लूका 4 - ದೆವಾಚಿ ಖರಿ ಕಬರ್ ನವಾ ಕರಾರ್

ಸೈತಾನಾಪ್ನಿ ಯೇಸುಚಿ ಪರಿಕ್ಷಾ

¹ ಯೇಸು ಪವಿತ್ರಾತ್ಮಾನಿ ಬರ‍್ಹುನ್ ಯೊರ್ದಾನ್ ನ್ಹತ್ನಿ ಪರಾತ್ಲಾ. ಆನಿ ತ್ಯಲಾ ಆತ್‌ಮ್ಯಾನಿ ಕಡ್ಯಾತ್ ರಾಥ್ಯಾಲ್ಯಾ ಲೊಕಾಪ್ನಿ ನೆಲಾ;

² ತಿಥ ಸೈತಾನಾನಿ ಚಾಳಿಸ್ ದಿಸ್ ತ್ಯಚಿ ಪರಿಕ್ಷೆ ಕಿಲಿ. ತ್ಯಾ ದೀಸಾತ್ ಯೇಸುನಿ ಕಾಯ್ ಖಾಲನಾಹಿ. ತೇ ದೀಸ್ ಸಪ್‌ಲ್ಯಾವರ್, ತ್ಯಲಾ ಖುಬ್ ಭುಕ್ ಲಾಗ್ಲಿ.

³ ತವಾ ಸೈತಾನ್ ಯೇಸುಲಾ ಮನ್ಲಾ. “ತು ದೇವಾಚಾ಼ ಲ್ಯೊಕ್ ಹಾಸ್ತ ಹ್ಯಾ ದೊಂಡ್ಯಾಚಾ ಬಾಖರ‍್ಯಾ ಹೊ ಮನ್ಹುನ್ ಸಾಂಗ್. ”

⁴ ತ್ಯಲಾ ಯೇಸು “ಮಾನುಸ್ ನಿಸ್ತೆ ಬಾಕ್ರಿನಿ ಜ಼ಗತ್ ನಾಹಿ,ಧರ್ಮೋಪದೇಶ 8:3 ಆಸ ಮೋಸೆಚಾ ಧರ್ಮಶಾಸ್ತಾರಾತ್ ಲಿವ್‌ಲ್ಯಾ” ಮನ್ಹುನ್ ಜ಼ಬಾಬ್ ದಿಲಾ.

⁵ ಮಂಗ್ ಸೈತಾನಾನಿ ಯೇಸುಲಾ ಮೊಟ್ಯಾ ಗುಢ್ಯಾವ ನಿಹುನ್ ಪರಪಂಚಾತ್ಲ ರಾಜೆ ಸಗ್ಳ ಯಂಗ್ದಾಸ್ ದಾವುನ್;

⁶ ಹ್ಯಂಚಿವ್ಲಾ ಸಗ್ಳಾ ಅಧಿಕಾರ್ ಆನಿ ಹ್ಯಂಚಾ಼ ವೈಭವ್ ಮನಾ ದಿಲ್ಯಾಲಹಾ ಹ್ಯ ಮಿ ಮಾಜಾ ಮನಾಸ್ ಯಯಿಲ್‌ತ್ಯಲಾ ದೆತೊ.

⁷ ಮನ್ಹುನ್ “ಯೇಸುಲಾ ತು ಮನಾ ಆರಾದನ್ ಕೆಲ್ಯಾವ ಮಿ ಹ್ಯ ಸಗ್ಳ ತುಲಾ ದಿಯಿನ್” ಮನ್ಲಾ.

⁸ ತವಾ ಯೇಸುನಿ ತ್ಯಲಾ ಉತ್ತರ್ ದಿಲಾ “ಪ್ರಭು ತುಜಾ಼ ದೇವ್ ತ್ಯಲಾ ಆರಾದನ್ ಕರ್ ಆನಿ ತ್ಯಚಾ ಪಾಯಾ ಪಡ್ ಧರ್ಮೋಪದೇಶ 6:13 ಆಸ ಮೋಸೆಚಾ ಧರ್ಮಶಾಸ್ತಾರಾತ್ ಲಿವ್‍ಲ್ಯಾಲಹಾ” ಮನ್ಲಾ

⁹ ಮಂಗ್ ಸೈತಾನಾನಿ ಯೇಸುಲಾ ಯೆರುಸಲೇಮಿತ್ ದೇವ್ಳಾಚಾ ಟೊಕಾವ ನಿಹುನ್ ತು ದೇವಾಚಾ಼ ಲ್ಯೊಕ್ ಆಸ್ಲಾಸ್ತ ಹಿತ್ನಿ ಖಾಲ್ ಉಡಿ ಮ್ಯಾರ್.

