಾನಾ ತರಾಸ್ ದಿವುನ್, ಮರ್ನಾಚಿ ಚು಼ಕ್ ದಿಯಾ ಅಧಿಕಾರಿಂಚಾ ತಾಬ್ಯಾತ್ ದೇನಾರ್ ಸಗ್ಳಿ ರಾಶ ಟ್ರ ತುಮ್ಚಿ ದ್ವೆಶ್ ಕರ್ತಿಲ. ತುಮಿ ಮಾಜಿವ ಇಸ್ವಾಸ್ ಥೆವ್‌ಲ್ಯಾಸಾ ಮನ್ಹುನ್ ಹ್ಯ ಸಗ್ಳ ತುಮಾನಾ ವ್ಹನಾರ್.

¹⁰ ತ್ಯಾ ಯಳಾತ್ ಖುಬ್ ಇಸ್ವಾಸಿ ಲೊಕ ಆಪ್ಲಾ ಇಸ್ವಾಸ್ ಸಾಂಡುನ್ ಗೇನಾರ್. ನಂತರ್ ಇಸ್ವಾಸ್ ಘಾತ್ ಕರ್ತ್ಯಾತ ತೀ ಯಕಾಮಕಾಲಾ ಆಡ್ವಿ ಪರ್ತುನ್ ಯಕಾಮಕಾವ ರಾಗ್ ಥೆವ್ನಾರ್.

¹¹ ಖುಬ್ ಲಬಾಡ್ ಪ್ರವಾದಿ ಯವುನ್ ಖುಬ್ ಲೊಕಾನಾ ಫಸಿವ್ನಾರ್.

¹² ದುನೆತ್ ಧರ್ಮಾಚೆ ಅಡ್ವ ಚಾ಼ಲಾಚ಼ ಖುಬ್ ಜಾ಼ಲ್ಹ ಮನ್ಹುನ್, ಇಸ್ವಾಸಿ ಲೊಕಾಂಚಿ ಮಾಯಾ ದಡುನ್ ಜಾ಼ನಾರ್.

¹³ ಫನ್ ಸರ್ತ್ಯಾ ದಿಸಾ ಪರೆತ್ ಘಟ್ ಉಬಾರಾಥ್ಯಾಲ್ಯಾಚಿ ರಕ್ಷನ್ ವ್ಹನಾರ್.

¹⁴ ದೇವಾಚಾ ರಾಜಾಚಿ ಚಾ಼ಂಗ್ಲಿ ಖಬರ್ ದುನೆತ್‌ಲ್ಯಾ ಸಗ್‌ಳ್ಯಾ ಲೊಕಾನಾ ಸಾಕ್ಶಿ ವ್ಹನಾರ್. ತವಾ ಸರ್ತಾದಿಸ್ ಯನಾರ್.

ಹಾಳ್ ಕರ್ತ್ಯಾಲಾ ಬುರ್ಸಾ ಜಿನೊಸ್

¹⁵ “ಖುಬ್ ಹಾಳ್ ವ್ಹಯಾ ಕಾರನ್ ಜಾ಼ಲ್ಯಾಲ್ಯಾ ಯಕಾ ಜಿನ್ಸಾಚ಼ ಪ್ರವಾದಿ ದಾನಿಯೆಲಾನಿ ಸಾಂಗ್‍ಲ್ಯಾ. ಹ್ಯೊ ಬುರ್ಸಾ ಜಿನೊಸ್ ದೇವ್ಳಾಚಾ ಪರಿಶುದ್ದ ಜಾ಼ಗ್ಯಾತ್ ಉಬ ರಾಯಲ್ಯಾಲ ತುಮಿ ಬಗ್ನಾರ್ ಹ್ಯ ವಾಚಿವ್‌ತ್ಯಾಲಾ ಹ್ಯ ಸಮ್ಜುನ್ ಗಿಹುನಿ.

