ಯಾಕೊಬ್ 1 - ದೆವಾಚಿ ಖರಿ ಕಬರ್ ನವಾ ಕರಾರ್

¹ ದೇವಾಲಾಬಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಲಾಬಿ ಸೇವಕ್ ಜಾ಼ಲ್ಯಾಲಾ ಯಾಕೊಬ್ ದುಸರೆ ದೇಶೆತ್ ಪಗಾಳ್ಯಾಲ್ಯಾ ಇಸ್ರಾಯಲಾಂಚಾ ಬಾರಾ ಕುಳಾತ್‌ಲ್ಯಾನಾ ಲಿವ್‌ಲ್ಯಾಲ ಕ್ಯಾಮಂಜೆ, ತುಮಾನಾ ಬರ ವ್ಹವುನಿ.

ಇಸ್ವಾಸ್ ಆನಿ ಗಿನ್ಯಾನ್

² ಮಾಜಾ ಬನ್ಹಿ ಬಾವ್ಹಾನು, ತುಮಿ ನಾನಾ ತರಚ಼ ತರಾಸ್ ಕ್ಯಾಡ್ನಾರ್ ತ್ಯ ನಿಸ್ಥ ಸಂತೊಶಾಚ಼ ಮನ್ಹುನ್ ಸಮಜಾ಼.

³ ಕಾ ಮಂಜೆ ತುಮ್ಚಾ ಇಸ್ವಾಸಾಲಾ ವ್ಹತ್ಯಾಲಿ ಪರೀಕ್ಷೆ ತುಮಾನಾ ಸಮಾದಾನ್ ಕರ್ತಿ ಮನ್ಹುನ್ ತುಮಾನಾ ಸಮಜು಼ನಿ.

⁴ ತ್ಯೊ ಸಮಾದಾನ್ ಪುರಾ ತುಮ್ಚಿಪ ದಿಸುನಿ, ತವಾ ತುಮಿ ಸರ್ವ್ಯಾ ಗುನಾಚ಼, ನಿರ್ದೊಸಿ, ಕಶಾತ್ ಕಮ್ಮಿ ನಸಲ್ಯಾಲಿ ವ್ಹನಾರ್.

⁵ ಫನ್ ತುಮ್ಚಿಪ ಕುನಾಪತರಿ ಗಿನ್ಯಾನ್ ಕಮ್ಮಿ ಆಸ್ಲತ ತ್ಯೊ ದೇವಾಪ ಮಾಗುನಿ, ತ್ಯ ತ್ಯಲಾ ಗಾವ್ನಾರ್. ಕಾಮಂಜೆ ದೇವ್ ದಪಕ್ಯಾವಾಚೆ ಆಂದಿ ಸಗ್‌ಳ್ಯಾನಾ ಪುಕಟ್ ದೆನಾರಾ ಜಾ಼ಲ್ಯಾ.

⁶ ಫನ್ ದೇವಾಪ ಮಾಗ್ನಾರ‍್ಯಾನಿ ಥೊಡಾಬಿ ಸಂಸೆವ್ ನಸ್ಥಾನಾ ಇಸ್ವಾಸಾನಿ ಮಾಗುನಿ. ಸಂಸೆವ್ ಕರ್ನಾರಾ ವಾರ‍್ಯಾನಿ ಆದ್ಳುನ್ ಸಮಿಂದೊರಾಚಾ ಲಾಟಾಚೆಗತ್ ಹಿಕ್ಡ ತಿಕ್ಡ ಪಿರತ್ಯೊ.

⁷ ತ್ಯೊ ಮಾನುಸ್ ಆಪ್ನು ಪ್ರಭುಪ್ನಿ ಕಾಯ್ತರಿ ಗಾವ್ನಾರ್ ಮನ್ಹುನ್ ಯವ್‍ಜು಼ನಾಹಿ.

⁸ ಕಾಮಂಜೆ ತ್ಯೊ ದೊನ್ ಮನಾಚಾ಼, ತ್ಯಚಿ ಚಾ಼ಲ್ನುಕ್ ಶಾರ್ಕಿನಾಹಿ.

ಗರಿಬ್ ಆನಿ ಸಾವ್ಕೊರ

⁹ ಗರಿಬ್ ಆಸ್‌ಲ್ಯಾಲಾ ಬಾಹು ಆಪ್ನು ಸಾವ್ಕೊರ್ ಜಾ಼ಲ್ಹೊ ಮನ್ಹುನ್ ಸಂತೊಸ್ ವ್ಹವುನಿ.

¹⁰ ಸಾವ್ಕೊರ್ ಆಸ್ನಾರಾ ಆಪ್ನು ಗರಿಬ್ ಜಾ಼ಲ್ಹೊ ಮನ್ಹುನ್ ಸಂತೊಸ್ ವ್ಹವುನಿ; ಕಾಮಂಜೆ ಸಾವ್ಕೊರ್ ಗವ್ತಾಚಾ ಪುಲಾಚೆಗತ್ ನಾಹಿನಪಟ್ ವ್ಹನಾರ್.