¹⁰ ತುಲಾ ರಕ್ಶನ್ ಕರಾಲಾ ದೇವ್ ಆಪ್‌ಲ್ಯಾ ಧುತಾನಾ ತುಜೆಯಸಿ ಆಜ್ಞಾ ದಿಯಿಲ್ ಮನ್ಲಾ.

¹¹ ಆನಿ ತುಜ಼ ಪ್ಯಾ ದೊಂಡ್ಯಾವ ಆಪ್ಟು ನಾಹಿ ಮನ್ಹುನ್ ತೇ ತುಲಾ ಹತಾತ್ ಜಾ಼ಖುನ್ ದರ್ಥಿಲ ಆಸ ಮೋಸೆಚಾ ಧರ್ಮಶಾಸ್ತಾರಾತ್ ಲಿವ್‍ಲ್ಯಾಲಹಾ” ಮನ್ಲಾ.

¹² ತವಾ, ““ತುಜಾ಼ ದೇವ್‍ ಜ಼ಾಲ್ಯಾಲ್ಯಾ ಪ್ರಭುಚಿ ಪರಿಕ್ಷಾ ಕರು ನಕೊಸ್” ಆಸ ಮೊಸೇಚಾ ಧರ್ಮಶಾಸ್ತಾರಾತ್ ಲಿವ್‌ಲ್ಯಾಲಹಾ ಮನ್ಹುನ್ ಯೇಸುನಿ ಸೈತಾನಾಲಾ ಉತ್ತರ್ ದಿಲಾ.

¹³ ಮಂಗ್ ಸೈತಾನ್ ಸಗ್‌ಳ್ಯಾ ಪರಿಕ್ಷಾ ಸುಪುನ್ ಥೊಡಾ ಯೊಳ್ ಯೇಸುಲಾ ಸುಡುನ್ ಗೆಲಾ.

ಗಲಿಲಾಯಾತ್ ಯೇಸುಚಾ ಉಪದೆಸ್

¹⁴ ಮಂಗ್ ಯೇಸು ಪವಿತ್ರಾತ್ಮಾಚಾ ಬಳಾನಿ ಬರ‍್ಹುನ್ ಗಲಿಲಾಯ್ ಸಿಮತ್ ಆಲಾ ಆನಿ ತ್ಯಚಿ ಕಿರ್ತಿ ತಿತ್ಲೆ ದುನೆತ್ ಪಗಾಳಿ.

¹⁵ ಯೇಸು ತ್ಯಂಚಾ ಆರಾದನೆಚಾ ಜಾ಼ಗ್ಯಾವ ಉಪದೆಸ್ ದಿಯಿತಾ ಆನಿ ಸಗ್ಳಿ ಲೊಕ ತ್ಯಲಾ ವವ್ಯಾಳಿತಿತ.

ಯೇಸುಲಾ ತ್ಯಚಾ ಗಾವಾತ್ ನಾಖಾರ್ಲ್ಯಾಲ

¹⁶ ಮಂಗ್ ಯೇಸು ನಾನ್ಹಾಚಾ ಥೊರ್‌ಜಾ಼ಲ್ಯಾಲೆ ನಜರೆತಿತ್ ಆಲಾ ಆನಿ ಆಪ್ಲೆ ಪದ್ದತಿ ಶಾರ್ಕ ಸಬ್ಬತ್ ದಿಸಾದಿಸಿ ಆರಾದನೆಚಾ ಜಾ಼ಗ್ಯಾವ ಜಾ಼ವುನ್ ಪುತೀಕ್ ವಾಚವಾಯಾ ಉಬಾರಾಯಿಲಾ.