¹⁶ ತ್ಯಾ ಯಳಾಲಾ ಯುದಾಯಾತ್ ರಾಥ್ಯಾಲಿ ಲೊಕ ಕನ್ಯಾವ ಪಳುನ್ ಜಾ಼ವುಂತ.

¹⁷ ಗರ‍್ಹಾಚೆ ಮಾಳಿವ ಆಸ್‌ಲ್ಯಾಲಾ ಉತ್ರುನ್ ಆಪ್ಲಿ ಸಾಮ್ನ ಗರ‍್ಹಾತ್ನಿ ಗಿಹ್ಯಾಚೆ ಆಂದಿ ಪಳುನ್ ಜಾ಼ಯಾ ತ್ಯಚಿಪ ಯೊಳ್ ನಾಹಿ.

¹⁸ ಶೇತಾತ್ ಆಸ್ನಾರಾ ಆಪ್ಲಿ ವೈಲಿ ಆಂಗಿ ಗಿಹ್ಯಾ ಗರ‍್ಹಾತ್ ಪರ್ತುನ್ ಯವು ನಸುನಿ.

¹⁹ “ತ್ಯಾ ಯಳಾಲಾ ಗರ್ವಾರ್ನಿನಾ ಥಾನ್ ಪ್ಯಾಸ್‌ತ್ಯಾಲ್ಯಾ ಬ್ಯಾಯ್ಕಾನಾ ಕಸ್ಲಾ ತರಾಸ್!

²⁰ ತುಮಿ ಪಳುನ್ ಜಾ಼ಯಾ ವ್ಹಯಿ ಜಾ಼ಲ್ಯಾಲಾ ಹ್ಯೊ ಯೊಳ್ ಥಂಡಿಚಾ ದಿಸಾತ್ ವ್ಹವುನಿ ಆರಾಮಾಚಾ ದಿಸಾದಿಸಿ ವ್ಹವುನಿ ಯವುನಾಹಿ ಮನ್ಹುನ್ ದೇವಾಪ ಮಾಗ್ನ ಕರಾ.

²¹ ಕಾ ಮಂಜೆ ತ್ಯಾ ಯಳಾಲಾ ಮೊಟಾ ತರಾಸ್ ರಾನ್ಹಾರ್. ದುನಿಯಾ ಉತ್ಪತ್ತಿ ಜಾ಼ಲಿ ತೆ ದರ್ನಿ ಆಸ್ಲಾ ತರಾಸ್ ಕವಾಸ್ ಜಾ಼ಲಾ ನಾಹಿ. ಹಿತ್ನಿ ಮೊರ‍್ಹಬಿ ವ್ಹನಾರ್ ನಾಹಿ.

²² ಫನ್ ದೇವಾನಿ ಮೊಟಾ ತ್ಯೊ ಯೊಳ್ ಕಮ್ಮಿ ಕರಾಯಾ ಥರಿವ್‍ಲ್ಯಾ. ನಾಹಿತ, ಜೀವಾನಿ ರಾಹ್ಯಾ ಕುನಾಲಾಸ್ ವ್ಹನಾರ್ ನಾಹಿ. ಆಪ್ನು ನಿವ್ಡುನ್ ಗೇತ್‌ಲ್ಯಾಲ್ಯಾ ಲೊಕಾಂಚಾ ದೇವಾನಿ ತ್ಯೊ ಯೊಳ್ ಕಮ್ಮಿ ಕೆಲಾ.

²³ “ತ್ಯಾ ಯಳಾತ್ ಥುಡಿಜ಼ನ ತುಮಾನಾ, ‘ಬಗಾ, ಕ್ರಿಸ್ತ್ ತಿಥ ಹಾ! ಮನ್ಹುನ್ ಸಾಂಗ್ತಿಲ. ನಾಹಿತ ದುಸ್ರಾ ಯೊಕ್. ತ್ಯೊ ಹಿತ್ತ ಹಾ! ಮನ್ಹುನ್ ಸಾಂಗಿಲ್ ಖರ ತ್ಯಂಚಿವ ಇಸ್ವಾಸ್ ಥಿವುನಕೊಸಾ.