¹¹ ದಿಸ್ ಉಗಾವಲ್ಯಾ ನಂತರ್ ಜ಼ಳ್‌ತ್ಯಾಲ್ಯಾ ಉನಾನಿ ಆಳಿ ವಾಳುನ್, ಪುಲ್ಲ ಜ಼ಡುನ್ ತ್ಯಚಿ ಸೊಬಾ ನಾಹಿವ್ಹತಿ; ತಸಾಸ್ ಸಾವ್ಕೊರ್ ಆಪ್‌ಲ್ಯಾ ಯತ್ನಾತ್ ಪಡುನ್ ನಾಸ್ ವ್ಹವುನ್ ಜಾ಼ನಾರ್.

¹² ಪರಿಕ್ಷೆ ಸುಸುನ್ ಗೆನ್ಹಾರಾ ಬರಾ. ತ್ಯೊ ಪರಿಕ್ಷೆತ್ ಘಟ್ ರಾಹುನ್ ಪ್ರಭು ಆಪ್ಲಿ ಮಾಯಾ ಕರ್ತ್ಯಾಲ್ಯಾನಾ ಸಬ್ದ ದಿಲ್ಯಾಸಾರಾ ಶಾಶ್ವತ್ ಜೀವಾಚ಼ ಕಿರಿಟ್ ಗೆನ್ಹಾರ್.

ಪರಿಕ್ಶಾ ಆನಿ ತರಾಸ್

¹³ ಕೊನ್ತರಿ ಪರಿಕ್ಶೆತ್ ಪಡ್‌ಲ್ಯಾ ನಂತರ್ ಹೀ ಪರಿಕ್ಶೆ ಆಪ್‌ಲ್ಯಾಲಾ ದೇವಾನಿ ದಿಲಿ ಮನ್ಹುನ್ ಸಾಂಗುನಾಹಿ. ಕಾಮಂಜೆ ದೇವ್ ಬುರ್ಶಾನಿ ಪರಿಕ್ಶೆ ದಿಯಿತ್ನಾಹಿ. ಆನಿ ತ್ಯೊ ಕುನಾಲಾಸ್ ಪರಿಕ್ಶೆ ಕರಿತ್ನಾಹಿ.

¹⁴ ಫನ್ ಪರ್ತೆಕ್ ಯೊಕ್ ಬುರ್ಶೆ ಆಶೆತ್ ಗಾಹುನ್ ಖುಳಾ ವ್ಹವುನ್ ಪರಿಕ್ಶೆತ್ ಗಾವ್ತೊ.

¹⁵ ತ್ಯಾ ನಂತರ್ ಬುರ್ಶಿ ಆಶಾ ಗರ್ವಾರ್ ರಾಹುನ್ ಪಾಪ್ ಜ಼ಲಾಮ್ತ. ಪಾಪ್ ಪುರ ವಾಡುನ್ ಮರಾನ್ ಆನ್ತ.

¹⁶ ಮಾಜಾ ಮಾಯಾಚಾ ಬನ್ಹಿ ಬಾವ್ಹಾನು, ಪಸುನಕೊಸಾ.

¹⁷ ಸಗ್ಳಿ ಚಾ಼ಂಗ್ಲಿ ವರ ಆನಿ ಉತ್ತಮ್ ವರ್ದಾನ ವೈನಿ ಮಂಜೆ ದೇವಾಪ್ನಿ ಯತ್ಯಾತ ತ್ಯನಿ ಆಬ್ಳಾಚ಼ ದಿವ ಉತ್ಪನ್ ಕೆಲ, ತ್ಯೊ ಬಧಾಲ್ನಾರ್ ನಾಹಿ. ಆನಿ ಕಚಾಸ್ ಕಾರ್ನಾಲಾ ಬದ್ಲಾವನೆಚಿ ಸಾವುಟ್ ಸಾಹಿತ್ ತ್ಯಚಿವ ಪಡತ್ ನಾಹಿ.

¹⁸ ದೇವಾನಿ ಆಪ್‌ಲ್ಯಾ ಮನಾಸಾರ ಖರ‍್ಯಾ ವಾಕ್ಯಾಸ್ ಲಾಗುನ್ ಜೀವ್ ದಿಲಾ ಮನ್ಹುನ್ ಆಮಿ ತ್ಯಚೆ ಸರ್ವೆ ಉತ್ಪತ್ಥಿತ್ ಪೈಲ ಫಳ್ ಜಾ಼ಲ್ಯಾವ್.

ಐಕಾಚ಼ ಆನಿ ಕರಾಚ಼

¹⁹ ಮಾಜಾ ಮಾಯಾಚಾ ಬನ್ಹಿ ಬಾವ್ಹಾನು, ತುಮಿ ಹ್ಯ ಶಾರ್ಕ ಸಮಜು಼ನ್ ಗೆವ್ಹಾ, ಪರ್ತೆಕ್ ಯೊಕ್ ಐಕಾಯಾ ಚು಼ರುಕ್ ರಾಹುನಿ, ಬೊಲ್‌ನ್ಯಾತ್ ಆನಿ ರಾಗಾತ್ ಥಂಡ್ಫನಾನಿ, ಸಮಾದಾನಾನಿ ರಾಹುನಿ.