¹⁷ ತವಾ ಪ್ರವಾದಿ ಯೆಶಾಯಚ಼ ಗ್ರಂಥ ತ್ಯಲಾ ವಾಚವಾಯ ದಿಲ ಯೇಸುನಿ ತ್ಯ ಉಗ್ಡುನ್ ವಾಚಿವ್ಲ.

¹⁸ ತಿಥ ಆಸ ಲಿವ್ಲ ಹುತ್ತ “ಪ್ರಬುಚ಼ ಆತ್ಮ ಮಾಜಿ಼ವ ಹಾ. ತ್ಯನಿ ಮನಾ ಗರಿಬಾನಾ ಬರಿ ಖಬರ್ ಸಾಂಗಾಯಾ ಥರಿವ್‌ಲ್ಯಾ. ದರುನ್ ನೆಲ್ಯಾಲ್ಯಾನಾ ಸೊಡಾಯಾ ಆನಿ ಅಂದ್‌ಳ್ಯಾನಾ ಡೊಳ್ಯಾನಿ ದಿಸಶಾರ್ಕ ಕರಾಯಾ. ಮನ್ ಮೊಡ್‌ಲ್ಯಾಲಾನಾ ಸುಡುನ್ ಲಾವುನ್ ದಿಯಾ.

¹⁹ ಪ್ರಭುನಿ ಆಪ್‌ಲ್ಯಾ ಲೊಕಾನಾ ಸೊಡ್ವಾಯಾ ಯೊಳ್ ಆಲ್ಯಾ ಮನ್ಹುನ್ ಸಾಂಗಾಯಾ ಮನಾ ಲಾವುನ್ ದಿಲ್ಯಾ. ಮನ್ಹುನ್ ಯೆಶಾಯ್ 61:1-2

²⁰ ಮನ್ಹುನ್ ಯೇಸುನಿ ತ್ಯಾ ಗ್ರಂಥಾಚಿ ಇಡಿ ಕರುನ್ ಸೇವಕಾಪ ದಿವುನ್ ತ್ಯೊ ಖಾಲ್ ಬಸ್ಲಾ ಆನಿ ಆರಾದನೆಚಾ ಜಾ಼ಗ್ಯಾವಲ್ಯಾ ಸಗ್‍ಳ್ಯಾ ಲೊಕಾಂಚಿ ನದಾರ್ ಯೇಸುವ ಹುತ್ತಿ.

²¹ ಯೇಸುನಿ ತ್ಯನಾ ಸಾಂಗ್‌ಲ್ಯಾಲ ಕ್ಯಾ ಮನ್‌ಲ್ಯಾವ, “ಮಿ ಆತಾ ವಾಚಿವ್‌ಲ್ಯಾಲ ಹ್ಯ ಸಬಾತ್ ತುಮಿ ಆಯಿಕ್ಲಸಾ ತವಾಸ್ ತೇ ಪುರ ಜಾ಼ಲ!” ಮನ್ಹುನ್ ಸಾಂಗ್ಲ.

²² ತವಾ ಲೊಕ ಸಗ್ಳಿ ತ್ಯಲಾ ವವ್ಯಾಳುನ್ ತ್ಯನಿ ಸಾಂಗ್‍ಲ್ಯಾಲ ಚಾ಼ಂಗ್ಲ ಸಬ್ದಾನಾ ಸಾಹಿತ್ ಆಜಾಬ್ ಜಾ಼ಲಿತ ಆನಿ ಹ್ಯೊ ಆಸ ಕಸಾ ಬೊಲ್ತೊ? ಹ್ಯೊ ಯೊಸೆಪಾಚಾ಼ ಲ್ಯೊಕ್ ನವ್ಹ ಕ್ಯಾ? ಮನ್ಹಾ ಲಾಗ್ಲಿತ.