²⁴ ಲಬಾಡ್ ಕ್ರಿಸ್ತ್ ಆನಿ ಲಬಾಡ್ ಪ್ರವಾದಿ ಯವುನ್, ಜಾ಼ಲ್ಹತ ದೇವಾನಿ ನಿವ್ಡುನ್ ಗೇತ್‌ಲ್ಯಾಲ್ಯಾ ಲೊಕಾನಾ ಫಸ್ವಾಯಾ ಸಾಟಿ ಮುಟಿ ಮುಟಿ ಕಾಮ ಆನಿ ಚಮತ್ಕರಾಚಿ ಕಾಮ ಕರ್ನಾರ್.

²⁵ ಬಗಾ, ತ್ಯ ಘಢಾಚೆ ಆಂದಿ ಮಿ ತ್ಯಂಚೆ ಗುಶ್ಟಿತ್ ತುಮಾನಾ ಹುಶಾರ್ಕಿ ದಿಲ್ಲೆ.

²⁶ “‘ಕ್ರಿಸ್ತ್ ರಾನಾತ್ ಹಾ!’ ಮನ್ಹುನ್ ಥೊಡ್ಯಾಂಚಾನಿ ಸಾಂಗ್ಲತ ರಾನಾತ್ ಜಾ಼ವುನಕೋಸಾ. ‘ತ್ಯೊ ತ್ಯಾ ಸೋಪ್ಯಾತ್ ಬರ್ಲ್ಯಾ!’ ಮನ್ಹುನ್ ಸಾಂಗ್ಲತ ತ್ಯಚಿವ ಇಸ್ವಾಸ್ ಥಿವುನಕೊಸಾ.

²⁷ ಮಾನ್ಸಾಚಾ಼ ಲ್ಯೊಕ್ ಲೊಕಾನಾ. ಪಾಟ್‌ಕ್ಯಾನ್ ಈಜ಼್ ಕಸಿ ಯತಿ ತಸ ಉಗಾವತ್ಯಾ.

²⁸ ಮಡ ಕುಠ ಆಸ್ಥ ತಿಥ ಗಿದ್ಡ ಆಸ್‌ಥ್ಯಾತ ಮನ್ಹುನ್ ತುಮಾನಾ ಠಾವ ಹಾ ತಸಸ್ ಮಾಜ಼ ಯನ ರಾನ್ಹಾರ್.

ಮಾನ್ಸಾಚಾ ಲೇಕಾಚ಼ ಯನ

²⁹ ಹ್ಯ ಜಾ಼ಲ್ಯಾ ಬರ್ಬರ್, “ತ್ಯಾ ದಿಸಾಚ಼ ತರಾಸ್ ಸಪ್‌ಲ್ಯಾ ಬರ್ಬರ್, ‘ದೀಸ್ ಆಂದಾರ್ ವ್ಹನಾರ್. ಚಾ಼ಂದಾಚಾ಼ ಉಜಿಡ್ ನಾಹಿ ವ್ಹನಾರ್ ಚಾನ್ಯಾ ಆಬ್ಳಾತ್ನಿ ನಿಖ್ಳುನ್ ಪಡ್ನಾರ್ ಆಬ್ಳಾಚಿ ಬಳ ಹಲ್ನಾರ್.

³⁰ “ತವಾ ಮಾನ್ಸಾಚಾ ಲೇಕಾಚಾ ಯನ್ಯಾಚಿ ವಳಕ್ ಆಬ್ಳಾತ್ ದಿಸ್ನಾರ್ ದುನೆತ್ಲಿ ಕುಳ ಸಗ್ಳಿ ಭಿಹುನ್ ರಡತ್ಯಾತ. ಆಬ್ಳಾತ್ ಡಘಾವ್ನಿ ತ್ಯೊ ಯತ್ಯಾಲಾ ಲೊಕ ಸಗ್ಳಿ ಬಗ್ನಾರ್ ತ್ಯೊ ಬಳಾನಿ ಮಹಿಮೆನಿ ಯನಾರ್.