²⁰ ಕಾಮಂಜೆ ಮಾನ್ಸಾಲಾ ರಾಗ್ ಆಲಾಕಿ ದೇವ್ ಮಂತ್ಯಾಲ್ಯಾ ನೀಯತಿಚ಼ ಕಾಮ್ ಕರಾಯಾ ವ್ಹಯಿತ್ನಾಹಿ.

²¹ ಮನ್ಹುನ್ ಸಗ್ಳ ನೀಚ಼ಫನ್, ಸಗ್ಳ ಬುರ್ಸಫನ್ ಕಾಡುನ್ ಮನಾತ್ ಆಸ್‍ಲ್ಯಾಲ್ಯಾ ದೇವಾಚಾ ವಾಕ್ಯಾ ಮಾಯೇನಿ ಗೆವ್ಹಾ. ತ್ಯನಾ ತುಮ್‌ಚಾ಼ ಜೀವ್ ರಾಕಾಯಾವ್ಹತೊ.

²² ದೇವಾಚಾ ವಾಕ್ಯಾಸಾರಿ ಚಾ಼ಲಾ, ತ್ಯ ನಿಸ್ಥ ಐಕ್ನಾರಿ ತ್ಯವ್ಡಿಸ್ ವ್ಹವುನ್ ತುಮಾನಾಸ್ ತುಮಿ ಪಸ್ವುನ್ಗಿಹುನಕೊಸಾ.

²³ ಕೊನ್ತರಿ ವಾಕ್ಯಾ ಐಕುನ್ ತ್ಯಚೆಗತ್ ಚಾ಼ಲ್ಯಾನಸ್‌ಲ್ಯಾವ ತ್ಯೊ ಆರ್ಶಾತ್ ಆಪ್ಲ ತ್ವಾಂಡ್ ಬಗ್‌ಲ್ಯಾಲ್ಯಾ ಮಾನಸಾಚೆಗತ್ ರಾನ್ಹಾರ್.

²⁴ ಕಾಮಂಜೆ ಹ್ಯೊ ಆಪ್‌ಲ್ಯಾಲಾ ಆಪನುಸ್ ಬಗುನ್ ನಂತರ್ ಆಪ್ನು ಆಸಾಹಾ ಮನ್ಹುನ್ ತವಾಸ್ ಇಸಾರ‍್ನಾರ್.

²⁵ ಫನ್ ಸುಟ್ನುಕ್ ದೇನಾರ ಪುರ ಧರ್ಮಶಾಸ್ತಾರ್ ದ್ಯಾನ್ ದಿವುನ್ ವಾಚ಼ವುನ್, ಇಚಾರ್ ಕರುನ್ ತ್ಯಚೆಗತ್ ಚಾ಼ಲ್ನಾರಾ ವಾಕ್ಯಾ ಐಕುನ್ ಇಸರುನ್ ಜಾ಼ಯಾಚೆ ಆಂದಿ ತ್ಯಚೆಗತ್ ಚಾ಼ಲತ್ ಆಪ್ಲೆ ಚಾ಼ಲ್ನುಕಿನಿ, ಕಾಮಾನಿ ಆಶೀರ್ವಾದ್ ಗೆನ್ಹಾರ್.

²⁶ ಆಪ್‌ಲ್ಯಾಲಾ ಬಘತ್ ಮಂಥ್ಯಾಲಾ ಕೊನ್ತರಿ ಆಪ್ಲಿ ಜೀಬ್ ಆಪ್‌ಲ್ಯಾ ತಾಬ್ಯಾತ್ ದರ‍್ಹಾಚೆ ಆಂದಿ ಆಪಲ್ಯಾ ಮನಾಲಾ ಫಸಿವತ್ಯಾಲಾ ಜಾ಼ಲ್ಯಾವ ತ್ಯಚಿ ಬಕ್ತಿ ಫುಕಟ್ ಜಾ಼ಲೆ.

²⁷ ತರಾಸಾತ್ ಆಸ್‌ಲ್ಯಾಲ್ಯಾ ಗತಿ ನಸಲ್ಯಾಲ್ಯಾನಾ, ವಿದ್ವೆಂಚಿ ಕ್ಯಾಳ್ಜಿಕರಾ ಆಸ್‌ಲ್ಯಾಲಾ ಹೆ ದುನೆಚಾ಼ ದೊಸ್ ಲಾಗುನಾಹಿ ಆಸಾ ಆಪ್‌ಲ್ಯಾಲಾ ಆಪ್ನು ರಾಕಾಚ಼ ಬಾ ಜಾ಼ಲ್ಯಾಲ್ಯಾ ದೇವಾಚೆ ಮೊರ‍್ಹ ಚಾ಼ಂಗ್ಲ, ನಿರ್ಮಳ್ ಜಾ಼ಲ್ಯಾಲಿ ಬಕ್ತಿ.