²³ ತ್ಯೊ ತ್ಯನಾ ಮನ್ಲಾ, “ಖರ‍್ಯಾನಿಸ್ ತುಮಿ ಜು಼ನ್ನ ಮ್ಹನ ಮನಾ ಲಾಗು ಕರ್ನಾರ್ ಯೇ ವೈದ್ಯಾ ತು ತುಲಾಸ್ ಬರಕರ್’ ಕಪೆರ್ನೌಮತ್ ಜೆ ಗುಶ್ಟಿ ತು ಕೆಲ್ಯಾಸ್ ತ್ಯಾ ಆಮಿ ಐಕ್‍ಲ್ಯಾತಾ ತ್ಯಾ ಹಿತಬಿ ಆಮ್ಚಾ ಗಾವಾತ್ ಕರ್. ”

²⁴ ಯೇಸು ತ್ಯನಾ ಮನ್ಲಾ, ಖರ‍್ಯಾನಿ ಸಾಂಗ್ತೊ ಕಚಾ಼ಸ್ ಪ್ರವಾದಿಲಾ ಆಪ್‌ಲ್ಯಾ ಸ್ವತಾಚಾ ಗಾವಾತ್ ಮರ‍್ಯಾದ್ ನಾಹಿ.

²⁵ ಆನಿ “ಮಿ ತುಮಾನಾ ಖರ ಸಾಂಗ್ತೊ ಯಲಿಯಾಚಾ, ಕಾಲಾತ್ ಸಾಡತೀನ್ ವರ್ಸ ಆಬಾಳ್ ಬಂದ್ರಾಹುನ್ ಸಗ್ಳೆ ದೇಶೆತ್ ಪಾವುಸ್ ಲಾಗಾಚೆಆಂದಿ ಬರ್ಗಾಲ್ ಪಡ್ಲಹುತ್ತ. ತ್ಯಾ ಕಾಲಾತ್ ಇಸ್ರಾಯಲಾತ್ ಕಿತೀಕಿ ವಿದ್ವಾ ಹುಥ್ಯಾ.

²⁶ ಫನ್ ತ್ಯಾತ್ಲೆ ಯಕಿಪಬಿ ಯಲಿಯಾಲಾ ಲಾವುನ್ ದಿಲಾ ನವಥಾ; ಖರ ಸಿದೊನ್ ಪರದೇಶಾತ್ಲೆ ಸರೆಪತ್ ಗಾವಾತ್ಲೆ ಯಕ ವಿದವೆಪ ತ್ಯವ್ಡಾಸ್ ಲಾವುನ್ ದಿಲಾಹುತ್ತಾ. ”

²⁷ ಆನಿ ಎಲಿಶ್ “ಪ್ರವಾದಿಚಾ ಕಾಲಾತ್ ಇಸ್ರಾಯಲ್ ದುನಿಯಾತ್ ಕಿತಿತರಿ ಲೊಕ ಕುಶ್ಟ ರೊಗಾಚಿ ಹುತ್ತಿತ. ಫನ್ ತ್ಯಾತ್ಲ ಯೊಕ್ಬಿ ಶುದ್ದ ವ್ಹಯಾಚೆ ಆಂದಿ ಸಿರಿಯಾ ದೆಶೆತ್ಲಾ ನಾಮನ್ ತ್ಯವ್ಡಾಸ್ ಬರಜಾ಼ಲ್ಹಾ” ಮನ್ಹುನ್ ಸಾಂಗ್ಲ.

²⁸ ಸಭಾಸ್ಥಾನತ್ಲಿ ಲೊಕ ಸಗ್ಳಿ ಹೆ ಸಬ್ದ ಐಕುನ್ ಖುಬ್ ರಾಗ್ ಕರುನ್

²⁹ ಉಠುನ್ ಯೇಸುಲಾ ಗಾವಾತ್ನಿ ಬಾಹಿರ್ ಗಾಲುನ್ ತ್ಯಂಚಾ ಗಾವ್‍ ಬ್ಯಾಂದ್‌ಲ್ಯಾಲ್ಯಾ ಗುಢ್ಯಾ ವರ್ ನಿಹುನ್ ಡಕ್ಲುನ್ ಗಾಲ್ಹಾಹ್ವಯಿ ಮನ್ಹಿತಿತ.

³⁰ ಖರ ತ್ಯೊ ತ್ಯಂಚೆ ಮದ್ನಿ ನಿಗುನ್ ಗೆಲಾ.