³¹ ಮೊಟ್ಯಾ ಸಬ್ದಾನಿ ತುತ್ತುರಿಚಾ ಆವಾಜಾ಼ನಿ ಮಾನ್ಸಾಚಾ಼ ಲ್ಯೊಕ್ ಆಪ್‌ಲ್ಯಾ ಧುತಾನಾ ಧರ್ತಿವ ಸಗ್ಳಿಕ್ಡ ಲಾವುನ್ ದೇನಾರ್. ತ್ಯನಿ ನಿವ್ಡುನ್ ಗೆತಲ್ಯಾಲ್ಯಾನಾ ದೇವ್ ದುತ್ ಧರ್ಥಿವ ಸಗ್ಳಿಕ್ನಿ ಯಕಿಕ್ಡ ಕರ್ನಾರ್.

ಅಂಜು಼ರಾಚಾ ಜಾ಼ಢಾಚಾ಼ ಪಾಟಾ

³² “ಅಂಜು಼ರಾಚ಼ ಝಾ಼ಡ್ ಆಮಾನಾ ಯೊಕ್ ಪಾಟಾ ಸಿಕಿವ್ತ. ಅಂಜು಼ರಾಚಾ ಜಾ಼ಢಾಚಾ ಡಾಳ್ಯಾ ಹಿರ್‌ವ್ಯಾ ಕವ್‌ಳ್ಯಾ ವ್ಹವುನ್ ನವಿ ಪಾನ ಯತಾನಾ, ಉನಾಳಾ ಜ಼ವಳ್ ಆಲಾ ಮನ್ಹುನ್ ತುಮಿ ಸಮಜು಼ನ್ ಗೆಥಾಸಾ.

³³ ಹ್ಯಾ ಗುಶ್ಟಿ ಸಗ್‌ಳ್ಯಾ ವ್ಹತ್ಯಾಲ್ಯಾ ತುಮಿ ಬಗ್ತಾನಾ, ಮಾನ್ಸಾಚಾ಼ ಲ್ಯೊಕ್ ಯತ್ಯಲಾ ಯೊಳ್ ಜ಼ವಳ್ ಆಲ್ಯಾ ಮನ್ಹುನ್.

³⁴ ಮಿ ತುಮಾನಾ ಖರ ಸಾಂಗ್ತೊ ಆತಾಚಿ ಲೊಕ ಆಜು಼ನ್ ಜಿತ್ತಿ ಆಸ್ಥಾನಾಸ್ ಹ್ಯಾ ಸಗ್‌ಳ್ಯಾ ಗುಶ್ಟಿ ವ್ಹನಾರ್!

³⁵ ದರ್ಥಿ ಆಬಾಳ್ ಹಾಳ್ ವ್ಹನಾರ್, ಖರ ಮಿ ಸಾಂಗ್‌ತ್ಯಾಲಿ ಬುಲಿ ಕವಾಸ್ ಹಾಳ್ ವ್ಹನಾರುಸ್ ನಾಹಿ!.

ತ್ಯೊ ಯೊಳ್ ಆನಿ ದಿಸ್ ಕುನಾಲಾಸ್ ಠಾವಾ ನಾಹಿ

³⁶ “ತ್ಯೊ ದೀಸ್ ನಾಹಿತ ತ್ಯೊ ಯೊಳ್ ಕವಾ ಯನಾರ್ ಮನ್ಹುನ್ ಕುನಾಲಾಸ್ ಸಮಾಜ್ನಾರ್ ನಾಹಿ. ದೇವಾಚಾ ಲೇಕಾಲಾಬಿ ಆನಿ ಸ್ವರ್ಗಾತ್ ಆಸ್‌ಲ್ಯಾಲ್ಯಾ ದೇವ್ದುತಾನಾಬಿ ಠಾವಾ ನಾಹಿ. ಬಾ ದೇವಾಲಾ ತ್ಯವ್ಡಾಸ್ ಠಾವಾ ಹಾ.