ಭುತ್ ದರ್ಲ್ಯಾಲ್ಯಾಲಾ ಯೇಸುನಿ ಬರ ಕೆಲ್ಯಾಲ

³¹ ಯೇಸು ಗಲಿಲಾಯಾತ್ ಉತುರುನ್ ಗಲಿಲಾಯಾತ್ಲೆ ಕಪೆರ್ನೌಮ ಗಾವಾತ್ ಗೆಲಾ ತಿಥ ಸಬ್ಬತ್ ದಿಸಾತ್ ತ್ಯನಾ ಶಿಕ್ಶನ್ ದಿಯಿತ್ ಹುತ್ತಾ.

³² ತ್ಯಚ಼ ಶಿಕ್ಶನ್ ಐಕುನ್ ತೇ ಖುಬ್ ಆಜಾಬ್ ಜಾ಼ಲ ಕಾ ಮಂಜೆ ತ್ಯಚ಼ ಬೋಲ್ನ ಅಧಿಕಾರಾಚ಼ ಹುತ್ತ.

³³ ತವಾ ಲಾಗಿರ ಲಾಗ್‌ಲ್ಯಾಲಾ ಮಾನುಸ್ ಸಭಾಸ್ಥಾನಾತ್ ಹುತ್ತಾ. ತ್ಯೊ ಮೊಟ್ಯಾನಿ ವರ್ಡುನ್ ಮನ್ಲಾ.

³⁴ ಆರ ನಜ಼ರೆತಿಚಾ ಯೇಸು; ತು ಆಮ್ಚೆ ಮಾಗ ಕಾ ಲಾಗ್ತೊಸ್? ತು ಆಮ್‌ಚಾ಼ ನಾಸ್ ಕರಾಯಾ ಆಲಾಸ್ ಕ್ಯಾ? ತು ಕೊನ್ ಠಾವಾ ಹಾಸ್, ತು ದೇವಾನಿ ಲಾವುನ್ ದಿಲ್ಯಾಲಾ ಪರಿಶುದ್ದ.

³⁵ ತವಾ ಯೇಸುನಿ ತ್ಯಲಾ ದಪ್‌ಕಾವುನ್ “ಗಪ್ಚಿಪ್ ರ‍್ಹಾ ಹೆಲಾ ಸುಡುನ್ ಜಾ಼” ಮನ್ಲಾ ಲಾಗಿರ್ ತ್ಯಾ ಮಾನ್ಸಾಲಾ ತ್ಯಂಚೆ ಮದ್ದಿ ಖಾಲ್ ಅಪ್ಟುನ್ ಕಾಯ್ ತರಾಸ್ ಕರಾಚೆ ಆಂದಿ ತ್ಯಚೆ ಆತ್ನಿ ನಿಗ್ಲ.

³⁶ ತವಾ ಸಗ್ಳಿ ಹ್ಯ ಬಗುನ್ ಲೊಕ ಗಾಬ್ರುನ್ ಹ್ಯ ಕ್ಯಾ ಬೋಲ್ನ? ಹ್ಯೊ ಅಧಿಕಾರಾನಿ ಆನಿ ಬಳಾನಿ ಲಾಗಿರಾನಾ ಆಜ್ಞೆ ಕರ್ತ್ಯೊ ಆನಿ ತಿ ನಿಗುನ್ ಜಾ಼ತ್ಯಾತ ಮನ್ಹುನ್ ಯಕಾಮಕಾಲಾ ಮನ್ಹೂಲಾಗ್ಲ.

³⁷ ಆನಿ ಮಂಗ್ ಯೇಸುಚಿ ಖಬರ್ ಸರ್ಬೌತಾಚಾ ಗಾವಾತ್ನಿ ಸಗ್ಳಿಕ್ಡ ಪಗಳತ್ ಗಿಲಿ.

ಯೇಸುಪ್ನಿ ಬರಿಜಾ಼ಲ್ಯಾಲಿ ಮಾನ್ಸ

³⁸ ಯೇಸು ಸಭಾಸ್ಥಾನಾತ್ನಿ ಉಠುನ್ ಸಿಮೊನಾಚಾ ಗರ‍್ಹಾತ್ ಆಲಾ, ತಿಥ ಸಿಮೊನಾಚಿ ಸಾಸೊ ಖುಬ್ ತಾಪ್ ಯವುನ್ ಪಡ್ಲಿಹುತ್ತಿ ತಿಚೆ ಸಾಟಿ ತ್ಯಚಿಪ ತ್ಯಂಚಾನಿ ಇನಂತಿಕಿಲಿ.

³⁹ ತವಾ ಯೇಸು ತಿಚಿಪ ಉಬಾರಾಹುನ್ ತ್ಯಾ ತಾಪಾಲಾ ದಪ್‍ಕ್ಯಾವಾಲಾ ತವಾ ತಿಲಾ ತಾಪ್ ಸುಡುನ್ ಗೆಲಾ, ತವಾಸ್ ತಿನಿ ಉಠುನ್ ತ್ಯಂಚಿ ಸೆವಾ ಕಿಲಿ.

⁴⁰ ಮಂಗ್ ದೀಸ್ ಮಾವಾಳ್ತಾನಾ ಕುನಾಕುನಾಚಾ ಗರಾತ್ನಿ ತರತರಾಚಾ ರೊಗಾನಿ ಆಸ್‌ಲ್ಯಾಲ್ಯಾನಾ ಲೊಕಾಂಚಾನಿ ಯೇಸುಪ ಆನ್ಲಿತ ಆನಿ ಯೇಸುನಿ ತ್ಯಂಚಾತ್‍ಲ್ಯಾ ಪರತೇಕಾವ ಹಾತ್‍ ಥೆವುನ್ ತ್ಯನಾ ಬರ ಕೆಲ

⁴¹ ತು ದೇವಾಚಾ಼ ಲ್ಯೊಕ್ ಹಾಸ್, ಆಸಿ ವರ್ಡತ್ ಲಾಗಿರ ದಿಕಿಲ್ ಖುಬ್ ಮಾನ್ಚಾತ್ನಿ ನಿಗಲಿತ ಫನ್ ಯೇಸುನಿ ಲಾಗಿರಾನಾ ದಪ್‌ಕ್ಯಾವಿತ್ ಆನಿ ಬುಲುದಿಲಿ ನಾಹಿತ ಕಾ ಮಂಜೆ ತ್ಯೊ ಕ್ರಿಸ್ತ ಮನ್ಹುನ್ ತ್ಯನಾ ಠಾವಾ ಹುತ್ತಾ.

ಯೇಸುನಿ ಸಭಾಸ್ಥಾನಾತ್ ಕೆಲ್ಯಾಲಾ ಪ್ರಸಂಗ

⁴² ಮಂಗ್ ದಿಸ್ರೆ ದಿಸಿ ಯೇಸು ಲೊಕಾನಾ ಸುಡುನ್ ಯಕಾನ್ಸಿ ಗೆಲಾ ತವಾ ಲೊಕ್ ಸಮುದಾಯಾ ತ್ಯಲಾ ಸುದಿತ್ ತ್ಯಚೆ ಜ಼ವಳ್ ಆಲಿ ಆನಿ ಆಪ್ಲಿಪ್ನಿ ತ್ಯನಿ ಜಾ಼ವು ನಾಹಿ ಆಸ ತ್ಯಲಾ ಆಡ್ಯಾವುನ್ ಸರ್ಬೌರಿ ರಾಹ್ಲಿತ.

⁴³ ಫನ್ ಯೇಸು ತ್ಯನಾ ಮನ್ಲಾ “ಮನಾ ಸಗ್‌ಳ್ಯಾ ಗಾವಾತ್ನಿಬಿ ದೇವಾಚಾ ರಾಜಾಚಿ ಖಬರ್ ಸಾಂಗಾಯಾ ಪಾಯ್ಜೆ ಕಾ ಮಂಜೆ ತ್ಯಚಿಸಾಟಿಸ್ ಮನಾ ಲಾವುನ್ ದಿಲ್ಯಾಲಾ ಹಾ. ”

⁴⁴ ಮಂಗ್ ತ್ಯೊ ತೇ ದೇಶೆಚಾ ಸಗ್‌ಳ್ಯಾ ಸಭಾಸ್ಥಾನಾತ್ನಿ ಉಪದೆಸ್ ಕೆಲಾ.