³⁷ “ನೊಹಾಚಾ ದಿಸಾತ್ ಜಾ಼ಲ್ಯಾ ಶಾರ್ಕ ಮಾನ್ಸಾಚಾ಼ ಲ್ಯೊಕ್ ಯತಾನಾ ವ್ಹನಾರ್.

³⁸ ಪಾನಿ ಯವುನ್ ಸಗಳ ಗಯಿಪ್ ಕರಾಚೆ ಆಂದಿ ಲೊಕ ಖಾಯಿತಿತ ಪಿಯಿತಿತ, ಲಗ್ನ ವ್ಹಯಿತಿತ ಆನಿ ಆಪ್‌ಲ್ಯಾ ಪೊರಾಂಚಿ ಲಗ್ನ ಕರಿತಿತ. ನೊಹಾ, ವ್ಹಡಿತ್ ಜಾ಼ಯಿ ಪರತ್ ಲೊಕ ತ್ಯ ಸಗ್ಳ ಕರೀತುಸ್ ಹುತ್ತಿತ.

³⁹ ಕ್ಯಾ ವ್ಹತ್ಯಾ ಮನ್ಹುನ್ ತ್ಯನಾ ಸಮಾಜ಼್ಲ ನಾಹಿ. ಪಾನಿ ಯವುನ್ ಲೊಕಾನಾ ಸಗ್‌ಳ್ಯಾ ನಾಸ್ ಕಿಲಿತ “ಮಾನ್ಸಾಚಾ಼ ಲ್ಯೊಕ್ ಯತಾನಾಬಿ ತಸಸ್ ವ್ಹನಾರ್.

⁴⁰ ಸೇತಾತ್ ದೊಗ ಕಾಮ್ ಕರ್ತಾನಾ ಯಕಾಲಾ ವರ್ ನೆನ್ಹಾರ್ ಆನಿ ಯಕಾಲಾ ಖಾಲ್ ಶೊಡ್ನಾರ್.

⁴¹ ದುಗಿ ಬ್ಯಾಯ್ಕಾ ದಾನ ದಳ್ತಾನಾ ಯಕಿಲಾ ವರ್ ನೆನ್ಹಾರ್ ಆನಿ ಯಕಿಲಾ ಖಾಲ್ ಶೊಡ್ನಾರ್.

⁴² ತುಮಚಾ಼ ಪ್ರಭು ಯಯಾಚಾ಼ ದೀಸ್ ತುಮಾನಾ ಸಮಾಜ್ನಾ಼ರ್ ನಾಹಿ. ಮನ್ಹುನ್ ಕವಾಬಿ ತಯಾರ್ ರಾವ್ಹಾ.

⁴³ ಹ್ಯ ಯದತ್ ಗೇವ್ಹಾ ಚೊ಼ರ್ ಕವ್ವಾ ಯನಾರ್ ಮನ್ಹುನ್ ಗರ‍್ಹಾಚಾ ದನ್ಯಾಲಾ ಸಮಾಜ಼ಲ್ಯಾವ ತ್ಯೊ ಜಾ಼ಗಾ ರಾಹುನ್ ಚೊ಼ರಾಲಾ ಘರ್ ಚು಼ರು ದಿಯಿತ್ ನವ್ಥಾ.

⁴⁴ ಮನ್ಹುನ್ ತುಮಿಬಿ ತಯಾರ್ ರಾವ್ಹಾ ತುಮಿ ಯವಜ಼ಲ್ಯಾ ನಸ್‌ಲ್ಯಾಲ್ಯಾ ಯಳಾಲಾ ಮಾನ್ಸಾಚಾ಼ ಲ್ಯೊಕ್ ಯನಾರ್.

ಇಸ್ವಾಸಾಚಾ಼ ಆನಿ ಇಸ್ವಾಸ್ ನಸ್‌ಲ್ಯಾಲಾ ಸೇವಕ್

⁴⁵ “ಗಿನ್ಯಾನ್ ಆಸ್‌ಲ್ಯಾಲಾ ಇಸ್ವಾಸಾಚಾ಼ ಸೇವಕ್ ಕೊನ್? ದುಸ್‌ರ‍್ಯಾ ಸೇವಕಾನಾ ಜೆವಾನ್ ವ್ಹಯಿ ಜಾ಼ಲ್ಯಾಲ್ಯಾ ಯಳಾಲಾ ದಿಯಾ ದನ್ಹಿ ಕಚಾ ಸೇವಕಾವ ಇಸ್ವಾಸ್ ಥೆವ್ತೊ ತ್ಯೊಸ್.

⁴⁶ ಆಪ್‌ಲ್ಯಾಲಾ ದಿಲ್ಯಾಲ ಕಾಮ್ ಸೇವಕ್ ಕರ್ತಾ ಆಸ್ಥಾನಾ ತ್ಯಚಾ಼ ದನ್ಯಾನಿ ಯವುನ್ ಬಗ್‌ಲ್ಯಾವ ತ್ಯಲಾ ಸಂತೊಸ್ ವ್ಹತ್ತೊ ಆನಿ ದನ್ಯಾಲಾಬಿ ಸಂತೊಸ್ ವ್ಹತೊ.

⁴⁷ ಮಿ ತುಮಾನಾ ಖರ‍ ಸಾಂಗ್ತೊ. ತ್ಯೊ ದನಿ ಆಪ್ಲೆ ಸರ್ವೆ ಆಸ್ಥಿಚಾ಼ ಇಚಾರ್ ಕರಾಯಾ ತ್ಯಾ ಸೇವಕಾಲಾ ಥರುವುನ್ ಥೆವ್ನಾರ್.

⁴⁸ “ಫನ್ ಸೇವಕ್ ಬುರ್ಸಾ ಜಾ಼ಲ್ಯಾವ ಆನಿ ಆಪ್ಲಾ ದನ್ಹಿ ಬಿಗಿನಿ ಮಾಗಾರಾ ಪರ್ತುನ್ ಯನಾರ್ ನಾಹಿ ಮನ್ಹುನ್ ಯವಜ಼ಲ್ಯಾವ ತ್ಯಲಾ ಕ್ಯಾ ವ್ಹತ್ತ?

⁴⁹ ತ್ಯೊ ಸೇವಕ್ ದುಸ್‌ರ‍್ಯಾ ಸೆವಕಾನಾ ಬಡ್ವಿತ್ ಆಪ್ಲಿ ಶಾರ್ಕ್ಯಾ ಲೊಕಾಂಚಿ ಸಂಗ್ ಮಿಳುನ್ ಖಾಯಿತ್ ಪಿಯಿತ್ ರಾನ್ಹಾರ್

⁵⁰ ಆಸ ತ್ಯೊ ತ್ಯಚಿ ವಾಟ್ ಬಗಿ ನಸ್‍ಥ್ಯಾಲ್ಯಾ ಯಳಾಲಾ ತ್ಯೊ ಯನಾರ್ ಆನಿ ತ್ಯೊ ಕವಾ ಯನಾರ್ ಮನ್ಹುನ್ ತ್ಯಲಾ ಠಾವ ನವ್ಥ.

⁵¹ ತ್ಯಲಾ ಮಾರುನ್ ಶಿಕ್ಷಾ ದಿವುನ್ ಕಪ್ಟಿ ಲೊಕಾಂಚಾ ಜಾ಼ಗ್ಯಾವ ಡಖಲ್ನಾರ್ ತಿತ್ತ ಲೊಕ ತರಾಸಾನಿ ರಡತ್ ಆಪ್ಲ ದಾತ್ ಚಾ಼ವಿತ್ ರಾನ್ಹಾರ್.